ಮುಂಬೈ: ರಣ್‍ವೀರ್ ಸಿಂಗ್ ಒಂದು ವೇಳೆ ನಟನಾಗದಿದ್ರೆ ಒಳ್ಳೆಯ ಸೆಕ್ಸ್ ಡಾಕ್ಟರ್ ಆಗುತ್ತಿದರು ಎಂದು ನಟಿ ಭೂಮಿ ಪಡ್ನೇಕರ್ ಹೇಳಿದ್ದಾರೆ.
ಬಾಲಿವುಡ್ ನಟಿ ನೇಹಾ ಧುಪಿಯಾ ನಿರೂಪಣೆಯ ಕಾರ್ಯಕ್ರಮದಲ್ಲಿ ಭೂಮಿ ಪಡ್ನೇಕರ್ ಅತಿಥಿಯಾಗಿ ಭಾಗಿಯಾಗಿದ್ದರು. ಈ ವೇಳೆ ನೇಹಾ, ನಿಮ್ಮ ಪ್ರಕಾರ, ಯಾರು ಸೆಕ್ಸ್ ಡಾಕ್ಟರ್ ಆಗಿದ್ರೆ ಹೆಚ್ಚು ಯಶಸ್ವಿಯಾಗಿರುತ್ತಿದ್ದರು ಅಂತ ಕೇಳಲಾಗಿತ್ತು. ಪ್ರಶ್ನೆಗೆ ಉತ್ತರಿಸಿದ ನಟಿ ರಣ್‍ವೀರ್ ಸಿಂಗ್ ಹೆಸರು ಸೂಚಿಸಿದರು. ರಣ್‍ವೀರ್ ಸಿಂಗ್ ಅವರ ಬ್ಯಾಂಡ್ ಬಾಜಾ ಬಾರಾತ್ ಸಿನಿಮಾದ ಸಂದರ್ಶನದ ಉದಾಹರಣೆ ನೀಡಿದ ಭೂಮಿ, ಅವರ ಬಳಿ ಒಳ್ಳೆಯ ಸಲಹೆಗಳು ಇರಬಹುದು ಎಂದಿದ್ದಾರೆ.
ನಟನೆಗೂ ಬರೋದಕ್ಕೂ ಮೊದಲು ನಾನು ಕಾಸ್ಟಿಂಗ್ ಆಡಿಷನ್ ಮಾಡುತ್ತಿದ್ದೆ. ನನ್ನ ಮೊದಲ ಸಿನಿಮಾದ ನಾಯಕ ಆಯುಷ್ಮಾನ್ ಖುರಾನ್ ಪ್ರತಿಭಾನ್ವಿತ ನಟ. ಆಯುಷ್ಮಾನ್ ಎನರ್ಜಿ ನೋಡಿ ನಾನು ಇಂಪ್ರೆಸ್ ಆಗಿದ್ದೆ ಎಂದು ಹೇಳಿದ್ದಾರೆ.
ಧಮ್ ಲಗಾಕೆ ಐಸಾ ಸಿನಿಮಾ ಮೂಲಕ ಭೂಮಿ ಫಡ್ನೇಕರ್ ನಟನೆಯನ್ನು ಆರಂಭಿಸಿದ್ದರು. ಸದ್ಯ ಹಾರಾರ್ ಥ್ರಿಲ್ಲರ್ ಫಿಲಂ ದುರ್ಗಾವತಿಯಲ್ಲಿ ನಟಿಸುತ್ತಿದ್ದಾರೆ. ತೆಲಗು ಸಿನಿಮಾದ ಆಫರ್ ಸಹ ಬಂದಿದ್ದು, ಚಿತ್ರತಂಡದ ಜೊತೆ ಭೂಮಿ ಮಾತುಕತೆ ನಡೆಸಿದ್ದಾರೆ ಎನ್ನಲಾಗಿದೆ.
