Connect with us

Cinema

ಹ್ಯಾಪಿ ಆ್ಯನಿವರ್ಸರಿ ನಮಗೆ ಕ್ಯೂಟಿ ಅಂದ ಅಲ್ಲು ಅರ್ಜುನ್

Published

on

ಹೈದರಾಬಾದ್: ಟಾಲಿವುಡ್ ಸ್ಟೈಲಿಶ್ ಸ್ಟಾರ್ ನಟ ಅಲ್ಲು ಅರ್ಜುನ್ ದಾಂಪತ್ಯ ಜೀವನಕ್ಕೆ ಕಾಲಿಟ್ಟು ಹತ್ತು ವರ್ಷ ಕಳೆದಿದೆ. ಇದೇ ಖುಷಿಯಲ್ಲಿ ಅಲ್ಲು ಅರ್ಜುನ್ ಪತ್ನಿ ಸ್ನೇಹ ರೆಡ್ಡಿ ಜೊತೆ ತಾಜ್‍ಮಹಲ್ ಮುಂದೆ ಕ್ಲಿಕ್ಕಿಸಿಕೊಂಡಿದ್ದ ಕೆಲ ಫೋಟೋಗಳನ್ನು ತಮ್ಮ ಇನ್‍ಸ್ಟಾಗ್ರಾಮ್ ಖಾತೆಯಲ್ಲಿ ಹಂಚಿಕೊಂಡಿದ್ದಾರೆ. ವಿಶೇಷವೆಂದರೆ ಫೋಟೋಗಳ ಜೊತೆ ಅಲ್ಲು ಪತ್ನಿಯನ್ನು ಪ್ರೀತಿಯಿಂದ ಕ್ಯೂಟಿ ಎಂದು ಕರೆದಿರುವ ವಿಚಾರ ಬಹಿರಂಗಗೊಂಡಿದೆ. ಒಂದು ತಾಜ್ ಮಹಲ್ ಮುಂದೆ ಕ್ಲಿಕ್ಕಿಸಿಕೊಂಡಿರುವ ಫೋಟೋವಾದರೆ ಮತ್ತೊಂದು ಮದುವೆ ವೇಳೆ ಸೆರೆಹಿಡಿಯಲಾದ ಫೋಟೋವನ್ನು ಕೋಲಾಜ್ ಮಾಡಿ ಶೇರ್ ಮಾಡುವ ಮೂಲಕ ಸವಿನೆನಪುಗಳ ಮೆಲುಕು ಹಾಕಿದ್ದಾರೆ.

ಫೋಟೋಗಳ ಶೇರ್ ಮಾಡಿರುವುದರ ಜೊತೆಗೆ, ಹ್ಯಾಪಿ ಆ್ಯನಿವರ್ಸರಿ ನಮಗೆ ಕ್ಯೂಟಿ. ಹತ್ತು ವರ್ಷಗಳು ಎಂತಹ ಅದ್ಭುತ ಪ್ರಯಾಣ. ಇನ್ನೂ ಅನೇಕ ವರ್ಷಗಳು ಹೀಗೆ ಬರಲಿ ಎಂದು ಕ್ಯಾಪ್ಷನ್ ಹಾಕಿಕೊಂಡಿದ್ದಾರೆ. ಇತ್ತೀಚೆಗಷ್ಟೇ ರಜೆಯನ್ನು ಎಂಜಾಯ್ ಮಾಡಲು ಅಲ್ಲು ಅರ್ಜುನ್ ಮತ್ತು ಕುಟುಂಬ ದುಬೈಗೆ ತೆರಳಿದ್ದರು. ಇದೀಗ ಒಂದೆರಡು ದಿನಗಳ ಹಿಂದೆಯಷ್ಟೇ ಹೈದರಾಬಾದ್‍ಗೆ ಹಿಂದಿರುಗಿದ್ದಾರೆ.

ಸದ್ಯ ಅಲ್ಲು ಅರ್ಜುನ್ ನಟಿ ರಶ್ಮಿಕಾ ಮಂದಣ್ಣ ಜೊತೆ ಪುಷ್ಪಾ ಸಿನಿಮಾದಲ್ಲಿ ಅಭಿನಯಿಸುತ್ತಿದ್ದು, ಈ ಚಿತ್ರಕ್ಕೆ ನಿರ್ದೇಶಕ ಸುಕುಮಾರ್ ಆ್ಯಕ್ಷನ್ ಕಟ್ ಹೇಳಿದ್ದಾರೆ. ಆದರೆ ಅಲ್ಲು ಇಷ್ಟು ದಿನ ದುಬೈಗೆ ತೆರಳಿದ್ದ ಕಾರಣ ಸಿನಿಮಾ ತಯಾರಕರು ಕೇವಲ ರಶ್ಮಿಕಾ ಪಾತ್ರದ ಭಾಗಗಳನ್ನು ಚಿತ್ರೀಕರಿಸಿದ್ದರು. ಇನ್ನೂ ಈ ಸಿನಿಮಾದ ಟೀಸರ್‍ನನ್ನು ಅಲ್ಲು ಅರ್ಜುನ್ ಹುಟ್ಟುಹಬ್ಬದ ದಿನ ಬಿಡುಗಡೆಗೊಳಿಸಲು ಚಿತ್ರತಂಡ ಪ್ಲಾನ್ ಮಾಡಿಕೊಂಡಿದೆ ಎಂಬ ಸುದ್ದಿ ಟಾಲಿವುಡ್ ಅಂಗಳದಲ್ಲಿ ಹರಿದಾಡುತ್ತಿದೆ. ಆದರೆ ಈ ಕುರಿತಂತೆ ಸಿನಿಮಾ ತಯಾಕರು ಯಾವುದೇ ರೀತಿ ಅಧಿಕೃತವಾಗಿ ಘೋಷಣೆ ಮಾಡಿಲ್ಲ.

 

View this post on Instagram

 

A post shared by Allu Arjun (@alluarjunonline)

Click to comment

Leave a Reply

Your email address will not be published. Required fields are marked *