Connect with us

Latest

ರಂಜಾನ್ ಮರೆತು ಬಡವರ ಸೇವೆಗೆ ಮುಂದಾದ ಅಂಬುಲೆನ್ಸ್ ಚಾಲಕ

Published

on

ಲಕ್ನೋ: ರಂಜಾನ್ ತಿಂಗಳಿನಲ್ಲಿ ಉಪವಾಸವಿರುವುದು ಬಹಳ ಅಪರೂಪ. ಆದರೆ ಪ್ರಯಾಗರಾಜದಲ್ಲಿರುವ ಅಂಬುಲೆನ್ಸ್ ಚಾಲಕರೊಬ್ಬರು ಉಪವಾಸ ಇರುವುದಕ್ಕಿಂತಲೂ ಕೋವಿಡ್ ಸಮಯದಲ್ಲಿ ಕೆಲಸ ಮಾಡುವುದು ಮುಖ್ಯವೆಂದು ಭಾವಿಸಿ, ಅಂಬುಲೆನ್ಸ್ ಓಡಿಸುವ ಮೂಲಕ ಬಡವರಿಗೆ ಉಚಿತವಾಗಿ ಸೇವೆ ಸಲ್ಲಿಸುತ್ತಿದ್ದಾರೆ. ಅಲ್ಲದೇ ಅನಾಥರ ಕೊನೆಯ ವಿಧಿಗಳನ್ನು ನಿರ್ವಹಿಸಲು ಸಹಾಯ ಮಾಡುತ್ತಿದ್ದಾರೆ. ಜೊತೆಗೆ ಕೋವಿಡ್-19 ರೋಗಿಗಳ ಮೃತದೇಹವನ್ನು ಉಚಿತವಾಗಿ ಸಾಗಿಸಲು ಚಾಲಕ ವಾಹನಗಳನ್ನು ಓದಗಿಸುತ್ತಿದ್ದಾರೆ.

ಪ್ರಯಾಗರಾಜ್ ಬಳಿಯ ಅತ್ತರ್ಸುಯಾ ಪ್ರದೇಶದ ನಿವಾಸಿ ಫೈಜಲ್ ಕಳೆದ 10 ವರ್ಷಗಳಿಂದ ಬಡವರ ಮೃತ ದೇಹಗಳನ್ನು ಉಚಿತವಾಗಿ ಸಾಗಿಸಲು ವಾಹನಗಳನ್ನು ಒದಗಿಸುವ ಕೆಲಸ ಮಾಡುತ್ತಿದ್ದಾರೆ. ಅದರಲ್ಲೂ ಕೋವಿಡ್-19 ಸಂಕಷ್ಟದ ಸಮಯದಲ್ಲಿ ಹೆಚ್ಚಿನ ಸಮಯವನ್ನು ಕಷ್ಟದಲ್ಲಿರುವವರಿಗೆ ಸಹಾಯ ಮಾಡುವ ಮೂಲಕ ಕಳೆಯುತ್ತಿದ್ದಾರೆ.

ಈ ವಿಚಾರವಾಗಿ ಮಾತನಾಡಿದ ಅವರು, ಇದು ಕಷ್ಟದ ಸಮಯ. ನನಗೆ ಕರೆ ಬಂದ ಕೂಡಲೇ ನಾನು ಹೊರಹೋಗುತ್ತೇನೆ. ಇಂತಹ ಸಮಯದಲ್ಲಿ ನಾನು ಉಪವಾಸವಿರಲು ಸಾಧ್ಯವಿಲ್ಲ. ಇದನ್ನು ಅಲ್ಲಾಹನು ಅರ್ಥಮಾಡಿಕೊಳ್ಳುತ್ತಾನೆ ಎಂದು ನನಗೆ ತಿಳಿದಿದೆ. ನನ್ನನ್ನು ಲೌಕಿಕ ವಿಷಯಗಳಲ್ಲಿ ತೊಡಗಿಸಿಕೊಂಡರೆ ನನ್ನ ಕೆಲಸಕ್ಕೆ ಅಡಚಣೆಯಾಗಬಹುದು, ಹಾಗಾಗಿ ನಾನು ಮದುವೆಯಾಗಲು ಬಯಸುವುದಿಲ್ಲ ಎಂದು ಹೇಳಿದ್ದಾರೆ.

ಫೈಜಲ್ ಯಾರನ್ನು ಹಣ ಕೇಳುವುದಿಲ್ಲ. ಆದರೆ ಯಾರಾದರೂ ಅವರಾಗಿ ಅವರೇ ಹಣ ನೀಡಿದರೆ ಮಾತ್ರ ಸ್ವೀಕರಿಸುತ್ತಾರೆ. ಮೊದಲಿಗೆ ಮೃತ ದೇಹಗಳನ್ನು ಬಂಡಿಯ ಮೂಲಕ ಸಾಗಿಸುತ್ತಿದ್ದರು. ಆದರೆ ನಂತರ ಸಾಲ ಪಡೆದು ಅಂಬುಲೆನ್ಸ್ ಖರೀದಿಸಿರುವುದಾಗಿ ಹೇಳಿಕೊಂಡಿದ್ದಾರೆ.

Click to comment

Leave a Reply

Your email address will not be published. Required fields are marked *