Connect with us

International

33 ದಿನ ದ್ವೀಪದಲ್ಲಿ ಇಲಿ ತಿಂದು ಬದುಕಿದ ಪ್ರವಾಸಿಗರ ರಕ್ಷಣೆ

Published

on

ವಾಷಿಂಗ್ಟನ್: ಬಹಾಮಾಸ್ ದ್ವೀಪಕ್ಕೆ ಪ್ರವಾಸ ತೆರಳಿದ ದೋಣಿ ಅಪಘಾತವಾಗಿ ಅಪಾಯಕ್ಕೆ ಸಿಲುಕಿ, 33 ದಿನಗಳ ಕಾಲ ಇಲಿ ಮತ್ತು ತೆಂಗಿನಕಾಯಿ ತಿಂದು ಬದುಕಿದ ಮೂವರನ್ನು ರಕ್ಷಿಸಲಾಗಿದೆ.

ಅಮೆರಿಕ ಕೋಸ್ಟ್ ಗಾರ್ಡ್ ಎಫ್ ಕಳೆದ 33 ದಿನಗಳಿಂದ ದ್ವೀಪದಲ್ಲಿ ಸಿಕ್ಕಿಹಾಕಿಕೊಂಡಿದ್ದ, ಮಹಿಳೆ ಮತ್ತು ಇಬ್ಬರು ಪುರುಷರನ್ನು ಹೆಲಿಕಾಪ್ಟರ್ ಮೂಲಕ ರಕ್ಷಣೆ ಮಾಡಿದೆ. ಕೋಸ್ಟ್ ಲೆಫ್ಟಿನೆಂಟ್ ಜಸ್ಟಿನ್ ಡೌಘರ್ಟಿ ತಿಳಿಸಿರುವ ಪ್ರಕಾರ ಮೂರು ಬಣ್ಣದ ಬಾವುಟಗಳು ದ್ವೀಪದಲ್ಲಿ ಕಾಣಿಸುತ್ತಿತ್ತು. ಇದನ್ನು ಗಮನಿಸಿ ಪರಿಶೀಲಿಸಿದಾಗ ಬಾವುಟದಲ್ಲಿ ಮೂರು ಜನರು ಸಹಿ ಹಾಕಿ ಅಪಾಯದಲ್ಲಿರುವುದನ್ನು ತಿಳಿಸಿದ್ದಾರೆ. ಕೂಡಲೇ ಕಾರ್ಯ ಪ್ರವೃತ್ತರಾದ ರಕ್ಷಣಾ ತಂಡ ಅವರನ್ನು ಸುರಕ್ಷಿತವಾಗಿ ದ್ವೀಪದಿಂದ ಕರೆತರಲಾಗಿದೆ ಎಂದಿದ್ದಾರೆ.

ರಕ್ಷಣಾ ಕಾರ್ಯಚರಣೆ ಮಾಡಿ ಮೂವರನ್ನು ಫ್ಲೋರಿಡಾದ ಕೀ ವೆಸ್ಟ್ ಲೋವರ್ ಕೀಸ್ ವೈದ್ಯಕೀಯ ಕೇಂದ್ರಕ್ಕೆ ಕರೆತರಲಾಗಿದ್ದು, ಯಾರಿಗೂ ಯಾವುದೇ ರೀತಿಯ ತೊಂದರೆಯಾಗಿಲ್ಲ. ಅವರು ದೇಹದಲ್ಲಿ ಶಕ್ತಿಯ ಕೊರತೆ ಕಾಣುತ್ತಿದ್ದು ಅವರಿಗೆ ಚಿಕಿತ್ಸೆ ನೀಡಲಾಗುತ್ತಿದೆ. ಮೂವರು ದ್ವೀಪದಲ್ಲಿದ್ದ ಇಲಿಗಳನ್ನು ಮತ್ತು ತೆಂಗಿನಕಾಯಿಯನ್ನು ತಿಂದು ಬದುಕಿದ್ದಾರೆ ಎಂದು ಮಾಹಿತಿ ಹಂಚಿಕೊಂಡರು.

ದೋಣಿ ಅಪಘಾತಕ್ಕೆ ಒಳಗಾದ ಮೂವರು ದ್ವೀಪದಿಂದ ಈಜಿಕೊಂಡು ಹಿಂದಿರುಗಿ ಬರಲು ಸಾಧ್ಯವಾಗದೇ ಅಲ್ಲೇ ಉಳಿದುಕೊಂಡು ಇಲಿಗಳನ್ನು ಮತ್ತು ತಿಂಗಿನಕಾಯಿ ತಿಂದು ಜೀವವನ್ನು ಉಳಿಸಿಕೊಂಡಿದ್ದರು.

Click to comment

Leave a Reply

Your email address will not be published. Required fields are marked *