ರೆಸ್ಟೋರೆಂಟ್, ಡಾಬಾಗಳಲ್ಲಿ ಸಿಗುವ ಚಿಕನ್ ಖಾದ್ಯ ತಿಂದವರಿಗೆ ಮನೆಯಲ್ಲಿ ಇದನ್ನ ಹೇಗೆ ಮಾಡೋದು ಅಂತ ತಲೆ ಕೆಡಿಸಿಕೊಂಡಿರುತ್ತಾರೆ. ಹಾಗಾಗಿ ಇದೀಗ ರೆಸ್ಟೊರೆಂಟ್ ಶೈಲಿಯ ಸ್ಪೈಸಿ ಮುಗಲಾಯಿ ಚಿಕನ್ ಗ್ರೇವಿ ಮಾಡುವ ವಿಧಾನ ನಿಮ್ಮ ಮುಂದಿದೆ. ಸಾಮಾನ್ಯವಾಗಿ ಭಾನುವಾರದ ದಿನ ಬಹುತೇಕರ ಮನೆಯಲ್ಲಿ ಬಾಡುಟದ ಪರಿಮಳ ಇರಲೇಬೇಕು. ಪ್ರತಿವಾರ ಸಾಮಾನ್ಯ ಚಿಕನ್ ರೆಸಿಪಿ ಮಾಡಿ ಬೇಜಾರು ಆಗಿದ್ರೆ ಒಮ್ಮೆ ರೆಸ್ಟೊರೆಂಟ್ ಶೈಲಿಯ ಸ್ಪೈಸಿ ಮೊಗಲಾಯಿ ಚಿಕನ್ ಗ್ರೇವಿ ರೆಸಿಪಿ ಮಾಡಿ. ಮನೆಗೆ ವಿಶೇಷ ಅತಿಥಿ, ಪಾರ್ಟಿ ಸಂದರ್ಭಗಳಲ್ಲಿ ಈ ರೀತಿಯ ರುಚಿಕರ ಖಾದ್ಯ ಮಾಡಬಹುದು.
Advertisement
ಬೇಕಾಗುವ ಸಾಮಾಗ್ರಿಗಳು
* ಚಿಕನ್-1 ಕೆಜಿ
* ಈರುಳ್ಳಿ- 3 (ಮಧ್ಯಮ ಗಾತ್ರದ್ದು)
* ಮೊಸರು-1 ಕಪ್
* ಹಾಲು- 1 ಕಪ್
* ತುಪ್ಪ- 1 ಕಪ್
* ಬದಾಮಿ- 50 ಗ್ರಾಂ
* ಶುಂಠಿ, ಬೆಳ್ಳುಳ್ಳಿ ಪೇಸ್ಟ್- 1 ಟಿ ಸ್ಪೂನ್
* ಹಸಿ ಮೆಣಸಿನಕಾಯಿ- 3 ರಿಂದ 4
* ಧನಿಯಾ ಪೌಡರ್- 1 ಟೀ.ಸ್ಪೂನ್
* ಅಚ್ಚ ಖಾರದ ಪುಡಿ-1/2 ಟೀ ಸ್ಪೂನ್
* ಅರಿಶಿನ- 1/2 ಟೀ ಸ್ಪೂನ್
* ಉಪ್ಪು- ರುಚಿಗೆ ತಕ್ಕಷ್ಟು
* ಕೆಂಪು ಮೆಣಸಿನಕಾಯಿ- 4
* ಧನಿಯಾ- 1 ಟೀಸ್ಪೂನ್
* ಜೀರಿಗೆ- 1 ಟೀ ಸ್ಪೂನ್
* ಕಾಳು ಮೆಣಸು- 1 ಟೀ ಸ್ಪೂನ್
Advertisement
Advertisement
ಮಾಡುವ ವಿಧಾನ
* ಮೊದಲಿಗೆ ಸ್ಟೌವ್ ಮೇಲೆ ಪ್ಯಾನ್ ಇರಿಸಿ ಕಡಿಮೆ ಉರಿಯಲ್ಲಿ ಬದಾಮಿ, ಕಾಳು ಮೆಣಸು, ಜೀರಿಗೆ, ಕೆಂಪು ಮೆಣಸಿನಕಾಯಿ ಮತ್ತು ಧನಿಯಾ ಹಾಕಿ ಎರಡರಿಂದ ಮೂರು ನಿಮಿಷ ಫ್ರೈ ಮಾಡಿಕೊಳ್ಳಿ. ನಂತರ ಮಿಕ್ಸಿ ಬೌಲಿಗೆ ಹಾಕಿ ಪೌಡರ್ ಮಾಡಿಕೊಳ್ಳಿ.
