Connect with us

Bengaluru City

ಹೊರಗೆ ಕೊರೊನಾ ಭೀತಿ- ಮಕ್ಕಳಿಗೆ ಮನೆಯಲ್ಲೇ ಮಾಡಿಕೊಡಿ ಆಲೂ ಮಂಚೂರಿ

Published

on

ವೀಕೆಂಡ್ ಬಂದ್ರೆ ಮಕ್ಕಳನ್ನ ಹೊರಗೆ ಕರೆದುಕೊಂಡು ಹೋಗಬೇಕು. ವೀಕೆಂಡ್ ಮಸ್ತಿ ಮಾಡೋಣ ಅಂದ್ರೆ ಎಲ್ಲೆಡೆ ಕೊರೊನಾ ಭೀತಿ. ಇನ್ನು ಸರ್ಕಾರ ಜನಸಂದಣಿ ಇರುವ ಪ್ರದೇಶಗಳಿಗೆ ತೆರಳಬೇಡಿ ಎಂದು ಎಚ್ಚರಿಕೆಯನ್ನು ನೀಡಿದೆ. ಮಕ್ಕಳಲ್ಲಿ ರೋಗ ನಿರೋಧಕ ಶಕ್ತಿ ಕಡಿಮೆ ಇರೋದರಿಂದ ಅವರ ಬಗ್ಗೆ ಹೆಚ್ಚಿನ ಕಾಳಜಿ ವಹಿಸಬೇಕು. ಮಕ್ಕಳನ್ನು ಮನೆಯಲ್ಲಿ ಹಿಡಿದಿಟ್ಟುಕೊಳ್ಳುವುದು ಅಷ್ಟು ಸುಲಭವಲ್ಲ. ಹೊರಗಿನ ಫಾಸ್ಟ್ ಫುಡ್ ಗಾಗಿ ಹಠ ಹಿಡಿಯುತ್ತವೆ. ಹಾಗಾಗಿ ಮನೆಯಲ್ಲಿಯೇ ಚಿಕ್ಕವರಿಂದ ದೊಡ್ಡ ವಯಸ್ಸಿನವರಗೆ ಎಲ್ಲರಿಗೂ ಇಷ್ಟವಾಗುವ ಆಲೂ ಮಂಚೂರಿ ಮಾಡಿ ವೀಕೆಂಡ್ ಆನಂದಿಸಿ.

ಬೇಕಾಗುವ ಸಾಮಾಗ್ರಿಗಳು
* ದೊಡ್ಡ ಆಲೂಗಡ್ಡೆ – 4
* ಮೈದಾ ಹಿಟ್ಟು – ಅರ್ಧ ಬಟ್ಟಲು
* ಜೋಳದ ಹಿಟ್ಟು – ಮುಕ್ಕಾಲು ಬಟ್ಟಲು
* ಶುಂಠಿ, ಬೆಳ್ಳುಳ್ಳಿ ಪೇಸ್ಟ್ – ಅರ್ಧ ಸ್ಪೂನ್
* ಖಾರದ ಪುಡಿ- 1 ಸ್ಪೂನ್
* ಉಪ್ಪು – ರುಚಿಗೆ ತಕ್ಕಷ್ಟು
* ಎಣ್ಣೆ ಕರಿಯಲು

ಬೇಕಾಗುವ ಸಾಮಾಗ್ರಿಗಳು
* ಹಸಿಮೆಣಸಿನ ಕಾಯಿ – 3 ಸಣ್ಣಗೆ ಹೆಚ್ಚಿದ್ದು
* ಬೆಳ್ಳುಳ್ಳಿ – 2-3 ಎಸಳು ಸಣ್ಣಗೆ ಹೆಚ್ಚಿದ್ದು
* ಕ್ಯಾಪ್ಸಿಕಂ – ಸಣ್ಣಗೆ ಹೆಚ್ಚಿದ್ದು
* ಈರುಳ್ಳಿ – ಸಣ್ಣಗೆ ಹೆಚ್ಚಿದ್ದು
* ಸೋಯಾ ಸಾಸ್ – ಸ್ವಲ್ಪ
* ಟೊಮೆಟೋ ಸಾಸ್- 1 ಚಮಚ
* ಚಿಲ್ಲಿ ಸಾಸ್- ಅರ್ಧ ಚಮಚ
* ಪೆಪ್ಪರ್ ಪೌಡರ್ – ಸ್ವಲ್ಪ

