ಲಕ್ನೋ: ಈಕೆ ಆ ದೇವರ ಇಚ್ಛೆಯೆಂಬಂತೆ ವಿದ್ಯುತ್ ಶಾಕ್ ಹೊಡೆದು ಎರಡು ಕೈಗಳನ್ನು ಕಳೆದುಕೊಂಡಾಕೆ. ಆದರೆ ಈಕೆಯ ಮನೋಸ್ಥೈರ್ಯದ ಮುಂದೆ ಈ ಸಮಸ್ಯೆ ಕಾಡಲೇ ಇಲ್ಲ. ಸಾಧಿಸಬೇಕೆಂಬ ಛಲದಂಕ ಮಲ್ಲೆಯಾಗಿ ಇದೀಗ ಕೈ ಇದ್ದವರಿಗೂ ಸಾಧಿಸಲಾಗದಂತಹ ಮಹೋತ್ತರವಾದ ಗುರಿಯೊಂದಿಗೆ ಮುನ್ನುಗ್ಗಿ ನಿಜವಾದ ಮಹಿಳಾ ಸಾಧಕಿಯ ಸಾಲಿನಲ್ಲಿ ಕಾಣಿಸಿಕೊಳ್ಳುತ್ತಿದ್ದಾಳೆ.
ಈಕೆಯ ಹೆಸರು ಪ್ರಗತಿ ಉತ್ತರ ಪ್ರದೇಶದ ಮೊರಾದಾಬಾದ್ ನ ಹಳ್ಳಿ ಹುಡುಕಿ 2010ರಲ್ಲಿ ತನಗೆ ಅರಿವಿಲ್ಲದೆ ವಿದ್ಯುತ್ ತಂತಿಯನ್ನು ಮುಟ್ಟಿ ತನ್ನ ಎರಡು ಕೈಯನ್ನು ಕಳೆದುಕೊಳ್ಳುತ್ತಾಳೆ. ಆದರೆ ಕೈ ಇಲ್ಲ ಎಂದು ಸುಮ್ಮನೆ ಕುಳಿತಿದ್ದರೆ ಇಂದು ಪ್ರಗತಿ ಯಾರಿಗೂ ತಿಳಿಯುತ್ತಿರಲಿಲ್ಲ. ಇದೀಗ ಈಕೆ ತನ್ನ ಎರಡು ಕೈಗಳನ್ನು ಕಳೆದುಕೊಂಡಿದ್ದರು ಕೂಡ ತನ್ನ ಸಾಧನೆಯ ಛಲ ಬಿಡದೆ ಅರ್ಧ ತುಂಡಾಗಿರುವ ಎರಡು ಕೈಗಳನ್ನು ಬಳಸಿಕೊಂಡು ಎಲ್ಲರಂತೆ ಮೊಬೈಲ್ ಮತ್ತು ಲ್ಯಾಪ್‍ಟಾಪ್‍ಗಳನ್ನು ಬಳಸುವ ಮೂಲಕ ಜ್ಞಾನರ್ಜನೆ ಮಾಡಿ ಮುನ್ನುಗ್ಗುತ್ತಿದ್ದಾಳೆ.
ಪ್ರಗತಿ ಕೈಗಳು ಇಲ್ಲವೆಂದು ಸುಮ್ಮನಿರದೆ, ತನ್ನ ಅರ್ಧ ತುಂಡಾಗಿರುವ ಕೈಯನ್ನು ಬಳಸಿಕೊಂಡು ಮಕ್ಕಳಿಗೆ ಪಾಠ ಹೇಳಿಕೊಡುತ್ತಾ ಬಂದ ಹಣದಿಂದ ಬ್ಯಾಕಿಂಗ್ ಪ್ರವೇಶ ಪರೀಕ್ಷೆ ಬರೆಯಬೇಕೆಂಬ ಹಂಬಲದೊಂದಿಗೆ ಸಾಧನೆಯ ಹಾದಿಯಲ್ಲಿ ತೊಡಗಿಕೊಂಡಿದ್ದಾಳೆ.
ಪ್ರಗತಿ ತನ್ನ ಕೈ ಕಳೆದುಕೊಂಡು ಪಟ್ಟ ಕಷ್ಟ ಆ ನೋವು, ಕಿಳರಿಮೆಗಳನ್ನು ಸಹಿಸಿಕೊಂಡು ನಾನು ಏನಾದರೂ ಸಾಧಿಸಿ ತೊರಿಸಬೇಕೆಂಬ ಛಲದಿಂದಾಗಿ ಮುನ್ನಡೆಯುವ ಮೂಲಕ ನಿಜವಾದ ಮಹಿಳಾ ದಿನದ ಧೀರ ಮಹಿಳೆಯಾಗಿ ಇತರರಿಗೆ ಸ್ಫೂರ್ತಿಯಾಗುತ್ತಿದ್ದಾಳೆ.
Moradabad: A woman, whose both hands were amputated after she inadvertently touched a live electric wire in 2010, says she can write, operate mobile phone & computer with her hands. “I teach students for my expenses & am preparing for bank entrance exams,” Pragati says #WomensDay pic.twitter.com/qZ8yd1kzCD
— ANI UP (@ANINewsUP) March 8, 2021
