ಫ್ಲೋರಿಡಾ: ಮನಬಂದಂತೆ ರಸ್ತೆಯಲ್ಲಿ ಸುತ್ತುತ್ತಿದ್ದ ಕಾಂಗರೊಂದನ್ನು ಪೊಲೀಸರು ಬಂಧಿಸಿರುವ ವಿಚಿತ್ರ ಘಟನೆ ಫ್ಲೋರಿಡಾದಲ್ಲಿ ನಡೆದಿದೆ.
ಕಾಂಗರೂ ನಮ್ಮ ನಿವಾಸದ ಬಳಿ ಓಡಾಡುತ್ತಿದೆ. ಜೊತೆಗೆ ರಸ್ತೆಯಲ್ಲಿ ಮಲಗಿಕೊಂಡು ವಾಹನ ಸವಾರರಿಗೆ ತೊಂದರೆ ಕೊಡುತ್ತಿದೆ ಎಂದು ಫ್ಲೋರಿಡಾದ ಲಾಡರ್ಡೇಲ್ ನಿವಾಸಿಗಳು ಪೊಲೀಸರಿಗೆ ದೂರು ನೀಡಿದ್ದಾರೆ. ಈ ದೂರಿನ ಮೇರೆಗೆ ಸ್ಥಳಕ್ಕೆ ಬಂದ ಪೊಲೀಸರು ನಡುರಸ್ತೆಯಲ್ಲಿ ಮಲಗಿದ್ದ ತುಂಟ ಕಾಂಗರೂವನ್ನು ಬಂಧಿಸಿ ಕರೆದುಕೊಂಡು ಹೋಗಿದ್ದಾರೆ.
ಮೊದಲು ಅಲ್ಲಿನ ನಿವಾಸಿಗಳು ಯಾವುದೋ ಪ್ರಾಣಿ ನಮ್ಮ ಏರಿಯಾದಲ್ಲಿ ಓಡಾಡುತ್ತಾ ಬಹಳ ತೊಂದರೆ ಕೊಡುತ್ತಿದೆ ಎಂದು ಪೊಲೀಸರಿಗೆ ಕರೆ ಮಾಡಿದ್ದಾರೆ. ಪೊಲೀಸರು ಯಾವುದೋ ನಾಯಿ ಆಥವಾ ಬೆಕ್ಕು ಇರಬೇಕು ಎಂದು ಸ್ಥಳಕ್ಕೆ ಬಂದಿದ್ದಾರೆ. ಈ ವೇಳೆ ಅಲ್ಲಿ ಇದ್ದ ಕಾಂಗರೂವನ್ನು ಕಂಡು ಪೊಲೀಸರೇ ದಂಗಾಗಿ ಹೋಗಿದ್ದಾರೆ. ಸತತ ಎರಡು ಗಂಟೆಯ ಕಾರ್ಯಾಚರಣೆಯ ಮೂಲಕ ಕಾಂಗರೂವನ್ನು ಬಂಧಿಸಿರುವ ಪೊಲೀಸರು ಪೊಲೀಸ್ ಠಾಣೆಯಲ್ಲಿ ಕೂಡಿಹಾಕಿದ್ದಾರೆ.
The @MyFWC will be taking care of the kangaroo rescued from wandering the streets of the city this morning. Fort Lauderdale code does not allow exotic animals like this within the city limits. @FTLCityNews @wsvn @CBSMiami @WPLGLocal10 @nbc6 @AC360 @ABC pic.twitter.com/n06Cg58xr6
— Fort Lauderdale Police (@FLPD411) July 16, 2020
ಈ ವಿಚಾರ ತಿಳಿದ ಕಾಂಗರು ಸಾಕಿರುವ ಮಾಲೀಕ ಆಂಟೋನಿ ಮಕಿಯಾಸ್, ತನಗೆ ವಾಪಸ್ ಕೊಡುವಂತೆ ಪೊಲೀಸರಿಗೆ ಮನವಿ ಮಾಡಿದ್ದಾರೆ. ಆದರೆ ಫ್ಲೋರಿಡಾದ ಲಾಡರ್ಡೇಲ್ ಪ್ರದೇಶದಲ್ಲಿ ಕಾಂಗರೂವನ್ನು ಸಾಕಲು ಅನುಮತಿ ಇಲ್ಲದ ಕಾರಣ ಪೊಲೀಸರು ಆತನಿಗೆ ಅದನ್ನು ವಾಪಸ್ ನೀಡಲು ಮುಂದಾಗಿಲ್ಲ.
