– ಪೊಲೀಸರಿಂದ ಮಹಿಳೆಯ ಬಂಧನ
ಬೆಂಗಳೂರು: ನ್ಯಾಯಾಧೀಶರ ಮನೆಯಲ್ಲಿ ಮದುವೆ ಇದೆ ಎಂದು 3 ಲಕ್ಷ ಬೆಲೆ ಬಾಳುವ 120 ಸೀರೆ ಖರೀದಿಸಿ ಮಹಿಳೆಯೊಬ್ಬಳು ವಂಚನೆ ಮಾಡಿದ ಪ್ರಕರಣವೊಂದು ಸಿಲಿಕಾನ್ ಸಿಟಿಯಲ್ಲಿ ಬೆಳಕಿಗೆ ಬಂದಿದೆ.
ವಂಚಿಸಿದ ಮಹಿಳೆಯನ್ನು ಶಶಿಕಲಾ ಎಂದು ಎಂದು ಗುರುತಿಸಲಾಗಿದ್ದು, ಈಕೆ ಇಂದಿರಾ ನಗರ ನಿವಾಸಿ. ಸದ್ಯ ಶಶಿಕಲಾ ಪೊಲೀಸರ ಅತಿಥಿಯಾಗಿದ್ದಾಳೆ.
ನ್ಯಾಯಾಧೀಶರ ಮನೆಯಲ್ಲಿ ಮದುವೆಯಿದೆ ಎಂದು ಶಶಿಕಲಾ ಆಂಧ್ರದ ಪಾಟೂರು ಪಟ್ಟು ಸೀರೆ ಅಂಗಡಿ ಮಾಲೀಕರಿಗೆ ಕರೆ ಮಾಡಿದ್ದಾಳೆ. ಅಲ್ಲದೆ 3 ಲಕ್ಷ ಮೌಲ್ಯದ 120 ಸೀರೆ ಖರೀದಿಸಿ, ಅವುಗಳನ್ನು ನ್ಯಾಯಾಧೀಶರಿಗೆ ತೋರಿಸಿ ಹಣ ತರುತ್ತೇನೆ ಎಂದು ಹೇಳುವ ಮೂಲಕ ಸಂಪಿಗೆಹಳ್ಳಿಯ ಅಪಾರ್ಟ್ ಮೆಂಟ್ ಗೆ ಸೀರೆ ತರಿಸಿಕೊಂಡಿದ್ದಳು. ಆದರೆ ಶಶಿಕಲಾ ಮತ್ತೆ ಬರಲೇ ಇಲ್ಲ.
ಇತ್ತ ಹಣ ತರುತ್ತೇನೆ ಎಂದು ಹೇಳಿರುವ ಶಶಿಕಲಾ ಅಂಗಡಿಗೆ ಬರದೇ ಇರುವುದರಿಂದ ಆತಂಕಗೊಂಡ ಟೆಕ್ಸ್ ಟೈಲ್ ವ್ಯಾಪಾರಿ ಪೆಂಡಮ್ ಸಂಪಿಗೆಹಳ್ಳಿ ಪೊಲೀಸ್ ಠಾಣೆಯಲ್ಲಿ ದೂರು ದಾಖಲಿಸಿದ್ದರು. ದೂರು ಸ್ವೀಕರಿಸಿರುವ ಪೊಲೀಸರು ಆರೋಪಿ ಶಶಿಕಲಾಳನ್ನು ಬಂಧಿಸಿ, 120 ಸೀರೆ ಜಪ್ತಿ ಮಾಡಿದ್ದಾರೆ.
