ಬಿಗ್‍ಬಾಸ್ ಮನೆಯಲ್ಲಿ ಈ ವಾರದ ಕ್ಯಾಪ್ಟನ್ಸಿ ಟಾಸ್ಕ್‌ಗೆ ದಿವ್ಯಾ ಸುರೇಶ್, ಅರವಿಂದ್ ಹಾಗೂ ನಿಧಿ ಸುಬ್ಬಯ್ಯ ಆಯ್ಕೆಯಾಗಿದ್ದರು. ಅದರಂತೆ ಬಿಗ್‍ಬಾಸ್ ನಿನ್ನೆ ಹಗ್ಗದ ಸಹಾಯದಿಂದ ಬಕೆಟ್‍ನನ್ನು ಹಿಡಿದುಕೊಳ್ಳಬೇಕು. ಈ ಟಾಸ್ಕ್‌ನಲ್ಲಿ ಯಾರು ಹೆಚ್ಚು ಸಮಯ ಬಕೆಟ್‍ನನ್ನು ಹಿಡಿದುಕೊಂಡಿರುತ್ತಾರೋ ಅವರು ಈ ವಾರದ ಕ್ಯಾಪ್ಟನ್ ಆಗುತ್ತಾರೆ ಎಂದು ಸೂಚಿಸಿರುತ್ತಾರೆ.
ಅದರ ಅನುಸಾರ ಟಾಸ್ಕ್ ವೇಳೆ ಮೊದಲು ನಿಧಿ ಸುಬ್ಬಯ್ಯ ಬಕೆಟ್‍ನನ್ನು ಬಿಟ್ಟು ಔಟ್ ಆಗುತ್ತಾರೆ. ನಂತರ ಅರವಿಂದ್ ಹಾಗೂ ದಿವ್ಯಾ ಸುರೇಶ್ ಟಾಸ್ಕ್ ಮುಂದುವರಿಸುತ್ತಾರೆ. ಈ ವೇಳೆ ಸೊಳ್ಳೆಗಳಿಂದ ದಿವ್ಯಾ ಸುರೇಶ್ ಹಾಗೂ ಅರವಿಂದ್‍ಗೆ ಕಿರಿಕಿರಿ ಆಗುತ್ತಿರುತ್ತದೆ. ಅದನ್ನು ಕಂಡು ದಿವ್ಯಾ ಉರುಡುಗ ಕ್ರೀಮ್ ತಂದು ದಿವ್ಯಾ ಸುರೇಶ್‍ಗೆ ಹಚ್ಚಲಾ ಎಂದು ಕೇಳುತ್ತಾರೆ. ಆಗ ದಿವ್ಯಾ ಸುರೇಶ್ ಬೇಡ ಎನ್ನುತ್ತಾರೆ. ಬಳಿಕ ಅರವಿಂದ್ ರವರಿಗೆ ಹಚ್ಚಲಾ ಎಂದಾಗ ಅರವಿಂದ್ ಹೌದು ಎಂದಾಗ ದಿವ್ಯಾ ಉರುಡುಗ ಅರವಿಂದ್ ಕಾಲಿಗೆ ಕ್ರೀಮ್‍ನನ್ನು ಹಚ್ಚುತ್ತಾರೆ.
ಇದನ್ನು ಕಂಡು ದಿವ್ಯಾ ಸುರೇಶ್ ನೈಸ್ ಕಮೆಂಟ್ ಹಾಕುತ್ತಾ ಜೋರಾಗಿ ನಗುತ್ತಾರೆ. ಆಗ ಮನೆ ಮಂದಿ ಕೂಡ ದಿವ್ಯಾ ಅರವಿಂದ್ ನೋಡಿ ನಗುತ್ತಾರೆ. ಈ ವೇಳೆ ದಿವ್ಯಾ ಸುರೇಶ್ ಆದಾದ ನಂತರ ನನನಗೆ ಲಿಪ್‍ಸ್ಟಿಕ್ ಹಾಕುತ್ತಿಯಾ ಎಂದು ಕೇಳುತ್ತಾರೆ. ಖಂಡಿತ ಹಚ್ಚುತ್ತೇನೆ ಎಂದು ಟಾಸ್ಕ್ ಮಧ್ಯೆ ಲಿಪ್ ಸ್ಟಿಕ್ ಹಚ್ಚುತ್ತಾರೆ. ಆಗ ಮನೆ ಮಂದಿಯೆಲ್ಲಾ ಓ… ಎಂದು ಜೋರಾಗಿ ಕಿರುಚುತ್ತಾ ನಗುತ್ತಾರೆ.
