CoronaLatestMain PostNational

ಕೊರೊನಾ ಗೆದ್ದ ವಾರಿಯರನ್ನು 140 ಕಿಮೀ ಕ್ರಮಿಸಿ ಡ್ರಾಪ್ ಕೊಟ್ಟ ಲೇಡಿ ಆಟೋ ಡ್ರೈವರ್

– ಮಹಿಳಾ ಚಾಲಕಿ ಕೆಲಸಕ್ಕೆ ವಿವಿಎಸ್ ಲಕ್ಷ್ಮಣ್ ಸಲಾಂ

ಹೈದರಾಬಾದ್: ಕೋವಿಡ್ ಸೋಂಕಿನಿಂದ ಚೇತರಿಸಿಕೊಂಡ ಕೊರೊನಾ ವಾರಿಯರನ್ನು 140 ಕಿಮೀ ಕ್ರಮಿಸಿ ಮಹಿಳಾ ಆಟೋ ಡ್ರೈವರ್ ಒಬ್ಬರು ಡ್ರಾಪ್ ಮಾಡಿರುವ ಘಟನೆ ಮಣಿಪುರದ ಇಂಪಾಲ್‍ನಲ್ಲಿ ನಡೆದಿದೆ.

ಕೊರೊನಾ ಸೋಂಕಿಗೆ ಒಳಗಾಗಿದ್ದ ನರ್ಸ್ ಒಬ್ಬರು ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆದು ಗುಣಮುಖರಾಗಿ ಬಿಡುಗಡೆಯಾಗಿದ್ದರು. ಆದರೆ ಅವರನ್ನು ಮನೆಗೆ ಡ್ರಾಪ್ ಮಾಡಲು ಸ್ಥಳೀಯ ವಾಹನ ಚಾಲಕರು ನಿರಾಕರಿಸಿದ್ದರು. ಈ ವೇಳೆ ವಾರಿಯರ್ ಸಹಾಯಕ್ಕೆ ಬಂದ ಮಹಿಳಾ ಆಟೋ ಚಾಲಕಿ ಎಚೆ ಲೈಬಿ ಒನಮ್, ರಾತ್ರಿ ವೇಳೆ ಸುಮಾರು 140 ಕಿಮೀ ಆಟೋ ಚಾಲನೆ ಮಾಡಿಕೊಂಡು ಹೋಗಿ ನರ್ಸ್ ಅವರನ್ನು ಮನೆ ತಲುಪಿಸಿದ್ದಾರೆ.

ಆಟೋ ಚಾಲಕಿ ಎಚೆ ಲೈಬಿ ಒನಮ್ ಅವರ ಈ ಕಾರ್ಯಕ್ಕೆ ಮೆಚ್ಚುಗೆ ಸೂಚಿಸಿರುವ ಟೀಂ ಇಂಡಿಯಾ ಮಾಜಿ ಆಟಗಾರ ವಿವಿಎಸ್ ಲಕ್ಷ್ಮಣ್, ಎಚೆ ಲೈಬಿ ಒನಮ್ ಅವರ ಫೋಟೋವನ್ನು ಟ್ವೀಟ್ ಮಾಡಿ ಘಟನೆ ಕುರಿತು ಮಾಹಿತಿ ನೀಡಿದ್ದಾರೆ. ಅಲ್ಲದೇ ಅವರ ನಿಸ್ವಾರ್ಥ ಸೇವೆಗೆ ಧನ್ಯವಾದ ತಿಳಿಸಿದ್ದಾರೆ.

Leave a Reply

Your email address will not be published. Required fields are marked *

Back to top button