80 ವರ್ಷದ ವೃದ್ಧೆಗೆ ಕೊರೊನಾ ದೃಢ- ಕಲಬುರಗಿಯಲ್ಲಿ 83ಕ್ಕೇರಿದ ಸೋಂಕಿತರ ಸಂಖ್ಯೆ

ಕಲಬುರಗಿ: ನಗರದಲ್ಲಿ ಗುರುವಾರ 80 ವರ್ಷದ ವೃದ್ಧೆ ಸೇರಿ ಇಬ್ಬರಿಗೆ ಕೊರೊನಾ ಸೋಂಕು ದೃಢವಾಗಿದ್ದು, ಸೋಂಕಿತ ಸಂಖ್ಯೆ 83ಕ್ಕೆ ಏರಿದೆ ಎಂದು ಡಿ.ಸಿ. ಶರತ್ ಬಿ. ತಿಳಿಸಿದ್ದಾರೆ.

ಕಲಬುರಗಿ ನಗರದ ಮೃತ ರೋಗಿ ಸಂಖ್ಯೆ-587ರ ಸಂಪರ್ಕದಲ್ಲಿ ಬಂದ ಸರಾಫ್ ಬಜಾರ್-ಪುಟಾಣಿ ಗಲ್ಲಿ ಪ್ರದೇಶದ 80 ವರ್ಷದ ವೃದ್ಧೆ(ಪಿ-983) ಮತ್ತು ರೋಗಿ ಸಂಖ್ಯೆ-610 ಸಂಪರ್ಕದಲ್ಲಿ ಬಂದ ಗಾಜೀಪುರ ಪ್ರದೇಶದ 28 ವರ್ಷದ ಯುವಕನಿಗೆ (ಪಿ-984) ಕೊರೊನಾ ಸೋಂಕು ಕಂಡುಬಂದಿದೆ.

ಜಿಲ್ಲೆಯಲ್ಲಿ ಕೊರೋನಾ ಪೀಡಿತ 83 ರೋಗಿಗಳಲ್ಲಿ 7 ಜನ ನಿಧನರಾಗಿದ್ದು, 46 ರೋಗಿಗಳು ಗುಣಮುಖರಾಗಿ ಅಸ್ಪತ್ರೆಯಿಂದ ಬಿಡುಗಡೆ ಹೊಂದಿದ್ದಾರೆ. ಉಳಿದಂತೆ 30 ರೋಗಿಗಳಿಗೆ ಚಿಕಿತ್ಸೆ ಮುಂದುವರಿದಿದೆ.