ಬೆಂಗಳೂರು: ನಟಿ ಹರಿಪ್ರಿಯಾ ಅವರು ಮೊದಲ ಬಾರಿಗೇ ನಟ ಡಾಲಿ ಧನಂಜಯ್ ಅವರನ್ನು ಭೇಟಿಯಾದ ನೆನಪನ್ನು ತಮ್ಮ ಅಭಿಮಾನಿಗಳ ಬಳಿ ಹಂಚಿಕೊಂಡಿದ್ದಾರೆ.
ಹರಿಪ್ರಿಯಾ ಲಾಕ್‍ಡೌನ್ ನಡುವೆ ಮನೆಯಲ್ಲೇ ಕುಳಿತು ‘ಬೇಬ್‍ನೋಸ್’ ಎಂಬ ಬ್ಲಾಗ್ ಅನ್ನು ಬರೆಯುತ್ತಿದ್ದಾರೆ. ಇಲ್ಲಿ ಸಿನಿಮಾ ರಂಗದ ನಟ-ನಟಿಯರ ಬಗ್ಗೆ ಅವರನ್ನು ಭೇಟಿ ಮಾಡಿದ ಪ್ರಸಂಗ ಮತ್ತು ಅನುಭವಗಳನ್ನು ಬರೆಯುತ್ತಿರುತ್ತಾರೆ. ಅಂತಯೇ ಇಂದು ಡಾಲಿ ಧನಂಜಯ್ ಅವರನ್ನು ಮೊದಲ ಬಾರಿ ಭೇಟಿ ಮಾಡಿದ ಪ್ರಸಂಗದ ಬಗ್ಗೆ ಬರೆದುಕೊಂಡಿದ್ದಾರೆ.
ತುಂಬಾ ಮಿಸ್ ಮಾಡ್ಕೋತಿದೀನಿ ಅಂದ್ರು ಡಾಲಿ, @Dhananjayaka ☺️ To know what ?! read ???????? "ದಾಡಿಲಿ ಡಾಲಿ" in https://t.co/Oe1QqaL2SK ????#babeknows #babe #knows #Hariprriya #Dhananjay #Daali #bangalore pic.twitter.com/qLCfDhyjOM
— Babe Knows (@Babe_Knows) June 17, 2020
ತುಂಬಾ ದಿನ ಆದಮೇಲೆ ನನ್ನ ಹಳೇ ಹಾರ್ಡ್ ಡಿಸ್ಕ್ ನಲ್ಲಿ ಬ್ಲಾಗ್‍ಗಾಗಿ ಫೋಟೋಗಳು ಹುಡುಕುತ್ತಿದ್ದೆ. ಅದರಲ್ಲಿ ಫ್ರೆಂಡ್ಸ್, ಫ್ಯಾಮಿಲಿ, ಪೆಟ್ಸ್, ಟ್ರಾವೆಲ್ ಅಂತೆಲ್ಲ ಪೋಲ್ಡರ್ಸ್ ಮಾಡಿದ್ದಿನಿ. ಫ್ರೆಂಡ್ಸ್ ಫೋಲ್ಡರ್ ನೋಡುವಾಗ, ಎ ಆರ್.ರೆಹಮಾನ್ ಕನ್ಸರ್ಟ್‍ಗೆ ಹೋಗಿದ್ದ ಫೋಟೋಸ್ ಸಿಕ್ಕಿದವು. ನಮ್ ಬೆಂಗಳೂರು ಪ್ಯಾಲೇಸ್ ಗ್ರೌಂಡ್‍ನಲ್ಲಿ ನಡೆದಿತ್ತು. ನನ್ ಫ್ರೆಂಡ್ಸ್ ಮತ್ತೆ ಫ್ಯಾಮಿಲಿ ಎಲ್ಲರೂ ಹೋಗಿದ್ದೆವು. ನನ್ ಫ್ರೆಂಡ್, ಅವರ ಫ್ರೆಂಡ್ ಜೊತೆ ಬಂದಿದ್ದರು ಎಂದು ಹರಿಪ್ರಿಯ ಬರೆದುಕೊಂಡಿದ್ದಾರೆ.
