ಮುಂಬೈ: ಬಾಲಿವುಡ್ ಗಾಯಕಿ ನೇಹಾ ಕಕ್ಕರ್ ಬೇಬಿ ಬಂಪ್ ಫೋಟೋ ನೋಡಿದ ಅಭಿಮಾನಿಗಳು ವಿಶ್ ಮಾಡಿದ್ದರು. ಆದ್ರೆ ಇಂದು ಮಗದೊಂದು ಪೋಸ್ಟ್ ಮಾಡಿಕೊಂಡಿರುವ ನೇಹಾ ಕಕ್ಕರ್, ಅದು ಹಾಡಿನ ಪೋಸ್ಟ್ ಅನ್ನೋದನ್ನ ರಿವೀಲ್ ಮಾಡಿದ್ದಾರೆ. ಇನ್ನು ಎರಡು ಫೋಟೋ ನೋಡಿದ ಫ್ಯಾನ್ಸ್ ನಿಜ ಹೇಳಿ ಅಂತ ಕಮೆಂಟ್ ಮಾಡುತ್ತಿದ್ದಾರೆ.
ಪತಿ ರೋಹನ್ ಪ್ರೀತ್ ಸಿಂಗ್ ಜೊತೆಗೆ ಕ್ಲಿಕ್ಕಿಸಿಕೊಂಡಿರುವ ಫೋಟೋ ಶೇರ್ ಮಾಡಿಕೊಂಡಿದ್ದರು. ನೇಹಾ ಪೋಸ್ಟ್ ಗೆ ಕಮೆಂಟ್ ಮಾಡಿದ್ದ ಪತಿ, ಇನ್ನು ಮುಂದೆ ನಾನಿ ಇನ್ನಷ್ಟು ಇನ್ನಷ್ಟು ಕೇರ್ ಮಾಡಬೇಕು ನೇಹೂ (ಖಯಲಾ ರಖ್ಯಾ ಕರ್)ಎಂದು ತಿಳಿಸಿದ್ದರು.
ನೇಹಾ ಮತ್ತು ರೋಹನ್ ಜೊತೆಯಾಗಿ ಖಯಲಾ ರಖ್ಯಾ ಕರ್ ಹೆಸರಿನ ಹಾಡು ತರಲಿದ್ದಾರೆ. ಈ ಹಾಡಿನಲ್ಲಿ ನೇಹಾ ಗರ್ಭಿಣಿಯಾಗಿ ಕಾಣಿಸಿಕೊಂಡಿದ್ದಾರೆ. ಈ ಹಾಡು ಡಿಸೆಂಬರ್ 22ರಂದು ರಿಲೀಸ್ ಆಗಲಿದೆ ಎಂದು ನೇಹಾ ಹೇಳಿಕೊಂಡಿದ್ದಾರೆ. ಆದ್ರೆ ನೇಹಾ ಗರ್ಭಿಣಿ ಹೌದು? ಅಲ್ವಾ? ಪ್ರಶ್ನೆಗೆ ಇನ್ನೂ ಸ್ಪಷ್ಟತಿ ಸಿಕ್ಕಿಲ್ಲ.
ಗಾಯಕಿ ಹಾಗೂ ನಟಿ ನೇಹಾ ಅವರು ಅಕ್ಟೋಬರ್ 24ರಂದು ತಮ್ಮ ಗೆಳೆಯ ರೋಹನ್ ಪ್ರೀತ್ ಸಿಂಗ್ ಮದುವೆ ದೆಹಲಿಯ ಗುರುದ್ವಾರದಲ್ಲಿ ನಡೆದಿತ್ತು. ನಂತರ ಜೋಡಿ ಮಧುಚಂದ್ರಕ್ಕಾಗಿ ದುಬೈಗೆ ತೆರಳಿತ್ತು. ಸದ್ಯ ಖಾಸಗಿ ವಾಹಿನಿಯ ಸಿಂಗಿಂಗ್ ರಿಯಾಲಿಟಿ ಶೋನಲ್ಲಿ ನೇಹಾ ತೀರ್ಪುಗಾರರಾಗಿದ್ದು, ಈ ಸ್ಪರ್ಧೆಯಲ್ಲಿ ಮಂಗಳೂರಿನ ನಿಹಾಲ್ ತಾವ್ರೂ ಸಹ ಸ್ಪರ್ಧೆಯಲ್ಲಿದ್ದಾರೆ.
