ಮುಂಬೈ: ಯುವರಾಜ್ ಸಿಂಗ್ ನಿವೃತ್ತಿ ಘೋಷಣೆ ಮಾಡಿರುವುದರಿಂದ ಐಪಿಎಲ್ ಆಡುತ್ತಿಲ್ಲ. ಇತ್ತ ಬೆನ್ ಸ್ಟೋಕ್ಸ್ ಕೂಡ ಐಪಿಎಲ್‍ನಿಂದ ದೂರವಿದ್ದಾರೆ. ಆದರೂ ಬೆನ್ ಸ್ಟೋಕ್ಸ್ ಮುನ್ನ ಯುವರಾಜ್ ಸಿಂಗ್ ಬ್ಯಾಟಿಂಗ್ ಎಂದು ಯುವಿ ಟ್ವೀಟ್ ಮಾಡಿ ಸ್ಟೋಕ್ಸ್ ಕಾಲೆಳೆದಿದ್ದಾರೆ.
Narine before Morgan???
— Ben Stokes (@benstokes38) October 7, 2020
ಕೋಲ್ಕತ್ತಾ ತಂಡದಲ್ಲಿ ಸುನಿಲ್ ನರೈನ್ ಆರಂಭಿಕನಾಗಿ ಕಣಕ್ಕಿಳಿಯುತ್ತಿದ್ದರು. ಆದರೆ ಚೆನ್ನೈ ವಿರುದ್ಧ ಪಂದ್ಯದಲ್ಲಿ 4ನೇ ಕ್ರಮಾಂಕದಲ್ಲಿ ಬ್ಯಾಟಿಂಗ್‍ನಲ್ಲಿ ಇಳಿದಿದ್ದರು. ಪರಿಣಾಮ ರಾಹುಲ್ ತ್ರಿಪಾಠಿ ಆರಂಭಿಕರಾಗಿ ಕಣಕ್ಕೆ ಇಳಿದಿದ್ದರು. 5ನೇ ಸ್ಥಾನದಲ್ಲಿ ಇಯಾನ್ ಮಾರ್ಗನ್ ಬ್ಯಾಟ್ ಮಾಡುವ ಅವಕಾಶ ಪಡೆದಿದ್ದರು. ಸತತ ವೈಪಲ್ಯಗಳ ನಡುವೆಯೂ ನೈರನ್ ಅವಕಾಶ ಪಡೆದಿದ್ದು ಹಲವರಿಗೆ ಅಚ್ಚರಿ ತಂದಿತ್ತು.
ಈ ಕುರಿತು ರಾಜಸ್ಥಾನ ರಾಯಲ್ಸ್ ತಂಡದ ಆಟಗಾರ ಬೆನ್ ಸ್ಟೋಕ್ಸ್ ಪ್ರತಿಕ್ರಿಯೆ ನೀಡಿದ್ದು, ಮಾರ್ಗನ್ ಮುನ್ನ ನರೈನ್? ಎಂದು ಟ್ವೀಟ್ ಮಾಡಿದ್ದರು. ಈ ಟ್ವೀಟ್‍ಗೆ ಪ್ರತಿಕ್ರಿಯೆ ನೀಡಿದ್ದ ಯುವರಾಜ್ ಸಿಂಗ್, ಸ್ಟೋಕ್ಸ್ ಮುನ್ನ ಯುವರಾಜ್ ಸಿಂಗ್ ಹೇಳಿದ್ದರು.
ಕೆಲವು ಭಾರೀ ಉತ್ತಮ ಬ್ಯಾಟ್ಸ್‍ಮನ್ ಮುನ್ನ ಬೌಲಿಂಗ್ ಮಾಡೋ ಆಲ್‍ರೌಂಡರ್ ಕಣಕ್ಕಿಳುವ ಅವಕಾಶ ನೀಡಬೇಕು ಎಂದು ಯುವರಾಜ್ ಸಿಂಗ್ ಹೇಳಿದ್ದಾರೆ. ಯುವಿ, ಸ್ಟೋಕ್ಸ್ ಉತ್ತಮ ಆಲ್‍ರೌಂಡರ್ ಆಗಿದ್ದು, ಬೌಲಿಂಗ್ ಹಾಗೂ ಬ್ಯಾಟಿಂಗ್‍ನಲ್ಲೂ ತಮ್ಮ ಸಾಮರ್ಥ್ಯ ಸಾಬೀತು ಪಡಿಸಿದ್ದಾರೆ. ಈ ಟ್ವೀಟ್ ಮೂಲಕ ಯುವರಾಜ್ ಸಿಂಗ್ ಬೆನ್ ಸ್ಟೋಕ್ಸ್ ಕಾಲೆಳೆಯಲು ಪ್ರಯತ್ನಿಸಿದ್ದಾರೆ.
ಬೆನ್‍ಸ್ಟೋಕ್ಸ್ ತಂದೆ ಅನಾರೋಗ್ಯ ಕಾರಣದಿಂದ ಐಪಿಎಲ್‍ನ ಮೊದಲ 5 ಪಂದ್ಯಗಳಿಂದ ದೂರ ಉಳಿದಿದ್ದರು. ಆದರೆ ಮತ್ತೆ ಬುಧವಾರ ಯುಎಇಗೆ ಸ್ಟೋಕ್ಸ್ ವಾಪಸ್ ಆಗಿದ್ದು, ಕ್ವಾರಂಟೈನ್‍ಗೆ ಒಳಗಾಗಿದ್ದಾರೆ. ರಾಜಸ್ಥಾನ ತಂಡ ಕಳೆದ ಮೂರು ಪಂದ್ಯಗಳಲ್ಲಿ ಸೋಲುಂಡಿದ್ದು, ಈ ವೇಳೆ ಸ್ಟೋಕ್ಸ್ ತಂಡಕ್ಕೆ ವಾಪಸ್ ಆಗುತ್ತಿರುವುದು ಮತ್ತಷ್ಟು ಬಲ ನೀಡುವ ಸಾಧ್ಯತೆ ಇದೆ.
Quarantine before the storm. ????#HallaBol | #RoyalsFamily | @benstokes38 pic.twitter.com/AaWf1h9lQo
— Rajasthan Royals (@rajasthanroyals) October 4, 2020
