Connect with us

Latest

5 ಲಕ್ಷ ಮೌಲ್ಯದ ಚಿನ್ನ, 20 ಸಾವಿರ ಹಣದೊಂದಿಗೆ ಲವ್ವರ್ ಜೊತೆ ನವವಿವಾಹಿತೆ ಎಸ್ಕೇಪ್!

Published

on

– ಮದ್ವೆಯಾಗಿ 18 ದಿನಕ್ಕೇ ಕಾಲ್ಕಿತ್ತ ವಧು

ಭೋಪಾಲ್: ಮದುವೆಯಾಗಿ ಕೇವಲ 18 ದಿನದ ಬಳಿಕ ಯುವತಿಯೊಬ್ಬಳು 5 ಲಕ್ಷ ರೂ. ಬೆಲೆಬಾಳುವ ಚಿನ್ನ ಹಾಗೂ 20 ಸಾವಿರ ಹಣದೊಂದಿಗೆ ಪ್ರಿಯತಮನ ಜೊತೆ ಎಸ್ಕೇಪ್ ಆಗಿರುವ ಘಟನೆ ಮಧ್ಯಪ್ರದೇಶದ ಛತ್ತರ್ ಪುರ ಜಿಲ್ಲೆಯಲ್ಲಿ ನಡೆದಿದೆ.

ವಿವಾಹವಾದ ಬಳಿಕ ನವವಿವಾಹಿತರು ಕೆಲವೊಂದು ಆಚರಣೆಗಳಿಗಾಗಿ ಹೆತ್ತವರ ಮನೆಗೆ ಭೇಟಿ ನೀಡಬೇಕಾಗಿತ್ತು. ಹಾಗೆಯೇ ಕೆಲ ದಿನಗಳ ನಂತರ ವಧುವಿನ ಕಡೆಯವರು ಕೂಡ ಹುಡುಗನ ಮನೆಗೆ ತೆರಳಬೇಕಾಗಿತ್ತು. ಆದರೆ ಈ ಮಧ್ಯೆ ಯುವತಿ ತನ್ನ ಪ್ರಿಯತಮನ ಜೊತೆ ಓಡಿಹೋಗಿದ್ದಾಳೆ. ಅಲ್ಲದೆ ಓಡಿಹೋಗುವಾಗ ಲಕ್ಷ ಮೌಲ್ಯದ ಆಭರಣಗಳು ಹಾಗೂ ಸ್ವಲ್ಪ ಹಣವನ್ನು ಕೂಡ ತೆಗೆದುಕೊಂಡು ಹೋಗಿದ್ದಾಳೆ ಎಂದು ವರದಿಯಾಗಿದೆ.

ಮೂರ್ತಿ ರಾಯ್ಕ್ವಾರ್(20) ಡಿಸೆಂಬರ್ 6 ರಂದು ಉತ್ತರ ಪ್ರದೇಶದ ಜಲಾನ್ ಮೂಲದ ರಾಹುಲ್ ನನ್ನು ವರಿಸಿದ್ದಳು. ಡಿಸೆಂಬರ್ 24 ರಂದು ಭಜ್ಜು ಯಾದವ್ ಎಂಬ ಪ್ರೇಮಿಯೊಂದಿಗೆ ಓಡಿಹೋಗಿದ್ದಾಳೆ. ವಿಷಯ ಬೆಳಕಿಗೆ ಬಂದ ಕೂಡಲೇ ಮಹಿಳೆಯ ಕುಟುಂಬ ಸದಸ್ಯರು ಪೊಲೀಸ್ ಠಾಣೆಗೆ ನಾಪತ್ತೆ ದೂರು ನೀಡಿದ್ದಾರೆ.

ಯುವತಿ ಪೋಷಕರ ದೂರು ದಾಖಲಿಸಿಕೊಂಡ ಪೊಲೀಸರು ಆಕೆಗಾಗಿ ಹುಡುಕಾಟ ಆರಂಭಿಸಿದ್ದಾರೆ. ಈ ನಡುವೆ ಘಟನೆಯ ಬಗ್ಗೆ ಪತಿ ರಾಹುಲ್ ಗೆ ಮಾಹಿತಿ ನೀಡಿದ್ದಾರೆ. ಆತ ಪತ್ನಿಯ ಮನೆಗೆ ತೆರಳಿ ರಾದ್ಧಾಂತ ಮಾಡಿದ್ದಾನೆ.

Click to comment

Leave a Reply

Your email address will not be published. Required fields are marked *

www.publictv.in