ಲಕ್ನೋ: ಕೊರೊನಾ ಸೋಂಕಿನಿಂದ ವಾಸಿಯಾದ ಅವಳಿ ಸಹೋದದರು ಒಂದೇ ದಿನ ಪ್ರಾಣ ಬಿಟ್ಟಿರುವ ಘಟನೆ ಉತ್ತರಪ್ರದೇಶದಲ್ಲಿ ನಡೆದಿದೆ.
ಜೋಫ್ರೆಡ್ ವರ್ಘಿಸ್ ಗ್ರೆಗೊರಿ ಮತ್ತು ರಾಲ್ಫೆಡ್ ಜಾರ್ಜ್ ಗ್ರೆಗೊರಿ ಮೃತರಾಗಿದ್ದಾರೆ. ಇಬ್ಬರು ಮನೆಯಿಂದಲೇ ಕೆಲಸವನ್ನು ಮಾಡುತ್ತಿದ್ದರು. ಆದರೂ ಕೊರೊನಾ ಸೋಂಕಿಗೆ ಒಳಗಾಗಿದ್ದರು. ಇಬ್ಬರು ಸಹೋದರರನ್ನು ಮೇ 1ರಂದು ಆನಂದ್ ಆಸ್ಪತ್ರೆಗೆ ದಾಖಲಾಗಿತ್ತು. ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆದುಕೊಂಡು ಗುಣಮುಖರಾಗಿ ಮೆ 10 ರಂದು ನೆಗಿಟಿವ್ ವರದಿ ಬಂದಿತ್ತು. ಆಸ್ಪತ್ರೆಯಿಂದ ಡಿಶ್ಚಾರ್ಜ್ ಆಗಿದ್ದರು.
ಮೇ 13 ರಂದು ಇಬ್ಬರಲ್ಲಿಯೂ ಉಸಿರಾಟದ ಸಮಸ್ಯೆ ಕಾಣಿಸಿಕೊಂಡಿತ್ತು. ಅದೇ ದಿನ ರಾತ್ರಿ 11 ಗಂಟೆ ಸುಮಾರಿಗೆ ಒಬ್ಬನು ಪ್ರಾಣ ಬಿಟ್ಟನು. ಮರುದಿನ ಇನ್ನೋಬ್ಬ ಮಗ ಕೊನೆಯುಸಿರೆಳೆದಿದ್ದಾನೆ. ಕೊರೊನಾ ದಿಂದ ಗುಣಮುಖರಾಗಿದ್ದರು ಸೋಂಕು ಶ್ವಾಸಕೋಶಕ್ಕೆ ಹರಡಿತ್ತು. ಇಬ್ಬರು ಮಕ್ಕಳನ್ನು ಕಳೆದುಕೊಂಡಿದ್ದೇವೆ. ನಮ್ಮ ಕುಟುಂಬವೇ ನಾಶವಾಯಿತ್ತು. ಸದ್ಯ ನಮ್ಮ ಕುಟುಂಬದಲ್ಲಿ ಉಳಿದಿರುವುದು ಮೂವರೇ. ನನ್ನ ಮಕ್ಕಳು ಕೊರೊನಾಗೆ ಬಲಿಯಾದರು ಎಂದು ಹೇಳುತ್ತಾ ಹೆತ್ತವರು ಕಣ್ಣೀರು ಹಾಕಿದ್ದಾರೆ.
