Tuesday, 20th August 2019

ಇನ್‍ಸ್ಟಾಗೆ ಆ್ಯಕ್ಷನ್ ಪ್ರಿನ್ಸ್ ಎಂಟ್ರಿ- ಒಂದೇ ದಿನಕ್ಕೆ 1 ಲಕ್ಷ ಫಾಲೋವರ್ಸ್

ಬೆಂಗಳೂರು: ಸ್ಯಾಂಡಲ್‍ವುಡ್ ಆ್ಯಕ್ಷನ್ ಪ್ರಿನ್ಸ್ ಧ್ರುವ ಸರ್ಜಾ ಇನ್‍ಸ್ಟಾಗ್ರಾಂಗೆ ಎಂಟ್ರಿ ಕೊಟ್ಟಿದ್ದಾರೆ. ಖಾತೆ ತೆರೆದ ಒಂದೇ ದಿನಕ್ಕೆ 1 ಲಕ್ಷ ಮಂದಿ ಅವರನ್ನು ಫಾಲೋ ಮಾಡಲು ಶುರು ಮಾಡಿದ್ದಾರೆ.

ಧ್ರುವ ಸರ್ಜಾ ಈಗಾಗಲೇ ಟ್ವಿಟ್ಟರ್ ಖಾತೆಯನ್ನು ಹೊಂದಿದ್ದಾರೆ. ಈಗ ಅವರು ಇನ್‍ಸ್ಟಾಗ್ರಾಂ ಖಾತೆ ತೆರೆದಿದ್ದು, ವಿಡಿಯೋ ಪೋಸ್ಟ್ ಮಾಡುವುದರ ಮೂಲಕ ತಮ್ಮ ಅಭಿಮಾನಿಗಳಿಗೆ ಈ ವಿಷಯವನ್ನು ತಿಳಿಸಿದ್ದಾರೆ. ಧ್ರುವ ಖಾತೆ ತೆರೆದ ಒಂದೇ ದಿನಕ್ಕೆ 1 ಲಕ್ಷಕ್ಕೂ ಹೆಚ್ಚು ಫಾಲೋವರ್ಸ್ ಫಾಲೋ ಮಾಡುತ್ತಿದ್ದಾರೆ.

ವಿಡಿಯೋದಲ್ಲಿ ಮಾತನಾಡಿದ ಅವರು, “ನಾನು ಕೊನೆಗೂ ಇನ್‍ಸ್ಟಾಗ್ರಾಂಗೆ ಬಂದಿದ್ದೇನೆ. ನಾನು ಹೆಚ್ಚು ಸಾಮಾಜಿಕ ಜಾಲತಾಣದಲ್ಲಿ ಹೆಚ್ಚು ಸಕ್ರಿಯನಾಗಿ ಇರುವುದಿಲ್ಲ. ಈಗ ಸಕ್ರಿಯನಾಗಿ ಇರಬೇಕು ಎಂದು ಇನ್‍ಸ್ಟಾಗ್ರಾಂಗೆ ಬಂದಿದ್ದೇನೆ. ನನ್ನ ಮುಂದಿನ ಸಿನಿಮಾ ಹೆಸರು ‘ಪೊಗರು’. ಈ ಚಿತ್ರದ ಪ್ರತಿಯೊಂದು ಅಪ್ಡೇಟ್‍ಗಳ ಬಗ್ಗೆ ನಾನು ಈ ಪೇಜ್‍ನಲ್ಲಿ ಪೋಸ್ಟ್ ಮಾಡುತ್ತಿರುತ್ತೇನೆ. ಎಲ್ಲರೂ ಈ ಪೇಜ್ ಫಾಲೋ ಮಾಡಿ ಆಶೀರ್ವಾದ ಮಾಡಿ. ಜೈ ಆಂಜನೇಯ” ಎಂದು ಹೇಳಿದ್ದಾರೆ.

 

View this post on Instagram

 

ಜೈ ಆಂಜನೇಯ 😊👍

A post shared by Dhruva Sarja (@dhruva_sarjaa) on

ಧ್ರುವ ಸರ್ಜಾ ಇನ್‍ಸ್ಟಾಗ್ರಾಂಗೆ ಬರುತ್ತಿದ್ದಂತೆ ಅವರ ಮಾವನ ಮಗಳು ಅಂದರೆ ಅರ್ಜುನ ಸರ್ಜಾ ಅವರ ಮಗಳು ಐಶ್ವರ್ಯಾ ಸ್ವಾಗತ ಕೋರಿದ್ದಾರೆ. ಐಶ್ವರ್ಯಾ ಅವರು ಧ್ರುವ ಸರ್ಜಾ ಅವರ ಜೊತೆ ಇರುವ ಬಾಲ್ಯದ ಫೋಟೋವನ್ನು ಇನ್‍ಸ್ಟಾಗ್ರಾಂ ಸ್ಟೋರಿಯಲ್ಲಿ ಹಂಚಿಕೊಂಡಿದ್ದಾರೆ. ಅಲ್ಲದೆ “ಇನ್‍ಸ್ಟಾಗ್ರಾಂಗೆ ಸ್ವಾಗತ ಧ್ರುವ” ಎಂದು ಬರೆದು ಅಪ್ಲೋಡ್ ಮಾಡಿದ್ದಾರೆ.

ಜುಲೈ 4ರಂದು ಧ್ರುವ ಸರ್ಜಾ ಇನ್‍ಸ್ಟಾಗ್ರಾಂ ಖಾತೆ ತೆರೆದಿದ್ದಾರೆ. ಸದ್ಯಕ್ಕೆ ಧ್ರುವ ಇನ್‍ಸ್ಟಾಗ್ರಾಂನಲ್ಲಿ ಯಾರನ್ನು ಫಾಲೋ ಮಾಡುತ್ತಿಲ್ಲ. ಆದರೆ ಅವರು ಖಾತೆ ತೆರೆದ ಒಂದೇ ದಿನಕ್ಕೆ 1 ಲಕ್ಷ 65 ಸಾವಿರಕ್ಕೂ ಹೆಚ್ಚು ಮಂದಿ ಅವರನ್ನು ಫಾಲೋ ಮಾಡುತ್ತಿದ್ದಾರೆ.

Leave a Reply

Your email address will not be published. Required fields are marked *