* ಮತ್ತೊಂದು ಪ್ಯಾನ್ ಇಟ್ಟುಕೊಂಡು ಒಂದು ಟೀ ಸ್ಪೂನ್ ತುಪ್ಪ ಹಾಕಿ. ಉದ್ದವಾಗಿ ಕತ್ತರಿಸಿಕೊಂಡಿರುವ ಈರುಳ್ಳಿಯನ್ನು ಹಾಕಿ ಗೋಲ್ಡನ್ ಕಲರ್ ಬರೋವರೆಗೂ ಹುರಿದು ಎತ್ತಿಟ್ಟುಕೊಳ್ಳಿ.
Advertisement
* ಇನ್ನೊಂದು ಮಿಕ್ಸಿಂಗ್ ಬೌಲ್ ನಲ್ಲಿ ತೊಳೆದುಕೊಂಡಿರುವ ಚಿಕನ್ ಹಾಕಿ. ಅದಕ್ಕೆ ಅಚ್ಚ ಖಾರದ ಪುಡಿ, ಚಿಟಿಕೆ ಅರಿಶಿನ ಮತ್ತು ರುಚಿಗೆ ತಕ್ಕಷ್ಟು ಉಪ್ಪು, ಶುಂಠಿ-ಬೆಳ್ಳುಳ್ಳಿ ಪೇಸ್ಟ್, ಅರ್ಧ ಕಪ್ ಮೊಸರು ಹಾಕಿ ಚೆನ್ನಾಗಿ ಮಿಕ್ಸ್ ಮಾಡಿ ಮುಚ್ಚಳ ಮುಚ್ಚಿ 15 ನಿಮಿಷ ಎತ್ತಿಡಿ.
* ಈರುಳ್ಳಿ ಫ್ರೈ ಮಾಡಿದ ಪಾತ್ರೆಯಲ್ಲಿ ಮಸಾಲೆಯಲ್ಲಿ ಮಿಕ್ಸ್ ಮಾಡಿರುವ ಚಿಕನ್ ಹಾಕಿ. ತುಪ್ಪದಲ್ಲಿ ಚಿಕನ್ ಚೆನ್ನಾಗಿ ಎರಡರಿಂದ ಮೂರು ನಿಮಿಷ ಫ್ರೈ ಮಾಡಿ, ರುಬ್ಬಿಕೊಂಡಿರುವ ಮಸಾಲೆಯನ್ನ ಸೇರಿಸಿ.
* ಮಸಾಲೆ ಸೇರಿಸಿದ ನಂತರ ಕಡಿಮೆ ಉರಿಯಲ್ಲಿ ಚಿಕನ್ ಚೆನ್ನಾಗಿ ಎರಡು ನಿಮಿಷ ಬೇಯಿಸಿ. ತದನಂತರ ಅರ್ಧ ಕಪ್ ಮೊಸರು, ಒಂದು ಕಪ್ ಹಾಲು ಹಾಗೂ ಫ್ರೈ ಮಾಡಿಕೊಂಡಿರುವ ಈರುಳ್ಳಿ ಸೇರಿಸಿ ಚೆನ್ನಾಗಿ ಪ್ಲಿಪ್ ಮಾಡಬೇಕು.
* ಕೊನೆಗೆ ಒಂದು ಕಪ್ ನೀರು, ಮೂರು ಹಸಿ ಮೆಣಸಿನಕಾಯಿ ಹಾಕಿ ಮುಚ್ಚಳ ಮುಚ್ಚಿ 10 ನಿಮಿಷ ಬೇಯಿಸಿದ್ರೆ ಮುಗಲಾಯಿ ಚಿಕನ್ ರೆಡಿ.