ಯಾರ್ ಇದು ಇಷ್ಟೊಂದು ದಾಡಿ ಬಿಟ್ಟಿದ್ದಾರೆ ಎಂದುಕೊಂಡು ನಾನು ನನ್ನ ಫ್ರೆಂಡ್ ಅನ್ನು ಕೇಳಿದೆ, ಅವರು ಮೂವಿಗೋಸ್ಕರ ಬಿಟ್ಟಿದ್ದಾರೆ. ಇವರು ಥಿಯೇಟರಿಂದ ಸಿನಿಮಾಗೆ ಬಂದಿದಾರೆ. ಹಾಗೇ ತುಂಬಾ ಪ್ಯಾಷನೇಟ್ ಅಂತ ಗೊತ್ತಾಯಿತು. ಅವರು ಯಾರು ಅಂದರೆ ನಮ್ ಡಾಲಿ ಧನಂಜಯ್. ಯೆಸ್ ನಾನು ಫಸ್ಟ್ ಧನಂಜಯನ ಮೀಟ್ ಮಾಡಿದ್ದು ಅಲ್ಲೇ. ಕನ್ಸರ್ಟ್ ಅಲ್ವಾ. ಎಲ್ಲರೂ ಕೂಗ್ತಾ, ಹಾಡ್ತಾ ಇದ್ವಿ. ನಮ್ ಮಾತು ನಮಗೆ ಕೇಳಿಸುತ್ತಿರಲಿಲ್ಲ. ಸೋ ಅವತ್ತು ಮಾತಾಡಿದ್ದು ಅಷ್ಟೇ ಅನ್ಸುತ್ತೆ ಎಂದು ಹರಿಪ್ರಿಯ ತಿಳಿಸಿದ್ದಾರೆ.
ಆಮೇಲೆ ಒಂದಿನ ಇಂಡಸ್ಟ್ರಿ ಇವೆಂಟ್‍ನಲ್ಲಿ ಸಿಕ್ಕಿದ್ದಾಗ ಗುರುತು ಹಿಡಿಯೋದು ಸ್ವಲ್ಪ ಕಷ್ಟ ಆಯ್ತು. ಯಾಕಂದ್ರೆ ಕ್ಲೀನ್ ಶೇವಲ್ಲಿದ್ದರು. ನಾವು ಯಾವುದೇ ಫುಲ್ ಸಿನಿಮಾದಲ್ಲಿ ಒಟ್ಟಿಗೆ ಆ್ಯಕ್ಟ್ ಮಾಡಿಲ್ಲ ಆದರೂ `ಲೈಫ್ ಜೊತೆ ಒಂದ್ ಸೆಲ್ಫಿ’ ಅನ್ನೋ ಸಿನಿಮಾದಲ್ಲಿ ಸ್ವಲ್ಪ ದಿನ ಒಟ್ಟಿಗೆ ಆ್ಯಕ್ಟ್ ಮಾಡಿದ್ದೇವು. ಶೂಟ್ ನಡುವೆ ಮುಂದಿನ ಸಿನಿಮಾಗಳ ಬಗ್ಗೆ, ಊರಿನ ಬಗ್ಗೆ ಮಾತಾಡುತ್ತಿದ್ದೆವು. ಮುಖ್ಯವಾಗಿ ಅವರ ಊರು ಹಾಸನದ ಅರಸೀಕೆರೆ ಅಂತ ಹೇಳಿದಾಗ ಖುಷಿ ಆಯ್ತು. ಯಾಕಂದರೆ ನಂಗೆ ಕಾಡು, ಹಳ್ಳಿ, ಪರಿಸರ ಎಲ್ಲಾ ತುಂಬಾ ಖುಷಿ ಕೊಡೋ ವಿಷಯಗಳು ಎಂದು ಡಾಲಿ ಊರಿನ ಬಗ್ಗೆ ಹರಿಪ್ರಿಯಾ ಮಾತನಾಡಿದ್ದಾರೆ.
