Connect with us

Bollywood

ನಟಿ ಜೂಹಿ ಚಾವ್ಲಾ ವಜ್ರದ ಕಿವಿಯೋಲೆ ಹುಡುಕಿ ಕೊಟ್ಟವ್ರಿಗೆ ಸಿಗಲಿದೆ ಭರ್ಜರಿ ಗಿಫ್ಟ್!

Published

on

ಮುಂಬೈ: ಸದ್ಯ ಸಿನಿಮಾಗಳಿಂದ ದೂರ ಉಳಿದಿರುವ ಬಾಲಿವುಡ್ ನಟಿ ಜೂಹಿ ಚಾವ್ಲಾ ಅವರು ಸಾಮಾಜಿಕ ಜಾಲತಾಣಗಳಲ್ಲಿ ಸಕ್ರಿಯರಾಗಿದ್ದಾರೆ. ಇದೀಗ ಅವರ ವಜ್ರದ ಕಿವಿಯೋಲೆಯೊಂದು ಕಳೆದು ಹೋಗಿದ್ದು, ಹುಡುಕಿ ಕೊಡಬೇಕಾಗಿ ತಮ್ಮ ಅಭಿಮಾನಿಗಳಲ್ಲಿ ಮನವಿ ಮಾಡಿದ್ದಾರೆ.

ಈ ಸಂಬಂಧ ಸಾಮಾಜಿಕ ಜಾಲತಾಣಗಳಲ್ಲಿ ಕಿವಿಯೋಲೆಯೊಂದಿಗೆ ಪತ್ರವೊಂದನ್ನು ಹಂಚಿಕೊಂಡಿರುವ ‘ಪ್ರೇಮಲೋಕ’ ಸುಂದರಿ, ನನ್ನ ಡೈಮಂಡ್ ಕಿವಿಯೋಲೆಯೊಂದು ಭಾನುವಾರ ಕಳೆದು ಹೋಗಿದ್ದು, ಹುಡುಕಿ ಕೊಟ್ಟವರಿಗೆ ಬಹುಮಾನ ನೀಡುವುದಾಗಿ ಘೋಷಿಸಿದ್ದಾರೆ. ಈ ಕಿವಿಯೋಲೆಯನ್ನು ಕಳೆದ 15 ವರ್ಷಗಳಿಂದ ಧರಿಸುತ್ತಿರುವುದಾಗಿ ಉಲ್ಲೇಖ ಕೂಡ ಮಾಡಿದ್ದಾರೆ.

ನಟಿ ಬರೆದುಕೊಂಡಿದ್ದೇನು..?
ಇಂದು(ಭಾನುವಾರ) ಬೆಳಗ್ಗೆ ನಾನು ಮುಂಬೈ ಅಂತಾರಾಷ್ಟ್ರೀಯ ವಿಮಾನ ನಿಲ್ದಾಣದಲ್ಲಿ ಎಲ್ಲೋ ನನ್ನ ವಜ್ರದ ಕಿವಿಯೋಲೆ ಬಿದ್ದಿದೆ. ಅದನ್ನು ಹುಡುಕಲು ಯಾರಾದರೂ ನನಗೆ ಸಹಾಯ ಮಾಡಿದರೆ ನಾನು ಖುಷಿಯಾಗುತ್ತೇನೆ. ಕಳೆದ 15 ವರ್ಷಗಳಿಂದ ಈ ಕಿವಿಯೋಲೆಯನ್ನು ನಾನು ಧರಿಸುತ್ತಿದ್ದೇನೆ. ಹೀಗಾಗಿ ಈ ಕಿವಿಯೋಲೆಯೊಂದಿಗೆ ನನಗೆ ಭಾವನಾತ್ಮಕ ವಿಚಾರವಿದೆ. ಹೀಗಾಗಿ ನನಗೆ ದಯವಿಟ್ಟು ಸಹಾಯ ಮಾಡಿ. ಅಲ್ಲದೆ ಡೈಮಂಡ್ ಕಿವಿಯೋಲೆ ಮತ್ತೆ ನನ್ನ ಕೈಸೇರಿದರೆ, ಅದನ್ನು ಹುಡುಕಿಕೊಟ್ಟವರಿಗೆ ಬಹುಮಾನವನ್ನು ನೀಡುವುದಾಗಿ ಜೂಹಿ ಘೋಷಿಸಿದ್ದಾರೆ.

ಜೂಹಿ ಚಾವ್ಲಾ ಅವರು ಶಾಂತಿ ಕ್ರಾಂತಿ, ಪುಷ್ಪಕ ವಿಮಾನ, ರಣಧೀರ್ ಹಾಗೂ ಪ್ರೇಮಲೋಕ ಹೀಗೆ ಅನೇಕ ಕನ್ನಡ ಸಿನಿಮಾಗಳಲ್ಲಿ ನಟಿಸುವ ಮೂಲಕ ಸ್ಯಾಂಡಲ್‍ವುಡ್ ನಲ್ಲೂ ಪ್ರಸಿದ್ಧಿ ಪಡೆದಿದ್ದಾರೆ. ಹಿಂದಿ, ಬಂಗಾಳಿ, ಪಂಜಾಬಿ, ಮಲಯಾಳಂ, ತಮಿಳು ಹಾಗೂ ತೆಲುಗು ಚಿತ್ರಗಳಲ್ಲಿ ನಟಿಸಿರುವ ಜೂಹಿ ಚಾವ್ಲಾ ಸದ್ಯ ಗಂಡ, ಮಕ್ಕಳ ಜೊತೆ ಹೆಚ್ಚಿನ ಸಮಯ ಕಳೆಯುತ್ತಿದ್ದಾರೆ.

Click to comment

Leave a Reply

Your email address will not be published. Required fields are marked *

www.publictv.in