ನವದೆಹಲಿ: ಭಾರತೀಯ ಸೇನೆಯಲ್ಲಿ ಮಾಧುರಿ ಕಾನಿಟ್ಕರ್ ಅವರು ಶನಿವಾರ ಲೆಫ್ಟಿನೆಂಟ್ ಸ್ಥಾನವನ್ನು ಪಡೆಯುವ ಮೂಲಕ ವಿಶೇಷ ದಾಖಲೆಯನ್ನು ನಿರ್ಮಿಸಿದ್ದಾರೆ. ಭಾರತೀಯ ಸೇನೆಯಲ್ಲಿ ಮೂರನೇ ಲೆಫ್ಟಿನೆಂಟ್ ಸ್ಥಾನ ಪಡೆದ ಹೆಗ್ಗಳಿಕೆಗೆ ಮಾಧುರಿ ಪಾತ್ರರಾಗಿದ್ದಾರೆ.
ಲೆಫ್ಟಿನೆಂಟ್ ಜನರಲ್ ಮಾಧುರಿ ಕಾನಿಟ್ಕರ್ ಅವರು ದೆಹಲಿಯಲ್ಲಿ ಡೆಪ್ಯೂಟಿ ಚೀಫ್, ಇಂಟಿಗ್ರೇಟೆಡ್ ಡಿಫೆನ್ಸ್ ಸ್ಟ್ಯಾಫ್(ಡಿಸಿಐಡಿಎಸ್) ಹಾಗೂ ವೈದ್ಯಕೀಯ(ಅಂಡರ್ ಚೀಫ್ ಆಫ್ ಡಿಫೆನ್ಸ್ ಸ್ಟ್ಯಾಫ್) ಆಗಿ ಅಧಿಕಾರ ವಹಿಸಿಕೊಂಡಿದ್ದರು. ಶುಕ್ರವಾರ ಇಲಾಖೆ ಮಾಧುರಿ ಅವರಿಗೆ ಪ್ರಮೋಶನ್ ನೀಡಿದೆ.
ಮಾಧುರಿ ಅವರ ಪತಿ ರಾಜೀವ್ ಅವರು ಕೂಡ ಲೆಫ್ಟಿನೆಂಟ್ ಜನರಲ್ ಆಗಿ ಭಾರತೀಯ ಸೇನೆಯಲ್ಲಿ ಕಾರ್ಯ ನಿರ್ವಹಿಸುತ್ತಿದ್ದಾರೆ. ಈ ಮೂಲಕ ಮಾಧುರಿ ಹಾಗೂ ರಾಜೀವ್ ಲೆಫ್ಟಿನೆಂಟ್ ಆದ ದೇಶದ ಮೊದಲ ದಂಪತಿ ಎಂಬ ಹೆಗ್ಗಳಿಕೆಗೆ ಪಾತ್ರರಾಗಿದ್ದಾರೆ. ಮಾಧುರಿ ಅವರು 37 ವರ್ಷದಿಂದ ಭಾರತೀಯ ಸೇನೆಯಲ್ಲಿ ಕಾರ್ಯ ನಿರ್ವಹಿಸುತ್ತಿದ್ದಾರೆ. ಕಳೆದ ವರ್ಷ ಲೆಫ್ಟಿನೆಂಟ್ ಜನರಲ್ ಹುದ್ದೆಗೆ ಮಾಧುರಿ ಅವರನ್ನು ಆಯ್ಕೆ ಮಾಡಲಾಗಿತ್ತು. ಆದರೆ ಈ ಹುದ್ದೆ ಖಾಲಿ ಇಲ್ಲ ಕಾರಣ ಶನಿವಾರ ಅವರಿಗೆ ಲೆಫ್ಟಿನೆಂಟ್ ಸ್ಥಾನವನ್ನು ನೀಡಲಾಯಿತು.
1982ರಲ್ಲಿ ಸೇನಾ ಮೆಡಿಕಲ್ ಕಾರ್ಪ್ಸ್ ಗೆ ಮಾಧುರಿ ಸೇರ್ಪಡೆಯಾಗಿದ್ದರು. ಸೇನಾ ಪಡೆಗಳಲ್ಲಿ ಮಾಧುರಿ ಮೂರು ಸ್ಟಾರ್ ಪಡೆದು ಮೂರನೇ ಮಹಿಳೆ ಎಂಬ ಖ್ಯಾತಿ ಪಡೆದಿದ್ದಾರೆ. ವೈಸ್ ಅಡ್ಮಿರಲ್ ಡಾ. ಪುನೀತಾ ಅರೋರಾ ನೌಕಾಪಡೆಯಲ್ಲಿ ಮೊದಲ ಬಾರಿಗೆ ಈ ಸಾಧನೆಯನ್ನು ಮಾಡಿದ್ದಾರೆ. ವಾಯುಪಡೆ ಮಹಿಳೆ ಏರ್ ಮಾರ್ಷಲ್ ಪದ್ಮಾವತಿ ಬಂದೋಪಾಧ್ಯಾಯ ಈ ಸ್ಥಾನವನ್ನು ಸ್ವೀಕರಿಸಿದ ಎರಡನೇ ಮಹಿಳೆ. ಈಗ ಮಾಧುರಿ ಕನಿಟ್ಕರ್ ಈ ಸಾಧನೆ ಮಾಡಿದ್ದಾರೆ.
Delhi: Lieutenant General Madhuri Kanitkar today put on her ranks after her promotion. She is the third woman officer in the Indian armed forces to have become Lieutenant General. She has now been posted to Headquarters, Integrated Defence Staff under the Chief of Defence Staff. pic.twitter.com/JzcckVucmQ
— ANI (@ANI) February 29, 2020
