ನವದೆಹಲಿ: ಮೆಡಿಸನ್‍ಗಿಂತ ಮದ್ಯ ಸೇವಿಸಬೇಕೆಂದು ಮಾತನಾಡಿರುವ ಮಹಿಳೆಯ ವೀಡಿಯೋ ಸೋಶಿಯಲ್ ಮೀಡಿಯಾದಲ್ಲಿ ಭಾರೀ ಸದ್ದು ಮಾಡುತ್ತಿದೆ.
ವೀಡಿಯೋದಲ್ಲಿ ವಯಸ್ಸಾದ ಡಾಲಿ ಎಂಬಾಕೆ, ಯಾವುದೇ ಲಸಿಕೆ ಆಲ್ಕೋಹಾಲ್‍ಗೆ ಸಮವಾದದ್ದಲ್ಲ. ಆಲ್ಕೋಹಾಲ್‍ಲೇ ನಿಜವಾದ ಔಷಧಿ. 35 ವರ್ಷಗಳಿಂದ ನಾನು ಕುಡಿಯುತ್ತಿದ್ದೇನೆ ಮತ್ತು ನನಗೆ ಯಾವುದೇ ಔಷಧಿಯ ಅಗತ್ಯವಿಲ್ಲ ಎಂದಿದ್ದಾಳೆ.
ದೆಹಲಿಯಲ್ಲಿ ಮದ್ಯದಂಗಡಿಯನ್ನು ಮತ್ತೆ ತೆರೆಯುವಂತೆ ದೆಹಲಿ ಸರ್ಕಾರಕ್ಕೆ ಮನವಿ ಮಾಡಿದ್ದಾಳೆ. ಅಲ್ಲದೆ ಮದ್ಯದಂಗಡಿಯನ್ನು ತೆರೆದರೆ ಆಸ್ಪತ್ರೆಯ ಬೆಡ್‍ಗಳು ಸಂಪೂರ್ಣವಾಗಿ ಖಾಲಿಯಾಗುತ್ತದೆ. ಸರ್ಕಾರವು ಯಾವುದೇ ಸಮಸ್ಯೆಗಳನ್ನು ಎದುರಿಸಬೇಕಾಗುವುದಿಲ್ಲ ಎಂದು ನುಡಿದಿದ್ದಾಳೆ.
ಹೌದು, ಮದ್ಯದಂಗಡಿಯನ್ನು ತೆರೆದರೆ ಆಸ್ಪತ್ರೆಗಳಲ್ಲಿರುವ ಬೆಡ್‍ಗಳು ಖಾಲಿಯಾಗುತ್ತದೆ ಮತ್ತು ದೆಹಲಿ ಸರ್ಕಾರವು ಅಷ್ಟೊಂದು ತೊಂದರೆಗಳನ್ನು ಎದುರಿಸಬೇಕಾಗಿರುವುದಿಲ್ಲ. ಆಕ್ಸಿಜನ್ ಸಿಲಿಂಡರ್ ಸಮಸ್ಯೆಗಳು ಹೋಗುತ್ತದೆ. ಒಮ್ಮೆ ಜನರು ಮದ್ಯ ಸೇವಿಸಿದರೆ, ಕೊರೊನಾ ಮಾಯವಾಗುತ್ತದೆ ಎಂದು ಮಹಿಳೆ ವೀಡಿಯೋದಲ್ಲಿ ಹೇಳಿದ್ದಾಳೆ.
Delhi wali Dolly aunty is back ???? pic.twitter.com/GsHNXNDaaf
— varun goyal (@varunmaddy) April 25, 2021
ವೀಡಿಯೋ ಸೆರೆ ಹಿಡಿಯುತ್ತಿದ್ದ ವ್ಯಕ್ತಿ ನೀವು ಲಾಕ್‍ಡೌನ್ ಸಮಯದಲ್ಲಿ ಮದ್ಯ ಸೇವಿಸುತ್ತಿದ್ದೀರಾ ಎಂದು ಪ್ರಶ್ನೆ ಕೇಳಿದಾಗ, ಡಾಲಿ ಹೌದು ಎಂದು ಹೇಳಿದ್ದಾಳೆ. ಅಲ್ಲದೆ ಇದೀಗ ಸ್ಟಾಕ್ ಮಾಡಿದ್ದ ಮದ್ಯ ಕೂಡ ಖಾಲಿಯಾಗಿದ್ದು, ಸರ್ಕಾರಕ್ಕೆ ಮದ್ಯದಂಗಡಿಯನ್ನು ಮರು ತೆರೆಯಲು ಮನವಿ ಮಾಡಿದ್ದಾಳೆ.
