Thursday, 18th January 2018

Recent News

ನೋ ಪ್ಯಾಂಟ್ಸ್ ಡೇ – ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗ್ತಿದೆ ಫೋಟೋಗಳು

ನ್ಯೂಯಾರ್ಕ್: ಜಗತ್ತಿನಲ್ಲಿ ಯಾವ ಯಾವ ದಿನಗಳನ್ನು ಆಚರಣೆ ಮಾಡುತ್ತಾರೆ ಎನ್ನುವುದಕ್ಕೆ ಒಂದು ತಾಜಾ ಉದಾಹರಣೆ ನ್ಯೂಯಾರ್ಕ್‍ನಲ್ಲಿ ಆಚರಿಸುವ `ನೋ ಪ್ಯಾಂಟ್ಸ್ ಡೇ’ ಆಗಿದೆ. ಈಗ ಈ ಆಚರಣೆಯ ಫೋಟೋಗಳು ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗಿವೆ.

ಈ ದೇಶದಲ್ಲಿ ಪ್ರತಿವರ್ಷ ಜನವರಿ 7 ರಂದು ನೋ ಪ್ಯಾಂಟ್ಸ್ ಡೇಯನ್ನು ಆಚರಣೆ ಮಾಡುತ್ತಾರೆ. ಅಂದರೆ ಜನವರಿ 7 ಭಾನುವಾರದಂದು ಯಾರೋಬ್ಬರು ಪ್ಯಾಂಟ್  ಧರಿಸದೇ ಮೆಟ್ರೋಗಳಲ್ಲಿ ಓಡಾಡಬೇಕು. ಸಾವಿರಾರು ಜನರು ಇಲ್ಲಿ 17 ಡಿಗ್ರಿ ಉಷ್ಣಾಂಶ ಇದ್ದರೂ ಪ್ಯಾಂಟ್ ಧರಿಸದೆ ಓಡಾಡುತ್ತಾರೆ.

2018 ಕ್ಕೆ ಈ ಆಚರಣೆಗೆ 17ನೇ ವಾರ್ಷಿಕೋತ್ಸವಾಗಿದ್ದು, ಇಂತಹದೊಂದು ಆಚರಣೆ 2002ರಲ್ಲಿ ಪ್ರಾರಂಭವಾಗಿತ್ತು. 2002 ರಲ್ಲಿ ಕೇವಲ ಏಳು ಜನರು ಈ ಆಚರಣೆಯಲ್ಲಿ ಭಾಗಿಯಾಗಿದ್ದರು. ಇಂದು ವಿಶ್ವದಾದ್ಯಂತ 60 ನಗರಗಳಲ್ಲಿ ಈ ದಿನವನ್ನು ಗುರುತಿಸಲಾಗಿದೆ. ನ್ಯೂಯಾರ್ಕ್ ನಗರದಲ್ಲಿ ಪ್ರತಿ ಜನವರಿ ತಿಂಗಳಿನಲ್ಲಿ ಮಾಡುವ ವಾರ್ಷಿಕ ಕಾರ್ಯಕ್ರಮವಾಗಿದೆ. ದಿನಾಂಕವು ವರ್ಷದಿಂದ ವರ್ಷಕ್ಕೆ ಬದಲಾಗುತ್ತದೆ ಹಾಗೂ ಡಿಸೆಂಬರ್ ಆರಂಭದಲ್ಲಿ ಆಚರಿಸುವ ದಿನಾಂಕವನ್ನು ತಿಳಿಸಲಾಗುತ್ತದೆ.

ಪ್ಯಾಂಟ್ ಧರಿಸದೆ ಇರುವವರಿಗೆ ಮೆಟ್ರೋ ನಿಲ್ದಾಣಗಳಲ್ಲಿ ಪ್ರತ್ಯೇಕವಾಗಿ ಮಾರ್ಗವನ್ನು ನಿಯೋಜನೆ ಮಾಡಲಾಗಿರುತ್ತದೆ. ಚಳಿಗಾಲದ ಕೋಟ್, ಟೋಪಿ, ಇತರೆ ವಸ್ತ್ರಗಳನ್ನು ಧರಿಸುತ್ತಾರೆ. ಆದರೆ ಪ್ಯಾಂಟ್ ಮಾತ್ರ ಧರಿಸುವುದಿಲ್ಲ.


ಇತಿಹಾಸ?
ಆಸ್ಟಿನ್ ನಲ್ಲಿರುವ ಟೆಕ್ಸಾಸ್ ವಿಶ್ವವಿದ್ಯಾನಿಲಯದ ಕ್ಯಾಂಪಸ್ ಕ್ಲಬ್‍ವೊಂದರಲ್ಲಿ ನೈಟ್‍ವುಡ್ ಆಫ್ ಬುಹ್ ಎಂಬ ಹೆಸರಿನ ಮೂಲಕ ಈ ಆಚರಣೆಯನ್ನು ಮೇ ಮೊದಲ ಶುಕ್ರವಾರದಂದು ಆರಂಭಿಸಲಾಗಿತ್ತು. ಈ ಆಚರಣೆಯನ್ನು ಒಂದು ಹಾಸ್ಯಮಯ ಸಾಹಸ ಎಂದು ಭಾವಿಸಲಾಗಿತ್ತು. ಆದರೆ ವರ್ಷದಿಂದ ವರ್ಷಕ್ಕೆ ಈ ಆಚರಣೆ ಮಾಡುವವರ ಪ್ರಮಾಣ ಹೆಚ್ಚಾಗಿದ್ದು, ಈಗ ಕೆನಡಾ, ಫ್ರಾನ್ಸ್, ಸ್ವೀಡನ್, ಆಸ್ಟ್ರೇಲಿಯಾ, ಫಿನ್ಲೆಂಡ್ ಮತ್ತು ಇಂಗ್ಲೆಂಡ್‍ನಲ್ಲಿ ಆಚರಿಸಲಾಗುತ್ತದೆ.

Leave a Reply

Your email address will not be published. Required fields are marked *