CinemaLatestMain PostNational

ಮುಂಬೈ, ಗೋವಾದಲ್ಲಿನ ಆಸ್ತಿ ಮಾರಿ ವಿದೇಶದಲ್ಲಿ ಸೆಟಲ್ ಆದ ದೇಸಿ ಗರ್ಲ್

ಮುಂಬೈ: ವಿವಾಹದ ಬಳಿಕ ನಟಿ ಪ್ರಿಯಾಂಕ ಚೋಪ್ರಾ ಬಾಲಿವುಡ್ ಮತ್ತು ಮುಂಬೈನಿಂದ ದೂರ ಉಳಿದಿದ್ದಾರೆ. ಸದ್ಯ ಹಾಲಿವುಡ್ ಸಿನಿಮಾಗಳತ್ತ ಹೆಚ್ಚು ಮುಖ ಮಾಡಿರುವ ಪ್ರಿಯಾಂಕ ಹಿಂದಿಯಲ್ಲಿ ಕೆಲವು ಆಯ್ದ ಸಿನಿಮಾಗಳಲ್ಲಿ ಮಾತ್ರ ಅಭಿನಯಿಸುತ್ತಿದ್ದಾರೆ.

ಮುಂಬೈ ಮತ್ತು ಗೋವಾದಲ್ಲಿ ಅನೇಕ ಪ್ರಾಪರ್ಟಿಗಳನ್ನು ಹೊಂದಿರುವ ಪ್ರಿಯಾಂಕ ಚೋಪ್ರಾ ಇದೀಗ ತಮ್ಮ ಎರಡು ಅಪಾರ್ಟ್‍ಮೆಂಟ್‍ಗಳನ್ನು ಮಾರಾಟ ಮಾಡುತ್ತಿದ್ದಾರೆ ಎಂದು ಸುದ್ದಿ ವೈರಲ್ ಆಗುತ್ತಿದೆ. ಸದ್ಯ ಎಂಜಲೀಸ್‍ನಲ್ಲಿ ವಾಸಿಸುತ್ತಿರುವ ಪ್ರಿಯಾಂಕ ಚೋಪ್ರಾ ಹಾಗೂ ನಿಕ್ ಜೋನಸ್ ಜುಲೈ 19ರಂದು ವಿವಾಹ ವಾರ್ಷಿಕೋತ್ಸವವನ್ನು ಆಚರಿಸಿಕೊಂಡಿದ್ದರು.

ಸದ್ಯ ಪ್ರಿಯಾಂಕ ಚೋಪ್ರಾ ಇದೀಗ ಮುಂಬೈನಲ್ಲಿರುವ ತಮ್ಮ 2 ಅಪಾರ್ಟ್‍ಮೆಂಟ್‍ನನ್ನು ಮಾರಾಟ ಮಾಡುತ್ತಿದ್ದು, ಅಂಧೇರಿ ಪಶ್ಚಿಮದ ಒಶಿವಾರಾದ ವಾಸ್ತು ಪ್ರೆಸಿಂಕ್ಟ್ ನಲ್ಲಿ ತಮ್ಮ ಕಚೇರಿಗಾಗಿ 2.11 ಲಕ್ಷಕ್ಕೆ ಭೋಗ್ಯ ನೀಡಿದ್ದಾರೆ. ಇನ್ನೂ ಈ ಎಲ್ಲಾ ವ್ಯವಹಾರಗಳನ್ನು ಪ್ರಿಯಾಂಕ ಚೋಪ್ರಾರವರ ತಾಯಿ ಮಧು ಚೋಪ್ರಾ ನಿಭಾಯಿಸುತ್ತಿದ್ದಾರೆ.

ಪ್ರಿಯಾಂಕ ಚೋಪ್ರಾ ಅಂಧೇರಿ ವೆಸ್ಟ್ ನ ರಾಜ್ ಕ್ಲಾಸಿಕ್ ವರ್ಸೊವಾದಲ್ಲಿರುವ ತಮ್ಮ ಎರಡು ಅಪಾರ್ಟ್‍ಮೆಂಟ್‍ಗಳನ್ನು 7 ಕೋಟಿ ರೂ.ಗೆ ಮಾರಿದ್ದು, ಈ ಕುರಿತು 2021ರ ಮಾರ್ಚ್ 26ರಂದು ಒಪ್ಪಂದ ಮಾಡಿಕೊಟ್ಟಿದ್ದರು. ಕಳೆದ ವರ್ಷ ಕೂಡ ಮುಂಬೈನ ಅಂಧೇರಿಯ ಲೋಖಂಡ್ವಾಲಾ ಕಾಂಪ್ಲೆಕ್ಸ್‌ನಲ್ಲಿರುವ ಕರಣ್ ಅಪಾರ್ಟ್‍ಮೆಂಟ್‍ನನ್ನು ಸಹ ಮಾರಿದ್ದರು.

ಜುಹುವಿನಲ್ಲಿಯೂ ಕೂಡ ಪ್ರಿಯಾಂಕ ಮನೆಯನ್ನು ಹೊಂದಿದ್ದು, 2018ರಲ್ಲಿ ರೋಕಾ ಕಾರ್ಯಕ್ರಮ ಇಲ್ಲಿಯೇ ನಡೆದಿತ್ತು. ಗೋವಾದ ಬಾಗಾ ಬೀಚ್ ಬಳಿ ಕೂಡ ಪ್ರಿಯಾಂಕ ಮನೆ ಹೊಂದಿದ್ದಾರೆ. ಇದನ್ನೂ ಓದಿ:407 ಸಿನಿಮಾ ಹೆಸರನ್ನು ಬಳಸಿ ಸ್ಟಾರ್ ನಟನ ಭಾವಚಿತ್ರ – ಗಿನ್ನಿಸ್ ದಾಖಲೆ ಪುಸ್ತಕಕ್ಕೆ ಅಭಿಮಾನಿ ಹೆಸರು

Leave a Reply

Your email address will not be published.

Back to top button