Saturday, 23rd September 2017

Recent News

ರುಚಿ ರುಚಿಯಾದ ಆಲೂ ಬ್ರೆಡ್ ರೋಲ್ ಮಾಡೋ ವಿಧಾನ

ಗಂತೂ ದಿನ ಬಿಟ್ಟು ದಿನ ಮಳೆಯೇ. ಇಂಥ ಟೈಮಲ್ಲಿ ಏನಾದ್ರೂ ಬಿಸಿ ಬಿಸಿಯಾದ ಸ್ನ್ಯಾಕ್ಸ್ ತಿನ್ನಬೇಕೆಂದು ಅನಿಸೋದು ಸಹಜ. ಪಾನಿಪುರಿ, ಮಸಾಲಪುರಿ ತಿನ್ನೋಕೆ ಹೊರಗೆ ಹೋಗ್ಬೇಕು. ಮಳೇಲಿ ಹೋಗೋದಂದ್ರೆ ಇನ್ನೂ ಫಜೀತಿ. ಮನೆಯಲ್ಲೇ ಏನಾದ್ರೂ ಸುಲಭವಾಗಿ ಮಾಡುವಂತದ್ದಾದ್ರೆ ಚೆನ್ನಾಗಿರುತ್ತೆ ಅಂದ್ಕೊಂಡ್ರಾ? ಡೋಂಟ್ ವರಿ ಅದಕ್ಕಾಗಿ ಆಲೂ ಬ್ರೆಡ್ ರೋಲ್ ಮಾಡುವ ವಿಧಾನ ಇಲ್ಲಿದೆ.

ಬೇಕಾಗುವ ಸಾಮಾಗ್ರಿ:
* ಆಲೂಗಡ್ಡೆ- 3
* ಬಟಾಣಿ- 1 ಕಪ್
* ಈರುಳ್ಳಿ- ಅರ್ಧ ಕಪ್
* ಬ್ರೆಡ್ ಸ್ಲೈಸ್- 8 ರಿಂದ 10
* ಹಸಿಮೆಣಸಿನಕಾಯಿ- 3 ರಿಂದ 4
* ಧನಿಯಾ ಪುಡಿ- ಅರ್ಧ ಚಮಚ
* ಉಪ್ಪು- ರುಚಿಗೆ ತಕ್ಕಷ್ಟು
* ಎಣ್ಣೆ- ಸ್ವಲ್ಪ

ಮಾಡುವ ವಿಧಾನ:

* ಕುಕ್ಕರ್‍ಗೆ ಆಲೂಗಡ್ಡೆ, ಬಟಾಣಿ ಹಾಕಿ ಬೇಯಲು ಬೇಕಾಗುವಷ್ಟು ನೀರು ಹಾಕಿ ಎರಡು ಅಥವಾ ಮೂರು ವಿಷಲ್ ಬರುವವರೆಗೆ ಬೇಯಿಸಿ.
* ಕುಕ್ಕರ್ ತಣ್ಣಗಾದ ಬಳಿಕ ಆಲೂಗಡ್ಡೆಯನ್ನು ತೆಗೆದು ಸಿಪ್ಪೆ ಸುಲಿದು, ಚೆನ್ನಾಗಿ ಹಿಸುಕಿ. ಇನ್ನೊಂದು ಪಾತ್ರೆಯಲ್ಲಿ ಬಟಾಣಿಯನ್ನು ಹರಡಿ.
* ಸ್ಟೌವ್ ಮೇಲೆ ಬಾಣಲೆಯಿಟ್ಟು ಅದಕ್ಕೆ ಸ್ವಲ್ಪ ಎಣ್ಣೆ ಹಾಕಿ ಬಿಸಿ ಮಾಡಿ. ನಂತರ ಕಟ್ ಮಾಡಿದ ಈರುಳ್ಳಿ, ಹಸಿಮೆಣಸಿನಕಾಯಿ ಹಾಕಿ ಹುರಿಯಿರಿ.
* ಈರುಳ್ಳಿ ಕೊಂಚ ಕಂದು ಬಣ್ಣಕ್ಕೆ ಬರುತ್ತಿದ್ದಂತೆಯೇ, ಕೊತ್ತಂಬರಿ ಪುಡಿ ಹಾಕಿ ಮತ್ತೆ ಹುರಿಯಿರಿ.
* ನಂತರ ಇದಕ್ಕೆ ಬೇಯಿಸಿದ ಬಟಾಣಿ ಹಾಕಿ ಫ್ರೈ ಮಾಡಿ. ಬಳಿಕ ಆಲೂಗಡ್ಡೆಯನ್ನು ಬೆರೆಸಿ ಸ್ವಲ್ಪ ಉಪ್ಪು ಸೇರಿಸಿ ಚೆನ್ನಾಗಿ ಮಿಶ್ರಣ ಮಾಡಿ ಒಲೆಯಿಂದ ಕೆಳಗಿಳಿಸಿ.
* ಬ್ರೆಡ್ ಪೀಸ್‍ಗಳನ್ನು ತಣ್ಣೀರಿನಲ್ಲಿ ಮುಳುಗಿಸಿ ನೀರು ಹೀರಿಕೊಳ್ಳುವಂತೆ ಮಾಡಿ. ಈ ಪೀಸ್ ಗಳನ್ನು ಕೈಯಲ್ಲಿ ಮೆಲ್ಲಗೆ ಒತ್ತಿ ನೀರನ್ನು ತೆಗೆಯಿರಿ.
* ಆಲೂಗಡ್ಡೆ ಮಿಶ್ರಣವನ್ನು ಚಿಕ್ಕ ಚಿಕ್ಕ ಉಂಡೆಗಳನ್ನಾಗಿ ಮಾಡಿ.
* ಈ ಉಂಡೆಗಳನ್ನು ಬ್ರೆಡ್‍ಪೀಸ್ ನ ಮಧ್ಯೆ ಇಟ್ಟು ಎರಡೂ ಕಡೆ ಬ್ರೆಡ್ ನಿಂದ ಉಂಡೆ ಆವರಿಸುವಂತೆ ಮಡಚಿಕೊಳ್ಳಿ.
* ಇನ್ನೊಂದು ಬಣಲೆಯಲ್ಲಿ ಎಣ್ಣೆ ಬಿಸಿ ಮಾಡಿ, ರೆಡಿ ಮಾಡಿಟ್ಟಿದ್ದ ಬ್ರೆಡ್‍ಗಳನ್ನು ಸಣ್ಣ ಉರಿಯಲ್ಲಿ ಕರಿಯಿರಿ.
* ಕಂದು ಬಣ್ಣಕ್ಕೆ ಬರುವವರೆಗೆ ಕರಿದು ತೆಗೆಯಿರಿ
* ಟೊಮೆಟೋ ಸಾಸ್ ಅಥವಾ ಚಟ್ನಿಯೊಂದಿಗೆ ಸವಿಯಿರಿ.

Leave a Reply

Your email address will not be published. Required fields are marked *