ಕಾರವಾರ: ಬಿಡಾಡಿ ದನಗಳನ್ನು ಕಾರಿನಲ್ಲಿ ತುಂಬಿ ಕಳ್ಳತನ ಮಾಡಿದ ಘಟನೆ ಶಿರಸಿ ನಗರದ ಮರಾಠಿಕೊಪ್ಪದಲ್ಲಿ ಇಂದು ಬೆಳಗ್ಗೆ ನಡೆದಿದೆ.
ವಾಹನದಲ್ಲಿ ಬಂದ ಮುಸುಕುದಾರಿಗಳು ಬೀದಿಯಲ್ಲಿ ಮಲಗಿದ್ದ ದನಗಳನ್ನು ಹಿಡಿದು ವಾಹನಕ್ಕೆ ತುಂಬಿ ಹೊತ್ತೊಯ್ಯುವ ದೃಶ್ಯ ಸಿಸಿ ಟಿವಿ ಕ್ಯಾಮೆರಾದಲ್ಲಿ ಸೆರೆಯಾಗಿದ್ದು, ಇದೀಗ ಈ ವೀಡಿಯೋ ಪೊಲೀಸರಿಗೆ ದೊರತಿದೆ.
ಈ ಹಿಂದೆ ಸಹ ಶಿರಸಿ ನಗರ ಭಾಗದಲ್ಲಿದ್ದ ಬೀದಿ ದನಗಳನ್ನು ಗೋವು ಕಳ್ಳರು ವಾಹನದಲ್ಲಿ ಬಂದು ಸೆರೆಹಿಡಿದು ಪರಾರಿಯಾಗುತಿದ್ದರು. ಈ ಸಂಬಂಧ ಶಿರಸಿ ಪೊಲೀಸರು ಕಳ್ಳರನ್ನು ಹಿಡಿಯುವ ಪ್ರಯತ್ನವನ್ನು ಮುಂದುವರೆಸಿದ್ದರು. ಅಂಕೋಲ, ಭಟ್ಕಳ ಭಾಗದಲ್ಲಿ ಪೊಲೀಸರು ವಾಹನದ ಸಮೇತ ಗೋವು ಕಳ್ಳರನ್ನು ಬಂಧಿಸುವಲ್ಲಿ ಯಶಸ್ವಿಯಾಗಿದ್ದರು. ಆದರೆ ಇದೀಗ ಕಳ್ಳರು ಶಿರಸಿ ಭಾಗದಲ್ಲಿ ಗೋವು ಕಳ್ಳತನಕ್ಕೆ ಮುಂದಾಗಿದ್ದು, ಬೀದಿ ಬದಿ ಇರುವ ಗೋವುಗಳನ್ನು ಹಿಡಿದು ಮುಂಜಾನೆ ವೇಳೆ ಕದ್ದು ಪರಾರಿಯಾಗುತಿದ್ದಾರೆ.
