Connect with us

Cinema

ಟ್ವಿಟ್ಟರ್‌ನಲ್ಲಿ ಮಹಿಳೆ ಬಳಿ ಕ್ಷಮೆ ಕೇಳಿದ ಬಿಗ್ ಬಿ

Published

on

ಮುಂಬೈ: ಬಾಲಿವುಡ್ ಬಗ್ ಬಿ ಟ್ವಿಟ್ಟರ್‌ನಲ್ಲಿ ಒಂದು ಕವನವನ್ನು ಹಂಚಿಕೊಂಡಿದ್ದರು. ಆದರೆ ಈ ಕವನನ್ನು ಬರೆದಿರುವವರಿಗೆ ಕ್ರೆಡಿಟ್ ಕೊಟ್ಟಿರಲಿಲ್ಲ, ಹೀಗಾಗಿ ಮತ್ತೆ ರೀ ಟ್ವೀಟ್ ಮಾಡಿ ಕ್ರೆಡಿಟ್ ಕೊಟ್ಟು ಕ್ಷಮೆ ಕೇಳಿದ್ದಾರೆ.

ಹೌದು. ಇತ್ತೀಚೆಗೆ ಅಮಿತಾಭ್ ಬಚ್ಚನ್ ಒಂದು ಕವನವನ್ನು ಟ್ವಿಟ್ಟರ್‌ನಲ್ಲಿ ಹಂಚಿಕೊಂಡಿದ್ದರು. ಇದನ್ನು ಬರೆದಿದ್ದ ಮಹಿಳೆಯೊಬ್ಬರು ಸರ್ ನಿಮ್ಮ ಟ್ವಿಟ್ಟರ್ ಖಾತೆಯಲ್ಲಿ ನನ್ನ ಕವನ ನೋಡಲು ನಾನು ತುಂಬಾ ಪುಣ್ಯ ಮಾಡಿದ್ದೆನು. ಆದರೆ ಅದರ ಜೊತೆಗೆ ನನ್ನ ಹೆಸರು ಅಲ್ಲಿದ್ದರೆ ನನ್ನ ಖುಷಿ ದುಪ್ಪಟ್ಟು ಆಗಿರುತ್ತಿತ್ತು ಎಂದು ಹೇಳಿದ್ದರು. ಟ್ವಿಟ್ಟರ್‌ನಲ್ಲಿ ಈ ಪ್ರತಿಕ್ರಿಯೆಯನ್ನು ಗಮನಿಸಿದ ಅಮಿತಾಭ್, ಹೊಸದೊಂದು ಟ್ವೀಟ್ ಮಾಡಿದ್ದಾರೆ.

ಈ ಕವನ ತಿಶಾ ಅಗರ್‍ವಾಲ್ ಅವರಿಗೆ ಸೇರಿದೆ. ಈ ಕವನವನ್ನು ಯಾರು ಬರೆದಿದ್ದಾರೆ ಎಂದು ಗೊತ್ತಿರಲಿಲ್ಲ. ಹೀಗಾಗಿ ನಾನು ಪೋಸ್ಟ್ ಮಾಡಿದ್ದೆನು. ಯಾರೋ ನನಗೆ ಕಳುಹಿಸಿದ ಕವನ ಇಷ್ಟವಾಯಿತು. ಆದ್ದರಿಂದ ಪೋಸ್ಟ್ ಮಾಡಿದ್ದೆನು, ಕ್ಷಮೆಯಿರಲಿ ಎಂದು ಹೇಳಿದ್ದಾರೆ. ಸಾಮಾಜಿಕ ಜಾಲತಾಣದಲ್ಲಿ ಅಮಿತಾಭ್ ಅವರ ಈ ಟ್ವೀಟ್‍ಗೆ ನೆಟ್ಟಿಗರು ಮೆಚ್ಚುಗೆ ವ್ಯಕ್ತ ಪಡಿಸಿದ್ದಾರೆ.

ಸೋಷಿಯಲ್ ಮೀಡಿಯಾದಲ್ಲಿ ಅಮಿತಾಭ್ ಸದಾ ಸಕ್ರಿಯರಾಗಿರುತ್ತಾರೆ. ಪ್ರಧಾನಿ ನರೇಂದ್ರ ಮೋದಿ ನಂತರದಲ್ಲಿ ಅತೀ ಹೆಚ್ಚು ಟ್ವಿಟ್ಟರ್‌ನಲ್ಲಿ ಫಾಲೋವರ್ಸ್ ಹೊಂದಿರುವ ವ್ಯಕ್ತಿ ಬಿಗ್ ಬಿ ಆಗಿದ್ದಾರೆ. 44.9 ಮಿಲಿಯನ್ ಫಾಲೋವರ್ಸ್ ಅನ್ನು ಹೊಂದಿದ್ದಾರೆ. ಇದೀಗ ಟ್ವಿಟ್ಟರ್‌ನಲ್ಲಿ ಅಭಿಮಾನಿಯೊಬ್ಬರಿಗೆ ಕ್ಷಮೆ ಕೇಳುವ ಮೂಲಕವಾಗಿ ಮೆಚ್ಚುಗೆಗೆ ಪಾತ್ರರಾಗಿದ್ದಾರೆ.

ಬಿಗ್ ಬಿ ಕೈಯಲ್ಲಿ ಸಾಕಷ್ಟು ಸಿನಿಮಾಗಳಿವೆ. ವಿಕಾಸ್ ಬಹ್ಲ ಅವರ ಹೊಸ ಸಿನಿಮಾದಲ್ಲಿ ಅಮಿತಾಭ್ ಬಚ್ಚನ್ ಜೊತೆಯಲ್ಲಿ ರಶ್ಮಿಕಾ ಮಂದಣ್ಣ ಕಾಣಿಸಿಕೊಳ್ಳಲಿದ್ದಾರೆ.

Click to comment

Leave a Reply

Your email address will not be published. Required fields are marked *

www.publictv.in