ಈ ಎರಡು ತಿಂಗಳು ನಾವೆಲ್ಲ ಇಲ್ಲೇ ಸಿಟಿಯಲ್ಲೇ ಕೂಡಾಕಿಕೊಂಡು ಇದ್ದೆವು. ಡಾಲಿ ಹಳ್ಳಿಗೇನಾದರೂ ಹೋಗಿದ್ದರಾ? ಅವರು ಈಗ ಆ್ಯಕ್ಟರ್, ಪ್ರೊಡ್ಯೂಸರ್ ಆ್ಯಂಡ್ ರೈಟರ್ ಎಲ್ಲ ನನ್ನ ಡಾಟರ್ ಆಫ್ ಪಾರ್ವತಮ್ಮ ಸಿನೆಮಾಗು ಸಾಂಗ್ ಲಿರಿಕ್ಸ್ ಬರೆದಿದ್ದರು. ಈ ಬಿಡುವಲ್ಲಿ ಬರೀತಿದ್ದರಾ? ಓದುತ್ತಿದ್ದರಾ? ಅಥವಾ ಏನೇನ್ ಮಾಡಿದ್ದರೂ ಎಂದು ತಿಳಿದುಕೊಳ್ಳಲು ಫೋನ್ ಮಾಡಿದ್ದೆ ಎಂದು ಬರೆದು ಫೋನ್ ಸಂಭಾಷಣೆಯನ್ನು ಬರೆದಿದ್ದಾರೆ.
ಹೆಲೋ ಹೀರೋ.. ಹೇಗಿದೀರ ಏನ್ ಮಾಡುತ್ತಿದ್ದೀರಾ?
ಹೆಲೋ ಹೀರೋಯಿನ್, ಚನ್ನಾಗಿದೀನಿ, ನೀವು ನಿಮ್ಮ ಬ್ಲಾಗ್ ಬರಿಯೋದರಲ್ಲಿ ಫುಲ್ ಬ್ಯುಸಿನಾ ಅಂತ ಅಂದರು
ಹೌದು ಫುಲ್‍ಟೈಮ್ ಬರಿತಿದೀನಿ. ಬ್ಲಾಗ್‍ಗೆ ಫೋಟೋಸ್ ಹುಡುಕೋವಾಗಲೇ, ನಾವು ಹೋಗಿದ್ದ ರೆಹಮಾನ್ ಕನ್ಸರ್ಟ್ ಫೋಟೋಸ್ ಸಿಕ್ತು. ಹಾಗೆ ನೆನಪಾಗಿ ಮಾತಡೋಣ ಅಂತ ಕಾಲ್ ಮಾಡಿದೆ. ಎಲ್ಲಿದೀರಾ? ಊರಿಗೆ ಹೋಗಿದ್ರಾ? ಅಂದೆ.
ಓಹ್ ಹೌದಾ ಫೋಟೋಸ್ ನಂಗೂ ಕಳುಹಿಸಿ. ಹು, ಪರ್ಮಿಷನ್ ಸಿಕ್ಕಿದ ಮೇಲೆ ಸ್ವಲ್ಪ ದಿನಕ್ಕೆ ಊರಿಗೆ ಹೋಗಿದ್ದೆ. ಆದರೆ ಯಾಕ್ ಸುಮ್ಮನೆ ಆರಾಮವಾಗಿ ಇರುವ ಹಳ್ಳಿಯವರಿಗೆ ತೊಂದರೆ ಕೊಡೋದು ಎಂದು ವಾಪಸ್ ಬಂದೆ ಅಂದರು.
ಹಳ್ಳಿಯಲ್ಲಿ, ತೋಟದಲ್ಲಿ, ತಂಪಾದ ಗಾಳೀಲಿ ಸುತ್ತಾಡಿಕೊಂಡು, ಮಾವಿನ ಹಣ್ಣು, ಹಲಸಿನ ಹಣ್ಣು ಎಲ್ಲ ಚೆನ್ನಾಗಿ ತಿಂದರಂತೆ. ನಿಮಗ್ ಗೊತ್ತಾ? ಹಲಸು ಅಂದ್ರೆ ನಂಗೆ ಪ್ರಾಣ. ಹೇಳೋಕಾಗಲ್ಲ ಅಷ್ಟು ಇಷ್ಟ. ಮೊನ್ನೆ ನಮ್ಮ ಮನೇಲಿ ಕೂಡ ಅಣ್ಣ ಫುಲ್ ಹಣ್ಣು ತಂದು ಕಟ್ ಮಾಡ್ದ. ಜೇನುತುಪ್ಪ ಜೊತೆ ತಿನ್ನೋದೇ ಮಜಾ. ನಂಗೂ ಅಜ್ಜಿ, ತಾತಾ ಯಾರಾದರೂ ಹಳ್ಳಿಯಲ್ಲಿ ಇದ್ದಿದ್ದರೆ ರಜಾದಿನಗಳಲ್ಲಿ ಆದರೂ ಅಲ್ಲಿಗೆ ಹೋಗಿ ಪರಿಸರದ ಜೊತೆ ಇರಬಹುದಿತ್ತು ಅನ್ಸುತ್ತೆ. ನಮ್ ಡಾಲಿ ಥರ ಎಂದು ಹಳ್ಳಿ ಬಗ್ಗೆ ಹೇಳಿದ್ದಾರೆ.
