Connect with us

Crime

ಚಳಿಯಲ್ಲಿ ಗರ್ಭಿಣಿ ಗೆಳತಿಯನ್ನ ನಿಲ್ಲಿಸಿ ಕೊಂದ ಯುಟ್ಯೂಬರ್

Published

on

– ಬಿಕಿನಿ ತೊಟ್ಟು ಚಳಿಯಲ್ಲಿ ನಿಂತಿದ್ದ ಗರ್ಭಿಣಿ ಗೆಳತಿ

ಮಾಸ್ಕೋ: ಯೂಟ್ಯೂಬ್ ಲೈವ್ ಸ್ಟ್ರೀಮ್ ಗೋಸ್ಕರ್ ಗರ್ಭಿಣಿ ಗೆಳತಿಯನ್ನ ಚಳಿಯಲ್ಲಿ ನಿಲ್ಲಿಸಿ ಕೊಲೆಗೈದಿರುವ ಘಟನೆ ರಷ್ಯಾದಲ್ಲಿ ನಡೆದಿದೆ. ಆರೋಪಿ ಪ್ರಿಯತಮನನ್ನ ಪೊಲೀಸರು ಬಂಧಿಸಿದ್ದು, ಎರಡು ವರ್ಷಕ್ಕೂ ಅಧಿಕ ಜೈಲು ಶಿಕ್ಷೆಯಾಗುವ ಸಾಧ್ಯತೆಗಳಿವೆ ಎಂದು ವರದಿಯಾಗಿದೆ.

28 ವರ್ಷದ ವೆಲಿಂಟನಾ ಗ್ರಿಗೊರ್ಯೆವಾ ಉಫ್ ವಲ್ಯಾ ಮೃತ ಗರ್ಭಿಣಿ. 30 ವರ್ಷದ ಯುಟ್ಯೂಬರ್ ಸ್ಟಾಸ್ ರಿಫ್ಲೈ ಜೈಲು ಶಿಕ್ಷೆಗೆ ಗುರಿಯಾಗಿದ್ದಾನೆ. ಮೈನಸ್ ಡಿಗ್ರಿ ಚಳಿಯಲ್ಲಿ ಗೆಳತಿಯನ್ನ ಲೈವ್ ಸ್ಟ್ರೀಮ್ ಗಾಗಿ ಬಿಕಿನಿಯಲ್ಲಿ ಮನೆಯಿಂದ ಹೊರಗೆ ನಿಲ್ಲಿಸಿದ್ದಾನೆ. ತೀವ್ರ ಚಳಿಯಿಂದಾಗಿ ವೆಲಿಂಟಿನಾ ಪ್ರಾಣ ಬಿಟ್ಟಿದ್ದಾಳೆ.

15 ನಿಮಿಷದ ಬಳಿಕ ಬಾಗಿಲು ತೆಗೆದಾಗ ವೆಲಿಂಟಿನಾ ಶವ ಕಂಡ ಸ್ಟಾಸ್ ಭಯಗೊಂಡು ಆಕೆಯನ್ನ ಒಳ ಕರೆ ತಂದು, ವೈದ್ಯರಿಗೂ ಕರೆ ಮಾಡಿ ಸಹಾಯ ಕೇಳಿದ್ದಾನೆ. ಈ ಎಲ್ಲ ದೃಶ್ಯಗಳು ಯುಟ್ಯೂಬ್ ನಲ್ಲಿ ನೇರ ಪ್ರಸಾರವಾಗಿದೆ. ವೆಲಿಂಟಿನಾ ಶವ ನೋಡುತ್ತಿದ್ದಂತೆ ವೆಲ್ಯಾ ನೀನು ಜೀವಂತವಾಗಿದ್ದಿ ಅಲ್ವಾ? ನಿನ್ನ ನಾಡಿ, ಹೃದಯ ಬಡಿತ ನನಗೆ ಕೇಳಿಸುತ್ತಿಲ್ಲ? ಎದ್ದೇಳು? ಅಯ್ಯೋ ಏನಾಯ್ತು? ನನ್ನ ಗೆಳತಿಗೆ ಏನಾಯ್ತು ಎಂದು ಸ್ಟಾಸ್ ಕಣ್ಣೀರು ಹಾಕಿದ್ದಾನೆ.

ಸ್ಥಳಕ್ಕಾಗಮಿಸಿ ಆರೋಗ್ಯಾಧಿಕಾರಿಗಳು ವೆಲಿಂಟಿನಾ ಹೈಫೋಥರ್ಮಿಯಾ (ಅತಿಯಾದ ಚಳಿಯಿಂದ) ಸಾವನ್ನಪ್ಪಿರೋದನ್ನ ಖಚಿತ ಪಡಿಸಿದ್ದಾರೆ. ಇನ್ನು ನೇರ ಪ್ರಸಾರ ವೀಕ್ಷಿಸುತ್ತಿದ್ದ ನೆಟ್ಟಿಗರು, ಅತಿ ಭಯಾನಕ ಕೊಲೆ. ಲೈಕ್ಸ್ ಮತ್ತು ವ್ಯೂವ್ ಗಳಿಗಾಗಿ ಇಷ್ಟು ಕ್ರೂರವಾಗಿ ನಡೆದುಕೊಳ್ಳುವುದು ತಪ್ಪ ಎಂದು ಕಮೆಂಟ್ ಮಾಡಿದ್ದಾರೆ. ಸದ್ಯ ಸ್ಟಾಸ್ ರಿಫ್ಲೈ ಖಾತೆಯನ್ನ ಯುಟ್ಯೂಬ್ ನಿಂದ ಡಿಲೀಟ್ ಮಾಡಲಾಗಿದೆ.

Click to comment

Leave a Reply

Your email address will not be published. Required fields are marked *

www.publictv.in