– ವಿಚ್ಛೇದನಕ್ಕೆ ಮುಂದಾಗಿದ್ದ ದಂಪತಿ
ಬ್ರಸಿಲ್ಲಾ: 33 ವರ್ಷದ ಮಹಿಳೆಯ ಪತಿಯ ಮರ್ಮಾಂಗ ಕತ್ತರಿಸಿ ಅದನ್ನ ಬೇಯಿಸಿದ ಆಘಾತಕಾರಿ ಘಟನೆ ಬ್ರೆಜಿಲ್ ನಲ್ಲಿ ನಡೆದಿದೆ.
ಡಯಾನೆ ಕ್ರಿಸ್ಟಿನಾ ಪತಿಯನ್ನು ಕೊಲೆಗೈದ ಮಹಿಳೆ. ಸದ್ಯ ಪೊಲೀಸರು ಕ್ರಿಸ್ಟಿನಾಳನ್ನು ಬಂಧಿಸಿ, ವಿಚಾರಣೆಗೆ ಒಳಪಡಿಸಿದ್ದಾರೆ. ಪತಿ ಆಂಡ್ರೆ ಜೊತೆ ಕ್ರಿಸ್ಟಿನಾ ಬ್ರೆಜಿಲ್ ನ ಸಾವೋ ಗೋನ್ಕಲೋದಲ್ಲಿ ವಾಸವಾಗಿದ್ದಳು. ಇಬ್ಬರ ಮಧ್ಯೆ ಸದಾ ಗಲಾಟೆ ನಡೆಯುತ್ತಿತ್ತು ಎಂದು ವರದಿಯಾಗಿದೆ.
ಪೊಲೀಸರು ಕೊಲೆಯ ವಿಷಯ ತಿಳಿದ ಕ್ರಿಸ್ಟಿನಾ ಮನೆಗೆ ತೆರಳಿದಾಗ ಭಯಾನಕ ದೃಶ್ಯ ಕಾಣಿಸಿದೆ. ಆಂಡ್ರೆ ಮರ್ಮಾಂಗ ಕತ್ತರಿಸಿ, ಪ್ಯಾನ್ ನಲ್ಲಿ ಹಾಕಿ ಫ್ರೈ ಮಾಡಲಾಗಿತ್ತು. ದಂಪತಿ 10 ವರ್ಷಗಳಿಂದ ಜೊತೆಯಾಗಿದ್ದು, ಎರಡು ವರ್ಷಗಳಿಂದ ಪ್ರತ್ಯೇಕವಾಗಿರಲು ಆರಂಭಿಸಿದ್ದರು. ಆದ್ರೆ ಕೆಲ ದಿನಗಳ ಹಿಂದೆ ಮತ್ತೆ ಇಬ್ಬರು ಜೊತೆಯಾಗಿರಲು ಆರಂಭಿಸಿದ್ದರು.
ಈ ನಡುವೆ ಇಬ್ಬರ ನಡುವೆ ವಿಚ್ಛೇದನ ಕುರಿತು ಜಗಳ ಆರಂಭಗೊಂಡಿದೆ. ಬೆಳಗಿನ ಜಾವ 4 ಗಂಟೆಗೆ ಅಡುಗೆ ಮನೆಯಿಂದ ಚಾಕು ತಂದು ಮರ್ಮಾಂಗ ಕತ್ತರಿಸಿ ಕೊಲೆಗೈದಿದ್ದಾಳೆ. ದಂಪತಿ ಜೊತೆಯಾಗಿ ಪಿಜ್ಜಾ ಶಾಪ್ ನಡೆಸುತ್ತಿದ್ದು, 8 ವರ್ಷದ ಮಗ ಮತ್ತು 5 ವರ್ಷದ ಮಗಳಿದ್ದಾಳೆ.
ಆಂಡ್ರೆಗೆ ಪತ್ನಿಯಿಂದ ಪ್ರತ್ಯೇಕವಾಗಲು ಇಷ್ಟವಿರಲಿಲ್ಲ. ಕ್ರಿಸ್ಟಿನಾ ದೂರ ಆಗಿದ್ದರಿಂದ ಮಾನಸಿಕ ಒತ್ತಡದಲ್ಲಿದ್ದನು. ಒಂದು ವೇಳೆ ದೂರವಾದ್ರೆ ಬೇರೆ ಯಾರ ಜೊತೆಯೂ ನೀನು ಇರುವಂತಿಲ್ಲ ಎಂದು ಕ್ರಿಸ್ಟಿನಾಗೆ ಷರತ್ತು ವಿಧಿಸಿದ್ದನು. ಅದೇ ರೀತಿ ಪತ್ನಿಗೆ ಹಲವು ಕೊಲೆ ಬೆದರಿಕೆ ಸಹ ಹಾಕಿದ್ದನು. ಕ್ರಿಸ್ಟಿನಾ ತನ್ನ ರಕ್ಷಣೆಗಾಗಿ ಕೊಲೆ ಮಾಡಿದ್ದಾಳೆ. ಪತಿಯನ್ನ ಕೊಲೆ ಮಾಡಿದ್ದಕ್ಕೆ ಪಶ್ಚಾತ್ತಾಪ ಪಡುತ್ತಿದ್ದಾರೆ. ತಾವಾಗಿಯೇ ಪೊಲೀಸರಿಗೆ ಶರಣಾಗಿದ್ದು, ವಿಚಾರಣೆಗೆ ಸಹಕರಿಸುತ್ತಿದ್ದಾರೆ ಎಂದು ಕ್ರಿಸ್ಟಿನಾ ಪರ ವಕೀಲ ಹೇಳಿದ್ದಾರೆ.
