Sunday, 25th August 2019

Recent News

ಸೀತಾರಾಮನ ಅಕೌಂಟಿಗೆ ಜಮೆಯಾಯ್ತು ಮತ್ತೊಂದು ಹಿಟ್ ಸಾಂಗು!

ಸೀತಾರಾಮ ಕಲ್ಯಾಣದ ಮತ್ತೊಂದು ಹಾಡು ಬಿಡುಗಡೆಯಾಗಿದೆ. ಈ ಹಿಂದೆ ರಾಜ ನಾನು ರಾಣಿ ನೀನು ಎಂಬ ಹಾಡು ಜನಮನ ಸೆಳೆದಿತ್ತು. ನಿಖಿಲ್ ಮತ್ತು ರಚಿತಾ ರಾಮ್ ಜೋಡಿ ಅಭಿಮಾನಿಗಳನ್ನು ಮುದ್ದು ಮುದ್ದಾಗಿಯೇ ಆವರಿಸಿಕೊಂಡಿತ್ತು. ಈ ಬಿಸಿ ಆರೋ ಮುನ್ನವೇ ಈಗ ಮತ್ತೊಂದು ಹಾಡು ಬಿಡುಗಡೆಯಾಗಿದೆ. ಈ ಮೂಲಕ ಸೀತಾರಾಮನ ಖಾತೆಗೆ ಮತ್ತೊಂದು ಹಿಟ್ ಸಾಂಗು ಜಮೆಯಾದಂತಾಗಿದೆ!

ಈ ಸುಂದರ ಕಲ್ಯಾಣ ಮುದ್ದು ಜೋಡಿಯ ಕಲ್ಯಾಣ ಎಂಬ ಈ ಹಾಡು ಇಂದು ಯೂಟ್ಯೂಬ್‍ನಲ್ಲಿ ಬಿಡುಗಡೆಯಾಗಿದೆ. ಫ್ಯಾಮಿಲಿ ಬಾಂಧವ್ಯ ಮತ್ತು ಮದುವೆ ಮೂಡಿನ ಮಾಂಗಲ್ಯಂ ತಂತು ನಾನೇನಾ…. ಎಂಬ ಹಾಡನ್ನು ವಿ. ನಾಗೇಂದ್ರ ಪ್ರಸಾದ್ ಬರೆದಿದ್ದಾರೆ. ಅನೂಪ್ ರುಬೀನ್ಸ್ ಸಂಗೀತ ನೀಡಿರೋ ಈ ಹಾಡಿಗೆ ವಿಜಯ ಪ್ರಕಾಶ್ ಧ್ವನಿಯಾಗಿದ್ದಾರೆ. ಮಾಧುರ್ಯ ಭರಿತವಾದ ಈ ಹಾಡಿಗೆ ಜನ ವ್ಯಾಪಕವಾಗಿ ಮೆಚ್ಚುಗೆ ಸೂಚಿಸುತ್ತಿದ್ದಾರೆ. ಇದು ಚಿತ್ರತಂಡಕ್ಕೆ ಮತ್ತಷ್ಟು ಬಲ ತುಂಬಿದೆ.

ಚನ್ನಾಂಬಿಕಾ ಫಿಲಂಸ್ ಲಾಂಛನದಲ್ಲಿ ಮೂಡಿ ಬಂದಿರೋ ಈ ಚಿತ್ರವನ್ನು ಅನಿತಾ ಕುಮಾರಸ್ವಾಮಿ ನಿರ್ಮಾಣ ಮಾಡಿದ್ದಾರೆ. ರವಿಶಂಕರ್, ಶರತ್ ಕುಮಾರ್ ಮುಂತಾದವರ ಅದ್ಧೂರಿ ತಾರಾಗಣದ ಈ ಚಿತ್ರ ಬಿಡುಗಡೆಯ ಹೊಸ್ತಿಲಲ್ಲಿದೆ.

ಪಬ್ಲಿಕ್ ಟಿವಿಯನ್ನು ಇನ್ ಸ್ಟಾಗ್ರಾಮ್ ನಲ್ಲಿ ಫಾಲೋ ಮಾಡಿ www.instagram.com/publictv , ಪಬ್ಲಿಕ್ ಟಿವಿ ಆ್ಯಪ್ ಡೌನ್‍ಲೋಡ್ ಮಾಡಿ: play.google.com/publictv

Leave a Reply

Your email address will not be published. Required fields are marked *