Tuesday, 25th June 2019

Recent News

ಹೈವೇ ದಾಟಿದ 3 ಮೀ. ಉದ್ದದ ಅನಕೊಂಡ!- ವಿಡಿಯೋ ನೋಡಿ

ರಿಯೋ ಡಿ ಜನೈರೋ: 3 ಮೀ. ಉದ್ದದ ಅನಕೊಂಡ ಹೈವೇ ದಾಟುತ್ತಿರುವ ವಿಡಿಯೋ ಈಗ ಸಾಮಾಜಿಕ ಜಾಲತಾಣಗಳಲ್ಲಿ ಸಖತ್ ವೈರಲ್ ಆಗಿದೆ.

ಹೌದು. ಹೆದ್ದಾರಿ ದಾಟುತ್ತಿದ್ದಾಗ ಜನರು ತಮ್ಮ ವಾಹನಗಳನ್ನು ನಿಲ್ಲಿಸಿ ಅನಕೊಂಡ ರಸ್ತೆ ದಾಟಲು ಅನುವುಮಾಡಿಕೊಟ್ಟ ಘಟನೆ ಬ್ರೆಜಿಲ್‍ನಲ್ಲಿ ನಡೆದಿದೆ.

ಯಾವಾಗಲೂ ಬ್ಯುಸಿಯಾಗಿ ಓಡಾಡುವ ವಾಹನಗಳ ದಟ್ಟಣೆಯಿರುವ ಬ್ರೆಜಿಲ್‍ನ ಪೊರ್ಟೊ ವೆಲೊ ನಗರದಲ್ಲಿ ಅನಕೊಂಡ ಕಾಣಿಸಿಕೊಂಡಿತ್ತು. ರಸ್ತೆ ದಾಟಲು ಒದ್ದಾಡುತ್ತಿದ್ದ ಬರೋಬ್ಬರಿ 3 ಮೀಟರ್ ಉದ್ದದ, 30 ಕೆಜಿ ತೂಕದ ಬೃಹತ್ ಅನಕೊಂಡವನ್ನು ಕಂಡು ಜನರು ದಂಗಾಗಿದ್ದರು. ಆದ್ರೆ ಹಾವನ್ನು ನೋಡಿ ಭಯಪಡದೇ ರಸ್ತೆ ದಾಟಲು ಒದ್ದಾಡುತ್ತಿದ್ದ ಹಾವಿಗೆ ತಮ್ಮ ವಾಹನಗಳನ್ನು ನಿಲ್ಲಿಸಿ, ಆ ಹಾವು ರಸ್ತೆ ದಾಟುವವರೆಗೂ ಕಾದು ನಂತರ ವಾಹನಗಳನ್ನು ಚಲಾಯಿಸಿದ್ದಾರೆ.

ವಾಹನ ಸವಾರರು ವಾಹನ ನಿಲ್ಲಿಸಿ ಅನಕೊಂಡ ರಸ್ತೆ ದಾಟುತ್ತಿರುವುದನ್ನು ನೋಡುತ್ತಿರುವ ದೃಶ್ಯವನ್ನು ಸ್ಥಳೀಯರು ವಿಡಿಯೋ ಮಾಡಿದ್ದು, ಅದನ್ನು ಸಾಮಾಜಿಕ ಜಾಲತಾಣಗಳಲ್ಲಿ ಶೇರ್ ಮಾಡಿದ್ದಾರೆ. ಸದ್ಯ ಈ ವೀಡಿಯೋ ಎಲ್ಲೆಡೆ ಸಖತ್ ಸದ್ದು ಮಾಡುತ್ತಿದೆ.

Leave a Reply

Your email address will not be published. Required fields are marked *