Saturday, 20th July 2019

ಚೌಕಿದಾರನಿಗೆ ಟೋಪಿ ಹಾಕಿ, ಕೊರಳಲ್ಲಿ ಸೀಟಿ ಹಾಕ್ತೀನಿ: ಅಕ್ಬರುದ್ದೀನ್ ಓವೈಸಿ

ಹೈದರಾಬಾದ್: ವಿವಾದತ್ಮಕ ಹೇಳಿಕೆಯಿಂದಲೇ ಸುದ್ದಿಯಾಗಿ ಎಐಎಂಐಎಂ ಮುಖಂಡ ಅಕ್ಬರುದ್ದೀನ್ ಓವೈಸಿ, ಪ್ರಧಾನಿ ನರೇಂದ್ರ ಮೋದಿಯವರ ಚೌಕಿದಾರ ಹೇಳಿಕೆ ತಿರುಗೇಟು ನೀಡಿದ್ದಾರೆ. ಚೌಕಿದಾರ್ ಎಂದು ಹೇಳುವ ಮೋದಿ ತಲೆಗೆ ಟೋಪಿ ಹಾಕಿ, ಕೊರಳಲ್ಲಿ ಸೀಟಿ ಹಾಕಿ ನಿಲ್ಲಿಸುತ್ತೇನೆ ಎಂಬ ಹೇಳಿಕೆ ನೀಡಿದ್ದು ಬಿಜೆಪಿ ನಾಯಕರ ಕೆಂಗಣ್ಣಿಗೆ ಅಕ್ಬರುದ್ದೀನ್ ಗುರಿಯಾಗಿದ್ದಾರೆ.

ಎಐಎಂಐಎಂ ಪಕ್ಷದ ಮುಖ್ಯಸ್ಥ ಅಸಾದುದ್ದೀನ್ ಓವೈಸಿ ಅವರ ಕಿರಿಯ ಸೋದರನಾಗಿರುವ ಅಕ್ಬರುದ್ದೀನ್ ಓವೈಸಿ, ಹೈದರಾಬಾದ್ ನಲ್ಲಿ ನಡೆದ ಕಾರ್ಯಕ್ರಮದಲ್ಲಿ ಮೋದಿ ವಿರುದ್ಧ ವಾಗ್ದಾಳಿ ನಡೆಸಿದ್ದಾರೆ. ಕೆಲವೊಮ್ಮೆ ಚಾಯ್‍ವಾಲ್ ಅಂತಾರೆ, ಮತ್ತೊಮ್ಮೆ ನಾನೊಬ್ಬ ಫಕೀರ್ ಎಂದು ಹೇಳಿಕೊಳ್ಳುತ್ತಾರೆ. ಕೆಲವೊಂದು ಚರಂಡಿಯಿಂದ ಗ್ಯಾಸ್ ತಯಾರಿಸುವಂತೆ ಹೇಳಿದ್ರೆ, ಇದೀಗ ನಾನೊಬ್ಬ ಚೌಕಿದಾರ ಎಂದು ಹೇಳಿಕೊಳ್ಳುತ್ತಿದ್ದಾರೆ ಎಂತಹ ವ್ಯಕ್ತಿಗೆ ನೀವು ವೋಟ್ ಹಾಕುತ್ತಿದ್ದೀರಿ ಎಂಬುದನ್ನು ಮತದಾರರು ತಿಳಿದುಕೊಳ್ಳಬೇಕಿದೆ ಎಂದರು.

ಚಾಯ್‍ವಾಲ್ ಆದ್ರೆ ಚಾಯ್ ಕಿಟಲಿ, ಒಲೆ ನೀಡುತ್ತೇನೆ. ಬೇಕಾದರೆ ಚಹಾ ತಯಾರಿಸಲು ಟೀ ಪುಡಿಯನ್ನು ಕೊಡುತ್ತೇನೆ. ಈಗ ಚಾಯ್‍ವಾಲ್ ನಿಂದ ಚೌಕಿದಾರನಾಗಿ ಬದಲಾಗಿದ್ದರಿಂದ ಅವರ ಇಚ್ಛೆಯಂತೆ ತಲೆಗೊಂಡು ಟೋಪಿ, ಕೊರಳಲ್ಲಿ ಸೀಟಿ ಹಾಕುತ್ತೇನೆ ಎಂದು ಮೋದಿ ವಿರುದ್ಧ ಅಕ್ಬರುದ್ದೀನ್ ಗುಡುಗಿದ್ದಾರೆ.

Leave a Reply

Your email address will not be published. Required fields are marked *