Monday, 18th December 2017

Recent News

ಶೃತಿ ಹಾಸನ್, ಬಾಯ್ ಫ್ರೆಂಡ್ ಮೈಕಲ್ ಕೊರ್ಸೇಲ್ ಫೋಟೋ ವೈರಲ್

ಮುಂಬೈ: ನಟಿ ಶೃತಿ ಹಾಸನ್ ಗೆಳೆಯ ಮೈಕಲ್ ಕೊರ್ಸೇಲ್ ಜೊತೆ ಇರುವ ರಿಲೇಷನ್‍ಶಿಪ್ ಬಗ್ಗೆ ಮುಂದಿನ ಹಂತಕ್ಕೆ ಹೋಗಲು ಯೋಚಿಸಿದ್ದಾರೆಂದು ಕಾಣುತ್ತದೆ. ಲಂಡನ್ ಗೆಳೆಯ ಮೈಕಲ್ ಕೊರ್ಸೇಲ್ ರೊಂದಿಗೆ ಶೃತಿ ರಿಲೇಷನ್‍ಶಿಪ್‍ನಲ್ಲಿ ಇದ್ದಾರೆ ಎಂಬುದಕ್ಕೆ ಮತ್ತೊಂದು ಸಾಕ್ಷಿ ಎಂಬಂತೆ ಈ ಜೋಡಿ ಜೊತೆಯಾಗಿ ಕಾಣಿಸಿಕೊಂಡ ಮದುವೆ ಸಮಾರಂಭದ ಫೋಟೋಗಳು ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗಿದೆ.

ಮೈಕಲ್ ಕೊರ್ಸೇಲ್ ಈ ಹಿಂದೆ ಶೃತಿ ಅವರ ತಾಯಿ ಸಾರಿಕಾರನ್ನು ಭೇಟಿ ಮಾಡಿದ್ದು ಸುದ್ದಿಯಾಗಿತ್ತು. ಇತ್ತೀಚೆಗೆ ಚೆನ್ನೈನಲ್ಲಿ ತಮಿಳು ನಟ ಆಧವ್ ಕಣ್ಣದಾಸನ್ ಮತ್ತು ವಿನೋದ್ನಿ ಸುರೇಶ್ ಅವರ ಮದುವೆ ಸಮಾರಂಭಕ್ಕೆ ಶೃತಿ ಮತ್ತು ಮೈಕಲ್ ಜೊತೆಯಾಗಿ ಹೋಗಿದ್ದಾರೆ. ಇನ್ನೂ ಆಶ್ಚರ್ಯ ಎಂಬಂತೆ ಶೃತಿ ತಂದೆ ಕಮಲ್ ಹಾಸನ್ ಕೂಡ ಇವರ ಜೊತೆಯಲ್ಲಿದ್ದರು.

ಮದುವೆ ಸಮಾರಂಭಕ್ಕೆ ಶೃತಿ ಸಾಂಪ್ರದಾಯಕವಾಗಿ ದಕ್ಷಿಣ ಶೈಲಿಯ ಕೆಂಪು ಬಣ್ಣದ ಸೀರೆ ಮತ್ತು ಗೋಲ್ಡನ್ ಬ್ಲೌಸ್ ಧರಿಸಿ ಸಮಾರಂಭದಲ್ಲಿ ಎಲ್ಲರ ಕಣ್ಮನ ಸೆಳೆದಿದ್ದಾರೆ. ಮೈಕಲ್ ಕೂಡ ರೇಷ್ಮೆ ಪಂಚೆ ಮತ್ತು ಬಿಳಿ ಬಣ್ಣದ ಶರ್ಟ್ ಧರಿಸಿದ್ದು, ಎಲ್ಲರ ಹುಬ್ಬೇರುವಂತೆ ಮಾಡಿದ್ದಾರೆ. ಈ ಜೋಡಿ ಸಂಗೀತ್, ಮೆಹೆಂದಿ ಮತ್ತು ಆರತಕ್ಷತೆಯಲ್ಲೂ ಒಟ್ಟಾಗಿ ಕಾಣಿಸಿಕೊಂಡಿದ್ದಾರೆ.

ಈ ಮುದ್ದಾದ ಜೋಡಿಯ ಫೋಟೋ ಈಗ ಸಾಮಾಜಿಕ ಜಾಲತಾಣಗಳಲ್ಲಿ ಹರಿದಾಡುತ್ತಿದೆ. ಶೃತಿ ಹಾಸನ್ ತಮ್ಮ ರಿಲೇಷನ್‍ಶಿಪ್ ಬಗ್ಗೆ ಅಧಿಕೃತವಾಗಿ ಹೇಳುವರೆಗೂ ಅಭಿಮಾನಿಗಳು ಕಾಯಬೇಕಾಗಿದೆ.

 

Leave a Reply

Your email address will not be published. Required fields are marked *