Connect with us

Bengaluru City

ಲೋನ್ ಕೊಡಿಸುವುದಾಗಿ ನಂಬಿಸಿ ಮೋಸ- ಮಹಿಳೆಗೆ ಬಿತ್ತು ಗೂಸಾ

Published

on

ಬೆಂಗಳೂರು: ಕೊರೊನಾದಿಂದಾಗಿ ಜನ ಹಣವಿಲ್ಲದೆ ಕಂಗಾಲಾಗಿದ್ದಾರೆ. ಇಂತಹ ಸಂದರ್ಭದಲ್ಲಿ ಮಹಿಳೆಯೊಬ್ಬಳು ಲೋನ್ ಕೊಡಿಸುವುದಾಗಿ ನಂಬಿಸಿ ಮೋಸ ಮಾಡಿದ್ದು, ಸಿಟ್ಟಿಗೆದ್ದ ಜನ ಮನಬಂದಂತೆ ಥಳಿಸಿದ್ದಾರೆ.

ನಗರದ ಮುನೇಶ್ವರ ಬಡವಾಣೆಯಲ್ಲಿ ಘಟನೆ ನಡೆದಿದ್ದು, ಸಮಾಜ ಸೇವೆ ಹೆಸರಲ್ಲಿ ಶೀಲಾ ಲಕ್ಷ-ಲಕ್ಷ ರೂಪಾಯಿ ಪೀಕುತ್ತಿದ್ದಾಳೆ. ಲೋನ್ ಕೊಡಿಸುತ್ತೇನೆ ಎಂದು ನಂಬಿಸಿ ಇದೀಗ ಮೋಸ ಮಾಡಿದ್ದು, ಇದು ತಿಳಿಯುತ್ತಿದ್ದಂತೆ ಗ್ರಾಹಕರು ರೊಚ್ಚಿಗೆದ್ದು, ಮನೆಗೆ ನುಗ್ಗಿ, ರಸ್ತೆಗೆ ಎಳೆದು ಮಹಿಳೆಗೆ ಧರ್ಮದೇಟು ನೀಡಿದ್ದಾರೆ.

ಲೋನ್ ಕೊಡಿಸುವುದಾಗಿ ನಂಬಿಸಿ ಹಣ ಪೀಕಿದ್ದಾಳೆ ಎಂಬುದು ಹಣ ಕಳೆದುಕೊಂಡವರ ಆರೋಪವಾಗಿದ್ದು, ಲಕ್ಷ ಲಕ್ಷ ರೂ. ಹಣ ಪೀಕಿದ್ದಾಳೆ ಎಂದು ಲೇಡಿ ಮನೆಗೆ ನುಗ್ಗಿ ಸಖತ್ ಗೂಸಾ ಕೊಟ್ಟಿದ್ದಾರೆ. ಪ್ರತಿಯೊಬ್ಬರಿಂದ 15-30 ಸಾವಿರ ರೂಪಾಯಿಯಂತೆ ಎಲ್ಲರಿಂದ ಒಟ್ಟು 5.10 ಲಕ್ಷ ರೂ. ಪಡೆದು ಮಹಿಳೆ ವಂಚಿಸಿದ್ದಾಳೆ. ಸುಮಾರು 35 ಜನರಿಂದ ಹಣ ಪೀಕಿ, ಹಣ ಕೊಡುತ್ತೇನೆಂದು ದಿನಕ್ಕೊಂದು ಕಾರಣ ಹೇಳಿ ವಂಚಿಸಲು ಯತ್ನಿಸಿದ್ದಾಳೆ.

ಇಂದು ತಾಳ್ಮೆ ಕಳೆದುಕೊಂಡ ಹಣ ಕಳೆದುಕೊಂಡ ಮಹಿಳೆಯರು, ವಂಚನೆ ಮಾಡಿದ ಶೀಲಾ ಮನೆಗೆ ನುಗ್ಗಿ ಮನಬಂದಂತೆ ಥಳಿಸಿದ್ದಾರೆ. ಸರ್ಕಾರದಿಂದ ಸಬ್ಸಿಡಿ ಲೋನ್ ಕೊಡಿಸುತ್ತೇನೆ ಎಂದು ಮಹಿಳೆ ವಂಚನೆ ಮಾಡುತ್ತಿದ್ದಳಂತೆ. ಕೊಟ್ಟ ಹಣ ವಾಪಸ್ ಕೇಳಿದರೆ ಶೀಲಾ ದರ್ಪ ಮೆರೆಯುತ್ತಿದ್ದಳಂತೆ. ಹೀಗಾಗಿ ಇದರಿಂದ ಬೇಸತ್ತ 10-12 ಜನ ಶೀಲಾ ಮನೆಗೆ ನುಗ್ಗಿ ಭರ್ಜರಿ ಗೂಸಾ ಕೊಟ್ಟಿದ್ದಾರೆ.

Click to comment

Leave a Reply

Your email address will not be published. Required fields are marked *