ನವದೆಹಲಿ: ಚಿತ್ರರಂಗದ ಅತ್ಯುನ್ನತ ದಾದಾ ಸಾಹೇಬ್ ಫಾಲ್ಕೆ ಪ್ರಶಸ್ತಿ ಸೂಪರ್ ಸ್ಟಾರ್ ರಜನಿಕಾಂತ್ ಭಾಜನರಾಗಿದ್ದಾರೆ. ನವದೆಹಲಿಯ ಸುದ್ದಿಗೋಷ್ಠಿಯಲ್ಲಿ ಕೇಂದ್ರ ಸಚಿವ ಪ್ರಕಾಶ್ ಜಾವ್ಡೇಕರ್ ಘೋಷಣೆ ಮಾಡಿದರು.
ಗಾಯಕಿ ಆಶಾ ಬೋಸ್ಲೆ, ನಿರ್ಮಾಪಕ ಸುಭಾಶ್ ಗೈ, ನಟ ಮೋ ಹನ್ ಲಾಲ್, ಗಾಯಕ ಶಂಕರ್ ಮಹದೇವನ್ ಮತ್ತು ಬಿಸ್ವಜಿತ್ ಚಟರ್ಜಿ ಸಮಿತಿ ಒಮ್ಮತವಾಗಿ ರಜಿನಿಕಾಂತ್ ಅವರನ್ನ ಹೆಸರನ್ನು ಪ್ರಶಸ್ತಿಗೆ ಶಿಫಾರಸ್ಸು ಮಾಡಿತ್ತು. ಸಮಿತಿ ಶಿಫಾರಸ್ಸಿನ ಮೇರೆಗೆ 51ನೇ ದಾದಾ ಸಾಹೇಬ್ ಫಾಲ್ಕೆ ಅವಾರ್ಡ್ ಗೆ ರಜನಿಕಾಂತ್ ಭಾಜನರಾಗಿದ್ದಾರೆ.
Happy to announce #Dadasaheb Phalke award for 2019 to one of the greatest actors in history of Indian cinema Rajnikant ji
His contribution as actor, producer and screenwriter has been iconic
I thank Jury @ashabhosle @SubhashGhai1 @Mohanlal@Shankar_Live #BiswajeetChatterjee pic.twitter.com/b17qv6D6BP
— Prakash Javadekar (@PrakashJavdekar) April 1, 2021
ಈ ಕುರಿತು ಟ್ವೀಟ್ ಮಾಡಿರುವ ಪ್ರಕಾಶ್ ಜಾವ್ಡೇಕರ್, 2019ರ ಸಾಲಿನ ದಾದಾ ಸಾಹೇಬ್ ಫಾಲ್ಕೆ ಪ್ರಶಸ್ತಿಗೆ ರಜನಿಕಾಂತ್ ಅವರ ಹೆಸರನ್ನು ಘೋಷಿಸಲು ಸಂತೋಷವಾಗುತ್ತಿದೆ. ಜೂರಿ ತಂಡಕ್ಕೆ ಧನ್ಯವಾದಗಳನ್ನ ಸಲ್ಲಿಸಿದ್ದಾರೆ. ಪ್ರಶಸ್ತಿ ಘೋಷಣೆ ಆಗುತ್ತಿದ್ದಂತೆ ರಜನಿ ಅಭಿಮಾನಿಗಳಲ್ಲಿ ಹಬ್ಬದ ವಾತಾವರಣ ನಿರ್ಮಾಣವಾಗಿದ್ದು, ತಲೈವಾಗೆ ಶುಭಾಶಯ ತಿಳಿಸುತ್ತಿದ್ದಾರೆ.
ರಜನಿಕಾಂತ್ ಅವರಿಗೆ ಮೇ 3 ರಂದು ದಾದಾ ಸಾಹೇಬ್ ಫಾಲ್ಕೆ ಪ್ರಶಸ್ತಿಯನ್ನು ನೀಡಲಾಗುವುದು ಎಂದು ವರದಿಯಾಗಿದೆ. ಪ್ರೆಸ್ ಇನ್‍ಫರ್ಮೇಶನ್ ಬ್ಯೂರೊ ಸಾಮಾಜಿಕ ಜಾಲತಾಣದಲ್ಲಿ ರಜನಿಗಾಗಿ ವಿಶೇಷ ವೀಡಿಯೋ ಒಂದನ್ನು ಪೋಸ್ಟ್ ಮಾಡುವ ಮೂಲಕ ಶುಭಹಾರೈಸಿದೆ.
