Corona

ರಾಯಚೂರು ನಗರಸಭೆಯಿಂದ ರಿಮ್ಸ್‌ಗೆ 2ಡಿ ಎಕೋ ಯಂತ್ರ ದೇಣಿಗೆ

Published

on

Share this

– ಕೊರೊನಾ ಮೂರನೇ ಅಲೆ ಎದುರಿಸಲು ಸಿದ್ಧತೆ

ರಾಯಚೂರು: ಕೊರೊನಾ ಮೂರನೇ ಅಲೆ ಹಿನ್ನೆಲೆ ರಾಯಚೂರು ನಗರಸಭೆ ನಗರದ ರಿಮ್ಸ್ ವೈದ್ಯಕೀಯ ಬೋಧಕ ಆಸ್ಪತ್ರೆಗೆ ಪಿಡಿಯಾಟ್ರಿಕ್ 2ಡಿ ಎಕೋ ಯಂತ್ರವನ್ನು ದೇಣಿಗೆಯಾಗಿ ನೀಡಿದೆ.

ಕೊರೊನಾ ಮೂರನೇ ಅಲೆ ಎದುರಿಸಲು ಜಿಲ್ಲಾಡಳಿತ ಅಗತ್ಯ ಸಿದ್ಧತೆ ಮಾಡಿಕೊಳ್ಳುತ್ತಿದ್ದರೂ ಸರ್ಕಾರ ಇದುವರೆಗೂ ಅಗತ್ಯ ಯಂತ್ರೋಪಕರಣಗಳ ಸೌಲಭ್ಯ ಒದಗಿಸಿಲ್ಲ. ಹೀಗಾಗಿ ರಿಮ್ಸ್ ಆಸ್ಪತ್ರೆಯಲ್ಲಿ ಚಿಕ್ಕಮಕ್ಕಳ 2ಡಿ ಎಕೋ ಯಂತ್ರದ ಕೊರತೆ ಹಿನ್ನೆಲೆ ನಗರಸಭೆ ದೇಣಿಗೆ ನೀಡಿದೆ.

ಕೋವಿಡ್ ಬಂದು ಗುಣಮುಖರಾದ ಮಕ್ಕಳಲ್ಲಿ ಎಮ್‍ಐಎಸ್‍ಸಿ ತೊಂದರೆ ಕಾಣಿಸಿಕೊಂಡಾಗ ಹೃದಯ ಸಂಬಂಧಿ ತೊಂದರೆಗಳು ಉಂಟಾಗುತ್ತವೆ. ಮಕ್ಕಳಿಗೆ ಸ್ಕ್ಯಾನ್‍ಮಾಡಲು ಯಂತ್ರೋಪಕರಣದ ಕೊರತೆಯಿತ್ತು. ಮೂರನೇ ಅಲೆ ಆತಂಕದ ಹಿನ್ನೆಲೆ ಸರ್ಕಾರಕ್ಕೂ ಯಂತ್ರೋಪಕರಣಗಳಿಗಾಗಿ ಮನವಿ ಮಾಡಲಾಗಿದೆ. ಸರ್ಕಾರದಿಂದ ಇನ್ನೂ ಅಗತ್ಯ ಯಂತ್ರೋಪಕರಣಗಳು ಸರಬರಾಜು ಆಗಿಲ್ಲ. ಈ ಮಧ್ಯೆ ಆಸ್ಪತ್ರೆ ಆಡಳಿತ ಮಂಡಳಿ ಮನವಿ ಹಿನ್ನೆಲೆ ನಗರಸಭೆ 13 ಲಕ್ಷ 50 ಸಾವಿರ ಮೌಲ್ಯದ ಯಂತ್ರವನ್ನು ದೇಣಿಗೆಯಾಗಿ ನೀಡಿದೆ. ಇದನ್ನೂ ಓದಿ: ಕೊರೊನಾ ಹೆಚ್ಚಳ- ಉತ್ತರ ಕನ್ನಡ ಗಡಿಗಳಲ್ಲಿ ಕಟ್ಟೆಚ್ಚರ

ಮಕ್ಕಳು ದಾಖಲಾದ ಬೆಡ್‍ವರೆಗೆ ತೆಗೆದುಕೊಂಡು ಹೋಗಬಹುದಾದ ಚಾಲಿತ ಯಂತ್ರ ಇದಾಗಿರುವುದರಿಂದ ಹೆಚ್ಚು ಅನುಕೂಲಕರವಾಗಿದೆ ಎಂದು ರಿಮ್ಸ್ ವೈದ್ಯರು ತಿಳಿಸಿದ್ದು, ನವಜಾತ ಶಿಶುವಿನಿಂದ 18 ವರ್ಷ ವಯಸ್ಸಿನವರ ಹೃದಯ ಸಮಸ್ಯೆ ಪರೀಕ್ಷಿಸಲು ಈ ಯಂತ್ರ ಬಳಕೆಯಾಗುತ್ತದೆ ಎಂದು ಮಾಹಿತಿ ಹಂಚಿಕೊಂಡರು.

Click to comment

Leave a Reply

Your email address will not be published. Required fields are marked *

Advertisement
Advertisement
Public TV We would like to show you notifications for the latest news and updates.
Dismiss
Allow Notifications