Wednesday, 18th October 2017

Recent News

ಹೃತಿಕ್ ಜೊತೆ ನಾಯಕಿಯಾಗಿ ಕಾಣಿಸಿಕೊಳ್ಳಲಿದ್ದಾರೆ ‘ಬೇಫಿಕ್ರೆ’ ನಟಿ!

ಮುಂಬೈ: ಹೃತಿಕ್ ರೋಶನ್ ಹಾಗೂ ಟೈಗರ್ ಶ್ರಾಫ್ ಜೊತೆಯಲ್ಲಿ ನಟಿಸುತ್ತಿದ್ದಾರೆ. ಆದರೆ ಈ ಚಿತ್ರಕ್ಕೆ ಹೃತಿಕ್ ಗೆ ನಾಯಕಿಯಾಗಿ ಬೇಫಿಕ್ರೆ ನಟಿ ವಾಣಿ ಕಪೂರ್ ಕಾಣಿಸಿಕೊಳ್ಳಲಿದ್ದಾರೆ.

ಈ ಚಿತ್ರದಲ್ಲಿ ಹೃತಿಕ್ ಹಾಗೂ ಟೈಗರ್ ಜೊತೆಯಾಗಿ ನಟಿಸಲಿದ್ದು, ಆದರೆ ಈ ಚಿತ್ರದಲ್ಲಿ ಒಬ್ಬರೆ ನಾಯಕಿ ಕಾಣಿಸಿಕೊಳ್ಳಲಿದ್ದಾರೆ. ಹೃತಿಕ್ ಗೆ ಜೋಡಿಯಾಗಿ ವಾಣಿ ಕಪೂರ್ ಜೊತೆಯಾಗಲಿದ್ದಾರೆ. ಈ ಚಿತ್ರಕ್ಕಾಗಿ ಹೊಸ ಹಾಗೂ ಯುವ ನಟಿಯರನ್ನು ಹುಡುಕುತ್ತಿದ್ದೆ. ಆಗ ನೆನಪಾಗಿದ್ದು ವಾಣಿ ಕಪೂರ್ ಎಂದು ಚಿತ್ರದ ನಿರ್ದೇಶಕ ಸಿದ್ಧಾರ್ಥ್ ಆನಂದ್ ತಿಳಿಸಿದ್ದಾರೆ.

ವಾಣಿ ನಟಿಸಿದ ಎರಡೂ ಸಿನಿಮಾಗಳನ್ನು ನಾನು ಇಷ್ಟಪಟ್ಟಿದ್ದೇನೆ. ಅವರು ನಟನೆ ಜೊತೆ ಅತ್ಯುತ್ತಮ ಡ್ಯಾನ್ಸರ್ ಸಹ ಆಗಿದ್ದಾರೆ. ಅವರನ್ನು ಭೇಟಿ ಮಾಡಿ ಅವರ ಜೊತೆ ಮಾತನಾಡಿದ ನಂತರ ಅವರೇ ಈ ಸಿನಿಮಾಗೆ ಉತ್ತಮ ನಾಯಕಿಯೆಂದು ನಿರ್ಧರಿಸಿದೆ ಎಂದು ಸಿದ್ಧಾರ್ಥ್ ತಿಳಿಸಿದ್ದಾರೆ.

ಇದನ್ನೂ ಓದಿ: 30 ಕೋಟಿಗೂ ಅಧಿಕ ಬಾರಿ ವೀಕ್ಷಣೆಗೊಳಗಾದ ಮೊದಲ ಬಾಲಿವುಡ್ ಹಾಡು

ಈ ಚಿತ್ರಕ್ಕೆ ಇನ್ನೂ ಯಾವುದೇ ಹೆಸರನ್ನು ಚಿತ್ರತಂಡ ಸೂಚಿಸಿಲ್ಲ. 2019ರ ಜನವರಿ 25 ರಂದು ಈ ಚಿತ್ರವನ್ನು ಬಿಡುಗಡೆ ಮಾಡಲು ಚಿತ್ರತಂಡ ಮುಂದಾಗಿದೆ. ವಾಣಿ ಕಪೂರ್ ಈ ಹಿಂದೆ ಶುದ್ಧ ದೇಸಿ ರೋಮ್ಯಾನ್ಸ್ ಮತ್ತು ಬೇಫಿಕ್ರೆ ಸಿನಿಮಾಗಳಲ್ಲಿ ನಟಿಸಿದ್ದರು.

Leave a Reply

Your email address will not be published. Required fields are marked *