ಬೆಂಗಳೂರು: ಮದುವೆಯ ಬಳಿಕ ನಾನು ಯಾವುದೇ ಪಾರ್ಟಿ ಮಾಡಿಲ್ಲ ಎಂದು ಬಿಗ್ ಬಾಸ್ ಸ್ಪರ್ಧಿ ಮತ್ತು ಕ್ರಿಕೆಟಿಗ ಅಯ್ಯಪ್ಪ ಹೇಳಿದ್ದಾರೆ.
ಡ್ರಗ್ಸ್ ವಿಚಾರವಾಗಿ ಇಂದು ಪಬ್ಲಿಕ್ ಟಿವಿ ಜೊತೆ ಮಾತನಾಡಿದ ಅವರು, ಕಳೆದ ಮೂರು ದಿನಗಳ ಹಿಂದೆ ನನಗೆ ನೋಟಿಸ್ ಬಂದಿತ್ತು. ಹೀಗಾಗಿ ಕರೆದಾಗ ಹೋಗುವುದು ನನ್ನ ಕರ್ತವ್ಯ ಹೋಗಿದ್ದೇನೆ. ಕೆಲ ಪ್ರಶ್ನೆಗಳನ್ನು ಕೇಳಿದರು. ಅದಕ್ಕೆ ನನಗೆ ಗೊತ್ತಿದ್ದ ಉತ್ತರವನ್ನು ಹೇಳಿ ಬಂದಿದ್ದೇನೆ ಎಂದು ತಿಳಿಸಿದ್ದಾರೆ.
ನನ್ನ ವೃತ್ತಿ ಜೀವನವೇ ಬೇರೆ, ಇದಕ್ಕೂ ನನಗೂ ಸಂಬಂಧವಿಲ್ಲ. ನಾವು ಪಾರ್ಟಿಗಳನ್ನು ನೋಡಿದ್ದೇವೆ. ಆದರೆ ಡ್ರಗ್ ಪಾರ್ಟಿಗಳನ್ನು ನಾನು ಕಂಡಿಲ್ಲ. ನಾವು ಪಾರ್ಟಿಯಲ್ಲಿ ಸಂಗೀತ ಕೇಳಿಸಿಕೊಂಡು ಬರುತ್ತಿದ್ದೆವು. ಸಾಮಾನ್ಯ ಪ್ರಶ್ನೆಗಳನ್ನು ಅಧಿಕಾರಿಗಳು ನನಗೆ ಕೇಳಿದರು. ನನ್ನ ವೃತ್ತಿಯ ಬಗ್ಗೆ ಕೇಳಿದರು. ಜಾಸ್ತಿ ಸಮಯ ಯಾರ ಜೊತೆ ಕಳೆಯುತ್ತಿರಾ ಎಂದು ಪ್ರಶ್ನೆ ಮಾಡಿದರು. ಅದಕ್ಕೆಲ್ಲ ಸಮರ್ಪಕ ಉತ್ತರ ನೀಡಿ ವಾಪಸ್ ಬಂದೆ ಎಂದು ಅಯ್ಯಪ್ಪ ಹೇಳಿದ್ದಾರೆ.
ನನಗೆ ಯಾರು ಡ್ರಗ್ಸ್ ತೆಗೆದುಕೊಳ್ಳುತ್ತಾರೆ ಗೊತ್ತಿಲ್ಲ. ನಮ್ಮ ವೃತ್ತಿಯಲ್ಲಿ ಇದೆಲ್ಲ ಇಲ್ಲ. ನಾವು ಬ್ಯಾನ್ ಆದ ಯಾವುದೇ ವಸ್ತುಗಳನ್ನು ಸೇವಿಸುವುದಿಲ್ಲ. ಇದರ ಬಗ್ಗೆ ನಮ್ಮ ವೃತ್ತಿಯಲ್ಲಿ ಹೇಳಿಕೊಡುತ್ತಾರೆ. ನಾನು ಪಾರ್ಟಿಗಳಿಗೆ ಮದುವೆಗೂ ಮುಂಚೆ ಹೋಗುತ್ತಿದೆ. ಮದುವೆಯ ನಂತರ ಯಾವುದೇ ಪಾರ್ಟಿ ಮಾಡಿಲ್ಲ. ಕೋಚಿಂಗ್ ಮಾಡಿಕೊಂಡು ಸುಮ್ಮನಿದ್ದೇನೆ. ನೋಟಿಸ್ ಬಂದಾಗ ಶಾಕ್ ಆಯ್ತು, ಆದರೆ ವಿಚಾರಣೆ ನಂತರ ಸರಿ ಹೋಯ್ತು ಎಂದು ಅಯ್ಯಪ್ಪ ತಿಳಿಸಿದ್ದಾರೆ.