ಮಾಡುವ ವಿಧಾನ
* ಮೊದಲಿಗೆ ಆಲೂಗಡ್ಡೆಯ ಸಿಪ್ಪೆ ತೆಗೆಯಬೇಕು.
* ಬಳಿಕ ಕ್ಯೂಬ್ ರೀತಿಯಲ್ಲಿ ಆಲೂಗಡ್ಡೆಯನ್ನು ಸಣ್ಣಗೆ ಹೆಚ್ಚಿಕೊಂಡು ಅರ್ಧಂಬರ್ಧ ಬೇಯಿಸಿಕೊಳ್ಳಬೇಕು. ಬಳಿಕ ನೀರು ಸೋಸಿ ಒಂದು ಬದಿಗಿಡಿ.
* ಈಗ ಒಂದು ಮಿಕ್ಸಿಂಗ್ ಬೌಲ್‍ಗೆ ಮೈದಾ ಹಿಟ್ಟು, ಜೋಳದ ಹಿಟ್ಟು, ಶುಂಠಿ-ಬೆಳ್ಳುಳ್ಳಿ ಪೇಸ್ಟ್, ಖಾರದ ಪುಡಿ, ಉಪ್ಪು ಹಾಕಿ ಚೆನ್ನಾಗಿ ಮಿಶ್ರಣ ಮಾಡಿಕೊಳ್ಳಿ.
* ನೀರು ಸೋಸಿದ ಆಲೂಗಡ್ಡೆಯನ್ನು ಮಿಶ್ರಣ ಹಾಕಿ 5-10 ನಿಮಿಷ ನೆನೆಯಲು ಬಿಡಿ.
* ಈಗ ಕರಿಯುವ ಪಾತ್ರೆ ಎಣ್ಣೆಯನ್ನು ಹಾಕಿ ಕಾಯಲು ಬಿಡಿ.
* ಈಗ ಕಾದ ಎಣ್ಣೆಗೆ ಆಲೂಗಡ್ಡೆಯನ್ನು ಗೋಲ್ಡನ್ ಬ್ರೌನ್ ಬರೋವರೆಗೆ ಕರಿಯಿರಿ.
* ಆಲೂಗಡ್ಡೆ ಎಲ್ಲವನ್ನು ಕರಿದಿಟ್ಟುಕೊಳ್ಳಿ.
* ಈಗ ಒಗ್ಗರಣೆ ಹಾಕಲು ಬಾಣಲೆಗೆ ಸ್ವಲ್ಪ ಎಣ್ಣೆ ಹಾಕಿ ಸಣ್ಣಗೆ ಹೆಚ್ಚಿದ್ದ ಹಸಿಮೆಣಸಿನಕಾಯಿ, ಬೆಳ್ಳುಳ್ಳಿ, ಈರುಳ್ಳಿ, ಕ್ಯಾಪ್ಸಿಕಂ ಅನ್ನು ಹಾಕಿ ಹುರಿದುಕೊಳ್ಳಿ.
* ಬಳಿಕ ಬಾಣಲೆಗೆ ಸೋಯಾ ಸಾಸ್, ಟೊಮೆಟೋ ಸಾಸ್, ಪೆಪ್ಪರ್ ಪೌಡರ್ ಹಾಕಿ ಫ್ರೈ ಮಾಡಿ ಬಳಿಕ ಉಪ್ಪು ಹಾಕಿ.
* ಈಗ ಒಂದು ಚಮಚದಷ್ಟು ಜೋಳದ ಹಿಟ್ಟಿಗೆ ನೀರು ಸೇರಿಸಿ ಒಗ್ಗರಣೆಗೆ ಸೇರಿಸಿ.
* ಬಳಿಕ ಕರಿದಿಟ್ಟುಕೊಂಡ ಆಲೂಗಡ್ಡೆಯನ್ನು ಮಿಕ್ಸ್ ಮಾಡಿ. 2-3 ನಿಮಿಷ ಫ್ರೈ ಮಾಡಿ.
* ಸಿಂಪಲ್ ಆಲೂ ಮಂಚೂರಿ ಸರ್ವ್ ಮಾಡುವಾಗ ಮೇಲೆ ಕೊತ್ತಂಬರಿ ಸೊಪ್ಪು ಅಥವಾ ಈರುಳ್ಳಿ ಸೊಪ್ಪು ಉದುರಿಸಿ. ಸಾಸ್ ಜೊತೆ ಸವಿಯಲು ಕೊಡಿ.

Health benefits of Eating Potatoes and Drinking Potato Juice

ಆರೋಗ್ಯದ ಬೆಸ್ಟ್‌ಫ್ರೆಂಡ್‌ ಆಲೂಗಡ್ಡೆ..!#Health #Potato

Posted by Public TV on Monday, February 24, 2020