ಮುಂಬೈ: ಸದಾ ಸೋಶಿಯಲ್ ಮೀಡಿಯಾದಲ್ಲಿ ಸದ್ದು ಮಾಡುವ ನಟಿ ರಾಖಿ ಸಾವಂತ್ ತಮಗೆ ನಾಯಿ ಕಚ್ಚಿದೆ ಎಂದು ಹೇಳಿಕೊಂಡಿದ್ದಾರೆ. ಇನ್ನೂ ರಾಖಿ ಹಿಂದೆ ನಾಯಿ ಬರುತ್ತಿರುವ ವೀಡಿಯೋ ಸಹ ವೈರಲ್ ಆಗಿದೆ.
ಬಿಗ್‍ಬಾಸ್ ಓಟಿಟಿ ಶೋಗೆ ರಾಖಿ ಸಾವಂತ್ ಭಾನುವಾರ ವಿಶೇಷ ಅತಿಥಿಯಾಗಿ ಆಗಮಿಸಿದ್ದರು. ದೊಡ್ಡದಾದ ಗೌನ್ ಧರಿಸಿ ವ್ಯಾನಿಟಿ ವ್ಯಾನ್ ನಿಂದ ಹೊರ ಬಂದ ರಾಖಿ ಸಾವಂತ್ ಹಿಂದೆಯೇ ಒಂದು ನಾಯಿ ಬರುತ್ತಿತ್ತು. ಅಯ್ಯೋ ನಾಯಿ ಕಚ್ಚಬಹುದು ಅದನ್ನ ಓಡಿಸಿ ಎಂದು ರಾಖಿ ಹೇಳೋದನ್ನು ವೀಡಿಯೋದಲ್ಲಿ ನೋಡಬಹುದು. ಈ ವೀಡಿಯೋದಲ್ಲಿ ರಾಖಿ ಸಾವಂತ್ ಸುರಕ್ಷಿತವಾಗಿ ಸ್ಟುಡಿಯೋ ತಲುಪಿದ್ದಾರೆ.
View this post on Instagram
ಇಂದು ಮಾಧ್ಯಮಗಳ ಜೊತೆ ಮಾತನಾಡುತ್ತಾ, ನನ್ನ ಕಾಲಿಗೆ ನಾಯಿ ಕಚ್ಚಿದೆ. ಅರೇ ನನ್ನೊಂದಿಗೆ ಏನು ಆಗ್ತಿದೆ. ಕೊರೊನಾಗಾಗಿ ಇಂಜೆಕ್ಷನ್ ಚುಚ್ಚಿಕೊಳ್ಳಬೇಕು, ಕೆಲವೊಮ್ಮೆ ಡಿ3, ಇಮ್ಯುನಿಟಿ.. ಈಗ ನಾಯಿಗಾಗಿ. ಸದ್ಯ ನಾಯಿ ಕಚ್ಚಿದ್ದರಿಂದ ಇಂಜೆಕ್ಷನ್ ತೆಗೆದುಕೊಳ್ಳಬೇಕಿದೆ. ಈಗ ನಾನು ಆ ನಾಯಿಯನ್ನು ಕಚ್ಚುತ್ತೇನೆ ಎಂದು ಹೇಳಿ ಎಲ್ಲರನ್ನು ನಗಿಸಿದರು.
