ತುಮಕೂರು: ಕೋಡಿಹಳ್ಳಿ ಚಂದ್ರಶೇಖರ್ ನಮ್ಮ ದೇಶದವರಲ್ಲ, ಚೈನಾ ಮಾಡೆಲ್ ಇರಬೇಕು ಎಂದು ಮಾಜಿ ಸಚಿವ ಸೊಗಡು ಶಿವಣ್ಣ ಆಕ್ರೋಶ ವ್ಯಕ್ತಪಡಿಸಿದ್ದಾರೆ.
ಸುದ್ದಿಗೋಷ್ಠಿಯಲ್ಲಿ ಮಾತನಾಡಿದ ಅವರು, ಕೋಡಿಹಳ್ಳಿ ಕಮ್ಯೂನಿಸ್ಟ್ ನಿಬಂಧನೆಗಳನ್ನು ಬಲವಂತವಾಗಿ ಹೇರುವ ಮೂಲಕ ಸಾರಿಗೆ ನೌಕರರ ಹೋರಾಟದ ದಾರಿ ತಪ್ಪಿಸುತಿದ್ದಾರೆ. ನೌಕರರ ಹೋರಾಟದಲ್ಲಿ ಇದ್ದಕ್ಕಿದ್ದಂತೆ ಕಾಣಿಸಿಕೊಂಡಿದ್ದಾರೆ. ಬಹುಶಃ ಇವರು ಚೀನಾದಿಂದ ಬಂದಿರಬೇಕು. ಅವರು ನಮ್ಮ ದೇಶದವರಲ್ಲಿ ಚೈನಾ ಮಾಡೆಲ್ ಇರಬೇಕು ಎಂದು ಹರಿಹಾಯ್ದಿದ್ದಾರೆ.
ಕೋವಿಡ್ ಸಂದರ್ಭದಲ್ಲಿ ಈತ ರೈತರ ನೆರವಿಗೆ ನಿಂತಿಲ್ಲ, ರೈತರ ತರಕಾರಿಗಳು ರಸ್ತೆಗೆ ಬಿದ್ದಿತ್ತು. ನಾವು ಅದನ್ನು ಬೆಂಗಳೂರಿಗೆ ರವಾನಿಸಿ ಮಾರಾಟ ಮಾಡಿದ್ದೆವು. ಆಗ ಈತ ಎಲ್ಲಿಗೆ ಹೋಗಿದ್ದರು, ಈತನಿಗೆ ಮಾನ ಮರ್ಯಾದೆ ಇಲ್ವಾ, ಈ ರೀತಿ ಎತ್ತಿಕಟ್ಟಲು ನಾಚಿಕೆ ಆಗುವುದಿಲ್ಲವೇ? ಈನನ್ನು ಮೇಧಾವಿ ಅಂದುಕೊಂಡಿದ್ದೆ, ಈತ ವ್ಯವಸ್ಥೆಯನ್ನು ಬುಡಮೇಲು ಮಾಡುವವ ಎಂದು ಆಕ್ರೋಶ ವ್ಯಕ್ತಪಡಿಸಿದರು.
ಈತನನ್ನು ಸರ್ಕಾರ ಯಾಕೆ ಸುಮ್ಮನೆ ಬಿಟ್ಟಿದೆ, ಅರೆಸ್ಟ್ ಮಾಡಿ ಒಳಗೆ ಹಾಕಬೇಕು. ಕಾನೂನಿನ ಪ್ರಕಾರ ಚಂದ್ರಶೇಖರ್ ಅವರನ್ನು ಒಳಗೆ ಹಾಕಿದರೆ ಇಷ್ಟೊಂದು ಅಹಿತಕರ ಘಟನೆ ನಡೆಯುತ್ತಿರಲಿಲ್ಲ ಎಂದು ಕಿಡಿಕಾರಿದರು.
