ಬೆಂಗಳೂರು: ಬೆಳಗ್ಗೆ ನಾಯಿಯನ್ನು ವಾಕಿಂಗ್ ಕರೆದುಕೊಂಡು ಬಂದ ಯುವತಿ ಕಿರಿಕ್ ಮಾಡಿದ ಘಟನೆ ಬೆಂಗಳೂರಿನ ಸದಾಶಿವನಗರದಲ್ಲಿ ನಡೆದಿದೆ.
ಯುವತಿ ಎರಡು ನಾಯಿ ಜೊತೆ ವಾಕಿಂಗ್ ಮಾಡುತ್ತಿದ್ದಾಗ ಎದುರಿನಿಂದ ಮಹಿಳೆ ಬರುತ್ತಿದ್ದರು. ಮಹಿಳೆ ಮಹಿಳೆ ಮೂಗಿನಿಂದ ಮಾಸ್ಕ್ ಸರಿಮಾಡಿಕೊಂಡು ಮುಂದೆ ಬರುತ್ತಿದ್ದಾಗ ಏಕಾಏಕಿ ಯುವತಿ ದೊಣ್ಣೆಯಿಂದ ಹಲ್ಲೆ ಮಾಡಿದ್ದಾಳೆ. ಇದನ್ನೂ ಓದಿ: ನಾನು ರಾಜ್ಯದ ಮುಖ್ಯಮಂತ್ರಿ, ಟಿಕೆಟ್ ಬೇಡ – ಬಿಎಂಟಿಸಿಯಲ್ಲಿ ಮಹಿಳೆ ಕಿರಿಕ್
ಅಲ್ಲಿದ್ದ ಸ್ಥಳೀಯರು,”ಮಾಸ್ಕ್ ಹಾಕಿಕೊಂಡಿಲ್ಲ ಅಂದರೆ ದಂಡ ಹಾಕಲು ಪೊಲೀಸರು ಇದ್ದಾರೆ. ದೊಣ್ಣೆಯಲ್ಲಿ ಹೊಡೆಯಲು ನೀನು ಯಾರು” ಎಂದು ಪ್ರಶ್ನಿಸಿದ್ದಾರೆ. ಆದರೆ ಯುವತಿ ಆಕೆ ಮಾಸ್ಕ್ ಹಾಕಿಕೊಂಡಿಲ್ಲ ಎಂದು ಹೇಳಿ ವಾಗ್ವಾದ ಮಾಡಿದ್ದಾಳೆ. ಇದರಿಂದ ಸಿಟ್ಟಿಗೆದ್ದ ಸ್ಥಳೀಯರು ಪೊಲೀಸ್ ಠಾಣೆಗೆ ದೂರು ನೀಡಿದ್ದಾರೆ.
ಸ್ಥಳಕ್ಕೆ ಬಂದ ಪೊಲೀಸರು ಎರಡು ನಾಯಿ ಸಮೇತ ಹೊಡೆದ ಯುವತಿಯನ್ನು ತಮ್ಮ ಕಾರಿನಲ್ಲಿ ಕರೆದುಕೊಂಡು ಹೋಗಿದ್ದಾರೆ.