The #DadaSahebPhalke award for 2019 will be conferred to legendary actor #Rajinikanth.
It will be presented on 3rd May, along with the #NationalFilmAwards2019.@rajinikanth @official_dff
Details: https://t.co/RZ59NIJpFS pic.twitter.com/fzqvUjnT7m
— PIB India (@PIB_India) April 1, 2021
1950 ಡಿಸೆಂಬರ್ 12 ರಂದು, ರಾಮೋಜಿ ಮತ್ತು ಜಿಜಾಬಾಯ್ ದಂಪತಿಗಳ ಮಗನಾಗಿ ಶಿವಜೀ ರಾವ್ ಗಾಯಕ್ವಾಡ್ ನಾಮಂಕಿತರಾಗಿದ್ದ ರಜನಿಕಾಂತ್, ತನ್ನ ಬಾಲ್ಯದಲ್ಲೇ ಅಭಿನಯದ ಹುಚ್ಚು ಬೆಳೆಸಿಕೊಂಡಿದ್ದರು. ರಜನಿ ಅವರ ಆಸೆಯಂತೆ ಅವರ ಹೆತ್ತವರು ಸಿನಿಮಾ ತರಬೇತಿಗಾಗಿ ಮದ್ರಾಸ್ ಸಿನಿಮಾ ಕೇಂದ್ರಕ್ಕೆ ಸೇರಿಸಿದ್ದರು. ನಂತರ ತಮಿಳು ಚಿತ್ರರಂಗದಲ್ಲಿ ಬೆಳದ ರಜನಿ ತನ್ನದೆ ಆದ ಸ್ಟೈಲ್ ಮೂಲಕ ವಿಶ್ವದಾದ್ಯಂತ ಹಲವು ಅಭಿಮಾನಿಗಳನ್ನು ಸಂಪಾದಿಸಿ ತಮಿಳಿನ ತಲೈವಾ ಸಿನಿಮಾದ ಮೂಲಕ ತಮಿಳಿನ ಸೂಪರ್ ಸ್ಟಾರ್ ಎಂಬ ಬಿರುದು ಪಡೆದುಕೊಂಡಿದ್ದಾರೆ. ನಂತರ ಅವರ ಸಿನಿ ಪಯಣದಲ್ಲಿ ಬಿಲ್ಲ, ಎಂದಿರನ್, ಕಾಲ ಪೇಟಾ,2.0 ಮೊದಲಾದ ಸಿನಿಮಾಗಳಲ್ಲಿ ಅದ್ಬುತವಾಗಿ ನಟಿಸುವ ಮೂಲಕ ತಮಿಳು ಚಿತ್ರರಂಗದಲ್ಲಿ ಹೊಸ ಕಾಂತ್ರಿ ಮೂಡಿಸಿದ್ದರು.
ರಜನಿ ಅವರಿಗಿಂತ ಮೊದಲು ಈ ಪ್ರಶಸ್ತಿಯನ್ನು ಭಾರತೀಯ ಚಿತ್ರರಂಗ ಕಂಡ ಹಲವು ನಟ ನಟಿಯರು ಪಡೆದುಕೊಂಡಿದ್ದಾರೆ ಇವರಲ್ಲಿ ಪ್ರಮುಖರೆಂದರೆ, ಡಾ. ರಾಜ್ ಕುಮಾರ್, ಸತ್ಯಜೀತ್ ರೇ, ರಾಜ್ ಕಪೂರ್, ಗಾಯಕಿ ಲತಾ ಮಂಗೇಶ್ಕರ್, ಅಮಿತಾಭ್ ಬಚ್ಚನ್ ಅವರು ಪ್ರಶಸ್ತಿಯನ್ನು ಪಡೆದುಕೊಂಡಿದ್ದರು.
ರಜನಿ ದಾದಾ ಸಾಹೇಬ್ ಫಾಲ್ಕೆ ಪ್ರಶಸ್ತಿಗೆ ಆಯ್ಕೆಯಾಗುತ್ತಿದ್ದಂತೆ ಪ್ರಧಾನಿ ಮೋದಿ, ಸ್ಟಾಲಿನ್, ಯಡಿಯೂರಪ್ಪ, ಕಮಲ್ ಹಾಸನ್ ಸಹಿತ ಹಲವು ಗಣ್ಯರು ಶುಭ ಹಾರೈಕೆ ಮಾಡಿದ್ದಾರೆ.
