ಮೈಸೂರು: ನಟ ಸಾರ್ವಭೌಮ ಡಾ.ರಾಜಕುಮಾರ್ ಹಾಡಿನಲ್ಲಿ ಕೊರೊನಾ ಜಾಗೃತಿಯನ್ನು ಮೂಡಿಸುವ ಪದಗಳ ಜೋಡಣೆ ಮಾಡಿ ಹಾಡಿರುವ ವಿದ್ಯಾರ್ಥಿಗಳ ವೀಡಿಯೋ ವೈರಲ್ ಆಗಿದೆ.
ಮೈಸೂರಿನ ವಾಕ್ ಮತ್ತು ಶ್ರವಣ ಕೇಂದ್ರದ ವಿದ್ಯಾರ್ಥಿಗಳು ಸಾಂಗ್ ಹೇಳಿ ಡಾನ್ಸ್ ಮಾಡುತ್ತಾ ಜಾಗೃತಿಯನ್ನು ಮೂಡಿಸಿದ್ದಾರೆ. ಕೊರೊನಾಗೆ ಎಲ್ಲೆ ಎಲ್ಲಿದೆ, ಕೊರೊನಾಗೆಂದು ಕೊನೆಯಿದೆ ಎಂದು ಸಾಂಗ್ ಹಾಡಿ ಡಾನ್ಸ್ ಮಾಡುವ ಮೂಲಕವಾಗಿ ವಿದ್ಯಾರ್ಥಿಗಳು ಸಾಮಾಜಿಕ ಕಳಕಳಿಯನ್ನು ಮೆರೆದಿದ್ದಾರೆ.
ಬಾನಿಗೊಂದು ಎಲ್ಲೆ ಎಲ್ಲಿದೆ ಹಾಡಿಗೆ ಕೊರೊನಾ ಜಾಗೃತಿಯ ಟಚ್ ನೀಡಿರುವ ವಿದ್ಯಾರ್ಥಿಗಳು ಕೊರೊನಾ ಹೆಚ್ಚಾಗುತ್ತಿದೆ. ಜಾಗೃತಿಯಿಂದ ಇರಿ ಎಂದು ಹೇಳುವುದನ್ನು ಬಹಳ ಅರ್ಥಗರ್ಭಿತವಾಗಿ ಮನೆಯಲ್ಲೇ ಇರು, ನಿಧಾನಿಸು ಎಂದು ಹೇಳುತ್ತಾ ಹೆಜ್ಜೆ ಹಾಕಿದ್ದಾರೆ. ಸಾರ್ವಜನಿಕರಿಗೆ ಜಾಗೃತಿ ಮೂಡಿಸುವ ಸಲುವಾಗಿ ಮಾಡಿರುವ ವಿದ್ಯಾರ್ಥಿಗಳ ಕೊರೊನಾ ಸಾಂಗ್ ಸಖತ್ ವೈರಲ್ ಆಗಿದೆ.
