ಕೊರೊನಾ ಅಟ್ಟಹಾಸಕ್ಕೆ ಬೇಸತ್ತು ಮನೆ ಬಿಟ್ಟು ಜಮೀನು ಸೇರಿದ ಕುಟುಂಬಗಳು!

ಗದಗ: ಕೊರೊನಾ ಅಟ್ಟಹಾಸಕ್ಕೆ ಬೇಸತ್ತು ಸಾರ್ವಜನಿಕರು ಮನೆ ಬಿಟ್ಟು ತಮ್ಮ ಜಮೀನಿನಲ್ಲಿ ಟೆಂಟ್ ಹಾಕಿಕೊಂಡು ಬದುಕುತ್ತಿರುವ ಘಟನೆ ಜಿಲ್ಲೆಯ ಮುಳಗುಂದದ ಶೀತಾಲಹರಿ ಗ್ರಾಮದಲ್ಲಿ ನಡೆದಿದೆ.

- Advertisement -

ಸುಮಾರು ಒಂದುಸಾವಿರ ಜನಸಂಖ್ಯೆ ಇರುವ ಈ ಚಿಕ್ಕ ಗ್ರಾಮದಲ್ಲಿ ಈಗಾಗಲೇ ಸೋಂಕಿನಿಂದ ಓರ್ವ ಸಾವನ್ನಪ್ಪಿದ್ದು, 10 ಜನರಿಗೆ ಸೋಂಕು ದೃಢವಾಗಿದೆ. ಗ್ರಾಮದಲ್ಲಿ ಇನ್ನೂ ಸೋಂಕಿನ ಸಂಖ್ಯೆ ಹೆಚ್ಚಾಗುವ ಸಾಧ್ಯತೆ ಇರುವುದರಿಂದ ಭಯಭೀತಗೊಂಡ ಸ್ಥಳೀಯರು ಊರು ಬಿಟ್ಟು ತಮ್ಮ ತಮ್ಮ ಜಮೀನಿನಲ್ಲಿ ಟೆಂಟ್ ಹಾಕಿಕೊಂಡು ಜೀವನ ನಡೆಸುತ್ತಿದ್ದಾರೆ.

- Advertisement -

ಈಗಾಗಲೇ 30ಕ್ಕೂ ಅಧಿಕ ಕುಟುಂಬಗಳು ಗ್ರಾಮ ತೊರೆದು ಜಮೀನು ಸೇರಿವೆ. ಕೊರೊನಾ ತಂದಿಟ್ಟ ಸಂಕಷ್ಟದಿಂದ ಹೈರಾಣಾದ ಕೂಲಿ ಕಾರ್ಮಿಕರು, ಬಡ ಜನ್ರ ಗೋಳಾಟ ಇಲ್ಲಿ ಕೇಳತೀರದಾಗಿದೆ. ಈ ಚಿಕ್ಕ ಗ್ರಾಮದಲ್ಲಿಯೇ ವೈರಸ್ ಇಷ್ಟೊಂದು ಪಸರಿಸುವುದರಿಂದ ಊರು ತೊರೆಯುವುದೇ ಒಳ್ಳೆಯದು ಎಂದು ಕೊಂಡಿದ್ದಾರೆ.

ವೃದ್ದರು, ಚಿಕ್ಕಮಕ್ಕಳು ಇರುವವರು ಜಮೀನಿನಲ್ಲಿ ಎಷ್ಟೇ ಕಷ್ಟ ಆದ್ರೂ ಪರವಾಗಿಲ್ಲ, ಜೀವ ಉಳಿದ್ರೆ ಸಾಕಪ್ಪಾ ಅನ್ನೊ ಮನಸ್ಥಿತಿಗೆ ಜನ ಬಂದಿದ್ದಾರೆ.

 

- Advertisement -