Monday, 18th June 2018

Recent News

ಸ್ಪೈಸಿಯಾಗಿ ಆಲೂಗಡ್ಡೆ ವೆಡ್ಜ್ ಮಾಡೋ ಸಿಂಪಲ್ ವಿಧಾನ ಓದಿ

ಕರ್ನಾಟಕದಲ್ಲಿ ಈಗಂತೂ ಪ್ರತಿ ಸಂಜೆ ಮಳೆಯಾಗುತ್ತಿದೆ. ಸಂಜೆ ವೇಳೆ ಬಿಸಿಬಿಸಿಯಾಗಿ, ಖಾರ ಖಾರವಾಗಿ ಏನಾದರೂ ತಿನ್ನಬೇಕೆನಿಸುತ್ತದೆ. ಹೊರಗಡೆ ಹೋಗೋಣ ಅಂದರೆ ಮಳೆ. ಹೀಗಾಗಿ ನಿಮಗೆ ಮನೆಯಲ್ಲೇ ಸಿಂಪಲಾಗಿ ಆಲೂಗಡ್ಡೆ ವೆಡ್ಜ್ ಮಾಡೋ ವಿಧಾನವನ್ನು ಇಲ್ಲಿ ತಿಳಿಸಲಾಗಿದೆ.

ಬೇಕಾಗುವ ಸಾಮಾಗ್ರಿಗಳು:
1. ಆಲೂಗೆಡ್ಡೆ – 2
2. ಉಪ್ಪು – ರುಚಿಗೆ ತಕ್ಕಷ್ಟು
3. ಜೋಳದ ಹಿಟ್ಟು – 2 ಚಮಚ
4. ಖಾರದ ಪುಡಿ – 1/2 ಚಮಚ
5. ಪೆಪ್ಪರ್ ಪೌಡರ್ – 1/2 ಚಮಚ
6. ಎಣ್ಣೆ

ಮಾಡುವ ವಿಧಾನ:
* ಮೊದಲು ಆಲೂಗಡ್ಡೆ ತೆಗೆದುಕೊಂಡು ಅದರ ಸಿಪ್ಪೆ ತೆಗೆಯಿರಿ.
* ನಂತರ ಒಂದು ಆಲೂಗೆಡ್ಡೆಯನ್ನು ಉದ್ದವಾಗಿ 8 ಪೀಸ್ ಮಾಡಿಕೊಳ್ಳಿ.
* ಕತ್ತರಿಸಿದ ಆಲೂಗಡ್ಡೆ, 1/2 ಚಮಚ ಉಪ್ಪು , ನೀರು ಹಾಕಿ 3 ನಿಮಿಷ ಬೇಯಿಸಿಕೊಳ್ಳಿ.
* ನಂತರ ಬೇಯಿಸಿದ ಆಲೂಗಡ್ಡೆಗೆ 2 ಚಮಚ ಎಣ್ಣೆ, 2 ಚಮಚ ಜೋಳದ ಹಿಟ್ಟು, 1/2 ಚಮಚ ಖಾರದ ಪುಡಿ, 1/2 ಚಮಚ ಪೆಪ್ಪರ್ ಪೌಡರ್, 1/2 ಚಮಚ ಉಪ್ಪು ಹಾಕಿ ಮಿಕ್ಸ್ ಮಾಡಿಕೊಳ್ಳಿ.
* ನಂತರ ಅದನ್ನು ಪ್ಲೇಟ್ ಗೆ ಹಾಕಿ ಓವೆನ್ ಬೇಕ್ ನಲ್ಲಿ ಸ್ವಲ್ಪ ಡ್ರೈ ಆಗಲು ಬಿಡಿ.
* ಬಳಿಕ ಬೇರೆ ಬಾಣಲೆಗೆ ಎಣ್ಣೆ ಹಾಕಿ ಬಿಸಿ ಮಾಡಿಕೊಳ್ಳಿ.
* ಕಾದ ಎಣ್ಣೆಗೆ ಡ್ರೈ ಆಗಿದ್ದ ಆಲೂಗಡ್ಡೆ ಹಾಕಿ ಗೋಲ್ಡನ್ ಬಣ್ಣ ಬರುವವರೆಗೆ ಬೇಯಿಸಿ.
* ನಂತರ ಬೇರೆ ಪ್ಲೇಟ್ ಗೆ ಹಾಕಿ ಅದರ ಮೇಲೆ ಸ್ವಲ್ಪ ಉಪ್ಪು, ಖಾರದ ಪುಡಿ ಹಾಕಿ, ಸಾಸ್ ಜೊತೆ ಸವಿಯಿರಿ.

Leave a Reply

Your email address will not be published. Required fields are marked *