ಸಿಟಿಗೆ ವಾಪಸ್ ಬಂದ ಮೇಲೆ ಬರೀ ವರ್ಕೌಟ್, ನಿದ್ರೆ ಮಾಡೋದು, ಸಿನಿಮಾ ನೋಡೋದೇ ಆಗಿದೆ ಅಂತೆ. ಆದರೆ ಮನೇಲಿ ನೋಡೋಕೂ ಥಿಯೇಟರ್ ಒಳಗೆ ಸಿನಿಮಾ ನೋಡೋಕೂ ತುಂಬಾ ವ್ಯತ್ಯಾಸ ಇದೆ. ಥಿಯೇಟರ್ ಗೆ ಹೋಗೋದು ಮಿಸ್ ಮಾಡ್ಕೋತಿದೀನಿ. ಥಿಯೇಟರ್ ಓಪನ್ ಆದರೆ ಫಸ್ಟ್ ಹೋಗಿ ಸಿನಿಮಾ ನೋಡೋನು ನಾನೇ ಆಗಿರುತ್ತೇನೆ ಎಂದು ಡಾಲಿ ಹೇಳಿದರು. ನಂಗೂ ಅದೇ ಫೀಲಿಂಗ್ ಆದರೆ ಹುಷಾರು. ನಾವಿನ್ನೂ ತುಂಬಾ ಸಿನಿಮಾ ಮಾಡಬೇಕು, ಜೊತೇಲೂ ಸಿನಿಮಾ ಮಾಡಬೇಕು. ಸೇಫ್ ಆಗಿರಿ ಅಂತ ಟಾಟಾ, ಬೈ, ಬೈ, ಹೇಳಿಕೊಂಡೆವು ಎಂದು ಹರಿಪ್ರಿಯ ತಿಳಿಸಿದ್ದಾರೆ.
ಧನಂಜಯ್ ನಂಗೆ ಗೊತ್ತಿರುವ ಹಾಗೆ ಸ್ವಲ್ಪ ಶೈ ಪರ್ಸನ್. ಆದರೆ ತೆರೆ ಮೇಲೆ ಗೊತ್ತಲ್ವಾ? ಹೀರೋ ಆದರೂ ವಿಲನ್ ಆದ್ರೂ, ಎಲ್ಲ ಪಾತ್ರಗಳಿಗೂ ನ್ಯಾಯ ಕೊಡುತ್ತಾರೆ. ಸಾಕಷ್ಟು ವಿಭಿನ್ನ ಪಾತ್ರಗಳನ್ನು ಮಾಡ್ತಾ ಸ್ಟ್ರಾಂಗ್ ಫ್ಯಾನ್‍ಬೇಸ್ ಕ್ರಿಯೇಟ್ ಮಾಡಿಕೊಂಡಿದ್ದಾರೆ. ಅವರ ಪಾತ್ರಗಳ ಆಯ್ಕೆ ನೋಡಿದಾಗ ನಂಗೂ ತುಂಬಾ ಖುಷಿ ಆಗುತ್ತೆ. ಮುಂದಿನ ದಿನಗಳಿಗೆ ಆಲ್ ದಿ ಬೆಸ್ಟ್, ಒಳ್ಳೇಯದಾಗಲಿ ಧನು ಎಂದು ಧನಂಜಯ್ ಬಗ್ಗೆ ಬರೆದು ಬ್ಲಾಗ್ ಅನ್ನು ಕೊನೆ ಮಾಡಿದ್ದಾರೆ.
