ಮುಂಬೈ: ಬಾಲಿವುಡ್ ನ ಹಿರಿಯ ನಟ ವಿಶಾಲ್ ಆನಂದ್(82) ಅವರು ನಿಧನರಾಗಿದ್ದಾರೆ.
ಅನೇಕ ದಿನಗಳಿಂದ ಅನಾರೋಗ್ಯದಿಂದ ಬಳಲುತ್ತಿದ್ದ ಅವರು ಭಾನುವಾರ ನಿಧನರಾಗಿದ್ದಾರೆ ಎಂದು ಅವರು ಕುಟುಂಬಸ್ಥರು ತಿಳಿಸಿದ್ದಾರೆ. ವಿಶಾಲ್ ಅವರು 1976ರಲ್ಲಿ ತೆರೆಕಂಡಿದ್ದ ಹಿಟ್ ಸಿನಿಮಾ ಚಲ್ತೆ, ಚಲ್ತೆ ಮೂಲಕ ಪ್ರಸಿದ್ಧರಾಗಿದ್ದರು. ಇವರ ಮೂಲ ಹೆಸರು ಭಿಶಂ ಕೊಹ್ಲಿ ಎಂಬುದಾಗಿದೆ.
ತಮ್ಮ ವೃತ್ತಿ ಜೀವನದಲ್ಲಿ ಸುಮಾರು 11 ಚಿತ್ರಗಳಲ್ಲಿ ವಿಶಾಲ್ ನಟಿಸಿದ್ದರು. ಅಲ್ಲದೆ ಕೆಲವು ಚಿತ್ರಗಳ ನಿರ್ದೇಶನ ಹಾಗೂ ನಿರ್ಮಾಪಕರಾಗಿಯೂ ಕೆಲಸ ಮಾಡಿದ್ದರು. ಟ್ಯಾಕ್ಸಿ ಡ್ರೈವರ್, ಇಂತೆಜಾರ್, ದಿಲ್ ಸೆ ಮೈಲ್ ದಿಲ್ ಮುಂತಾದ ಚಿತ್ರಗಳಲ್ಲಿ ವಿಶಾಲ್ ಆನಂದ್ ಅಭಿನಯಿಸಿದ್ದರು.
