ಮುಂಬೈ: ಗೂಗ್ಲಿ ಬೆಡಗಿ ಕೃತಿ ಕರಬಂಧ್ ಗೆಳೆಯ ಪುಲ್ಕಿಟ್ ಸಾಮ್ರಾಟ್ ಹುಟ್ಟುಹಬ್ಬಕ್ಕೆ ವಿಶ್ ಮಾಡಿದ್ದು, ರೊಮ್ಯಾಂಟಿಕ್ ಫೋಟೋ ಶೇರ್ ಮಾಡಿಕೊಂಡಿದ್ದಾರೆ. ಬಾಲಿವುಡ್ ನಟ ಪುಲ್ಕಿಟ್ ಸಾಮ್ರಾಟ್ ಡಿಸೆಂಬರ್ 29ರಂದು ತಮ್ಮ 37ನೇ ಹುಟ್ಟುಹಬ್ಬ ಆಚರಿಸಿಕೊಂಡಿದ್ದಾರೆ.
ಇನ್‍ಸ್ಟಾಗ್ರಾಂನಲ್ಲಿ ಗೆಳೆಯನಿಗೆ ಕಿಸ್ ಮಾಡುತ್ತಿರುವ ಫೋಟೋ ಹಂಚಿಕೊಂಡಿರುವ ಕೃತಿ, ನೀನು ಮತ್ತೆ ಒಂದು ವರ್ಷ ಚಿಕ್ಕವನಾದಂತೆ ಇದ್ದಿಯಾ. ನೀನು ಕೋಟಿಗೊಬ್ಬನಾಗಿದ್ದು, ನಿನ್ನ ಹಾಗೆ ಬೇರೆ ಯಾರೂ ಇಲ್ಲ. ಐ ಲವ್ ಯು ಬೇಬಿ ಎಂದು ಕೃತಿ ಬರೆದುಕೊಂಡಿದ್ದಾರೆ. ಇತ್ತ ಪುಲ್ಕಿಟ್ ಸಹ ಬರ್ತ್ ಡೇ ಸೂಟ್ ಹಾಕಿರೋ ಫೋಟೋ ಹಾಕಿಕೊಂಡು ಸಂಭ್ರಮಿಸಿದ್ದಾರೆ.
ಚಿರು ಸಿನಿಮಾ ಮೂಲಕ ಚಂದನವನಕ್ಕೆ ಬಂದ ಕೃತಿ ಕರಬಂದ್ ಮೊದಲ ಚಿತ್ರದಲ್ಲಿಯೇ ನಿರ್ದೇಶಕರ ಮೆಚ್ಚಿನ ನಾಯಕಿಯಾದರು. ತದನಂತರ ಶಿವರಾಜ್‍ಕುಮಾರ್, ಯಶ್ ಸೇರಿದಂತೆ ಹಲವು ಟಾಪ್ ಹೀರೋಗಳ ಜೊತೆ ಸ್ಕ್ರೀನ್ ಶೇರ್ ಮಾಡಿದ್ದಾರೆ. ಹಿಂದಿಯಲ್ಲಿಯೂ ಶಾದಿ ಮೇ ಜರೂರ್ ಆನಾ ಮತ್ತು ಹೌಸ್‍ಫುಲ್ ಸಿನಿಮಾದಲ್ಲಿ ಕೃತಿ ನಟಿಸಿದ್ದಾರೆ.
View this post on Instagram
