ಮುಂಬೈ: ಕೊರೊನಾ ಸಂಕಷ್ಟದಲ್ಲಿರೋ ಜನರ ಸಹಾಯಕ್ಕೆ ನಟಿ ರಿಯಾ ಚಕ್ರವರ್ತಿ ಮುಂದಾಗಿದ್ದಾರೆ. ಸಹಾಯ ಬೇಕಾದವರು ತಮ್ಮನ್ನ ಸಂಪರ್ಕಿಸಬಹುದು ಎಂದು ರಿಯಾ ಪೋಸ್ಟ್ ಮಾಡಿಕೊಂಡಿದ್ದಾರೆ. ಮತ್ತೊಂದು ಪೋಸ್ಟದ್ ನಮಲ್ ಆಕ್ಸಿಜನ್ ವ್ಯವಸ್ಥೆ ಮಾಡುತ್ತಿರುವ ವಿಷಯವನ್ನು ಸಹ ಹಂಚಿಕೊಂಡಿದ್ದಾರೆ.
ಈ ಕಠಿಣ ಸಮಯದಲ್ಲಿ ನಾವೆಲ್ಲ ಒಗ್ಗಟ್ಟಾಗಿರಬೇಕು. ಸಹಾಯದ ನಿರೀಕ್ಷೆಯಲ್ಲಿರೋರಿಗೆ ನಮ್ಮಿಂದಾದ ನೆರವು ಸಿಗುವಂತಾಗಬೇಕು. ನಿಮ್ಮ ನೆರವು ಚಿಕ್ಕದಿರಲಿ, ದೊಡ್ಡದಿರಲಿ ಅದು ಸಹಾಯ. ನೆರವಿನ ನಿರೀಕ್ಷೆಯಲ್ಲಿರೋರು ನೇರವಾಗಿ ನನಗೆ ಸಂದೇಶ ಕಳುಹಿಸಬಹುದು. ನಿಮ್ಮ ಸಹಾಯಕ್ಕೆ ನನ್ನ ಕಡೆಯಿಂದ ಪ್ರಯತ್ನಿಸುತ್ತೆನೆ. ಆರೋಗ್ಯದ ಬಗ್ಗೆ ಗಮನ ಇರಲಿ, ದಯೆಯ ಭಾವನೆ ಇರಲಿ. ನಿಮ್ಮ ಪ್ರೀತಿಯೇ ನಮ್ಮ ಮನೋಬಲ ಎಂದು ರಿಯಾ ಬರೆದುಕೊಡಿದ್ದಾರೆ.
ಮತ್ತೊಂದು ಪೋಸ್ಟ್ ನಲ್ಲಿ ಆಕ್ಸಿಜನ್ ಪೂರೈಕೆಯ ಕುರಿತ ಮಾಹಿತಿ ಹಂಚಿಕೊಂಡಿದ್ದಾರೆ. ಪುಣೆಯ ಸತಾರಾ ಮತ್ತು ಮುಂಬೈ ಬೆಲ್ಟ್ ಆಸ್ಪತ್ರೆಗಳಿಗೆ ಇನ್ ಹೌಸ್ ಆಕ್ಸಿಜನ್ ಪ್ಲಾಂಟ್ ಎಂಟಿಸಿ ಗ್ರೂಪ್ ನಿಂದ ಆಕ್ಸಿಜನ್ ಪೂರೈಕೆಯ ವಿಷಯವನ್ನ ತಿಳಿಸಿದ್ದಾರೆ. ಎಂಟಿಸಿ ಗ್ರೂಪ್ ಸಹಾಯಕ್ಕೆ ರಿಯಾ ಧನ್ಯವಾದ ಸಲ್ಲಿಸಿದ್ದಾರೆ.
