ಬೆಂಗಳೂರು: ರಾಜ್ಯದ ಎಲ್ಲಾ ಪ್ರಾಥಮಿಕ ಮತ್ತು ಪ್ರೌಢ ಶಾಲೆಗಳಲ್ಲಿ ಬುಕ್ ಬ್ಯಾಂಕ್ ಸ್ಥಾಪಿಸಲು ಸಾರ್ವಜನಿಕ ಶಿಕ್ಷಣ ಇಲಾಖೆ ಆಯುಕ್ತರು ಆದೇಶ ಪ್ರಕಟಿಸಿದ್ದಾರೆ.
ಪುಸ್ತಕ ಇಲ್ಲದೆ ವಿದ್ಯಾರ್ಥಿಗಳಿಗೆ ತೊಂದರೆ ಆಗದೇ ಇರಲು ಬುಕ್ ಬ್ಯಾಂಕ್ ಸ್ಥಾಪಿಸುವಂತೆ ಸೂಚನೆ ನೀಡಲಾಗಿದೆ. ಇದನ್ನೂ ಓದಿ : ಭಾರತಕ್ಕೆ ಮತ್ತೊಂದು ಪದಕ ಖಚಿತ – ಸೆಮಿಗೆ ಲವ್ಲೀನಾ ಎಂಟ್ರಿ
ಏನಿದು ಬುಕ್ ಬ್ಯಾಂಕ್?
ವಿದ್ಯಾರ್ಥಿಗಳು ಮುಂದಿನ ತರಗತಿಗಳಿಗೆ ಪಾಸ್ ಆದ ಕೂಡಲೇ ಅ ವಿದ್ಯಾರ್ಥಿಗಳ ಹಿಂದಿನ ತರಗತಿಗಳ ಪಠ್ಯ ಪುಸ್ತಕಗಳನ್ನ ಶಾಲೆಗಳಲ್ಲಿ ಸಂಗ್ರಹ ಇಟ್ಟುಕೊಳ್ಳುವುದು. ಶಾಲೆ ಪ್ರಾರಂಭ ಆದ ಕೂಡಲೇ ಪುಸ್ತಕಗಳು ಲಭ್ಯವಾಗದೇ ಹೋದರೆ ಈ ಹಳೆ ಪುಸ್ತಕಗಳನ್ನ ಬಳಸಿ ಮಕ್ಕಳ ಕಲಿಕೆ ಪ್ರಾರಂಭ ಮಾಡುವುದು.
ಹೊಸ ಪುಸ್ತಕಗಳು ಬಂದ ಕೂಡಲೇ ಬುಕ್ ಬ್ಯಾಂಕ್ ಅಡಿ ವಿತರಣೆ ಆದ ಪುಸ್ತಕಗಳನ್ನ ಶಾಲಾ ಲೈಬ್ರರಿ ಅಥವಾ ಗ್ರಾಮ ಪಂಚಾಯತ್ ಲೈಬ್ರರಿಗಳಲ್ಲಿ ಇಡುವುದು. ಮುಂದಿನ ವರ್ಷ ಕೂಡಲೇ ಇದೇ ಮಾದರಿಯಲ್ಲಿ ಹಳೆ ಪುಸ್ತಕಗಳನ್ನು ಶೈಕ್ಷಣಿಕ ಚಟುವಟಿಕೆಗಳಿಗೆ ಬಳಸಿಕೊಳ್ಳುವುದು.
