ಬಿಗ್‍ಬಾಸ್ ಮನೆಗೆ ಎಂಟ್ರಿ ಕೊಟ್ಟ ಬ್ಯಾಚುಲರ್ ಹುಡುಗರಲ್ಲಿ ಬ್ರೋ ಗೌಡ ಶಮಂತ್ ಕೂಡ ಒಬ್ಬರು. ಬಿಗ್‍ಬಾಸ್ ಕಾರ್ಯಕ್ರಮ ಆರಂಭವಾದಾಗಿನಿಂದಲೂ ತಮ್ಮ ಜೋಡಿಹಕ್ಕಿಗಾಗಿ ಹುಡುಕಾಟ ನಡೆಸುತ್ತಿರುವ ಶಮಂತ್‍ಗೆ ಇಲ್ಲಿಯವರೆಗೂ ಒಂದು ಹುಡುಗಿಯೂ ಬೀಳಲಿಲ್ಲ. ಸೂಪರ್ ಸಂಡೇ ವಿತ್ ಕಿಚ್ಚ ಸುದೀಪ್ ಸಂಚಿಕೆಯಲ್ಲಿ ಶಮಂತ್ ಬಿಗ್‍ಬಾಸ್ ಮನೆಯಲ್ಲಿ ಎಲ್ಲರೂ ರಿಸರ್ವಡ್ ಆಗಿದ್ದಾರೆ ಎಂಬ ಸತ್ಯವನ್ನು ಬಾಯಿಬಿಟ್ಟಿದ್ದಾರೆ.
ಹೌದು, ನಿನ್ನೆ ಶಮಂತ್ ಬಿಗ್‍ಬಾಸ್ ಮನೆಯಲ್ಲಿ ಎಲ್ಲ ಹುಡುಗಿಯರು ಬುಕ್ಡ್ ಆಗಿದ್ದಾರೆ ಎಂದು ಶಮಂತ್ ಹೇಳಿದ್ದಾರೆ. ಆಗ ಸುದೀಪ್ ರಿಸರ್ವೇಶನ್‍ನಲ್ಲಿ ಎರಡು ರೀತಿಯ ರಿಸರ್ವೇಶನ್ ಇದೆ. ಒಂದು ಹಿಂದಿನ ಕಾಲದಲ್ಲಿ ಬಸ್ ಹತ್ತುವುದಕ್ಕಿಂತ ಮುನ್ನ ಕಿಟಕಿ ಮೂಲಕ ಕರ್ಚೀಫ್ ಹಾಕುತ್ತಿದ್ದರು. ಅಂದರೆ ಅವರು ಹೋಗುವುದರ ಒಳಗಡೆ ಬೇರೆ ಯಾರಾದರೂ ಹೋದರೆ ಕರ್ಚೀಫ್ ತೆಗೆದು ಮತ್ತೊಬ್ಬರು ಕುಳಿತುಕೊಳ್ಳಬಹುದಿತ್ತು. ಮತ್ತೊಂದು ಇಂದಿನ ಕಾಲದ ಆನ್‍ಲೈನ್ ಬುಕ್ಕಿಂಗ್ ಅದು ಪಕ್ಕಾ ರಿಸರ್ವೇಶನ್ ಎಂದು ಹೇಳುತ್ತಾರೆ.
ಬಳಿಕ ಬಿಗ್‍ಬಾಸ್ ಮನೆಯಲ್ಲಿ ಬುಕ್ಕಿಂಗ್ ಮಾಡಿರುವವರು ಯಾರು ಎಂದು ಕಿಚ್ಚ ಕೇಳಿದಾಗ, ಅರವಿಂದ್ ಹಾಗೂ ಮಂಜು ರಿಸರ್ವ್ ಮಾಡಿದ್ದಾರೆ ಅಂತ ಹೇಳುವ ಮೂಲಕ ಬುಕ್ಕಿಂಗ್ ವಿಚಾರವನ್ನು ಶಮಂತ್ ರಿವೀಲ್ ಮಾಡಿದ್ದಾರೆ. ಅಲ್ಲದೇ ಪ್ರಶಾಂತ್ ಬಳಿ ಟಿಷ್ಯೂ ರಿಸರ್ವೇಶನ್ ಇದೆ ಎಂದು ಕೂಡ ಹೇಳುತ್ತಾರೆ. ಈ ವೇಳೆ ಶಮಂತ್ ಆನ್ ದಿ ಸ್ಪಾಟ್ ಡೈಲಾಂಗ್ ಕೇಳಿದ ಮನೆ ಮಂದಿಯೆಲ್ಲಾ ಹೊಟ್ಟೆ ಹುಣ್ಣಾಗವಂತೆ ನಗುತ್ತಾರೆ.
ನಂತರ ಸುದೀಪ್ ಯಾವುದಾದರೂ ಒಂದು ಕರ್ಚೀಫ್ ಎತ್ತಿ ಕುರುವ ಯೋಚನೆ ಇದ್ಯಾ ಎಂದಾಗ, ಶಮಂತ್ ಇಲ್ಲಿ ಎಲ್ಲರೂ ಬುಕ್ ಮಾಡಿರುವ ಕಾರಣ ನಾನಿನ್ನು ಯಾವ ಕರ್ಚೀಫ್ ಎತ್ತಿ ಕೂರುವ ಯೋಚನೆ ಇಲ್ಲ. ಪಾಪ ಹುಡುಗರು ಹೇಗೋ ಬದುಕಿಕೊಳ್ಳಲಿ ಎನ್ನುವಂತೆ ಹೇಳುತ್ತಾರೆ.
