Sunday, 17th December 2017

`ಟೈಗರ್ ಜಿಂದಾ ಹೈ’ ಸಿನಿಮಾಗಾಗಿ ತೂಕ ಇಳಿಸಿದ ಸಲ್ಮಾನ್ ಖಾನ್

ಮುಂಬೈ: ಬಾಲಿವುಡ್ ಭಾಯಿಜಾನ್ ಸಲ್ಮಾನ್ ಖಾನ್ ತಮ್ಮ ಮುಂದಿನ “ಟೈಗರ್ ಜಿಂದಾ ಹೈ” ಸಿನಿಮಾಗಾಗಿ 18 ರಿಂದ 20 ಕೆ.ಜಿ. ತೂಕ ಇಳಿಸಿಕೊಂಡಿದ್ದೇನೆ ಎಂದು ಖಾಸಗಿ ಚಾನೆಲ್ ಕಾರ್ಯಕ್ರಮದಲ್ಲಿ ತಿಳಿಸಿದ್ದಾರೆ.

ಸಲ್ಮಾನ್ ಖಾನ್ ತಾವು ಹಿಂದೆ ನಟಿಸಿದ್ದ ಸುಲ್ತಾನ್ ಚಿತ್ರದಲ್ಲಿ ಎರಡು ವಿಭಿನ್ನ ಪಾತ್ರಗಳಲ್ಲಿ ನಟಿಸಿದ್ದರು. ಹರಿಯಾಣದ ಕುಸ್ತಿ ಪಟುವಾಗಿ ಅಭಿನಯಿಸಿದ್ದು, ಚಿತ್ರದ ಮೊದಲ ಭಾಗದಲ್ಲಿ ಯುವಕನಾಗಿ ಕಾಣಿಸಿಕೊಳ್ಳುವ ಸಲ್ಮಾನ್, ನಂತರದ ಭಾಗದಲ್ಲಿ ವಯಸ್ಕರ ಹಾಗೆ ನಟಿಸಿದ್ದರು.

ಸುಲ್ತಾನ್ ಚಿತ್ರಕ್ಕಾಗಿ ಸಲ್ಮಾನ್ ಕುಸ್ತಿಪಟು ಅಂತೆ ಕಾಣಲು ದೇಹದ ತೂಕವನ್ನು ಹೆಚ್ಚಿಸಿಕೊಂಡು, ಫಿಟ್ ಆಗಿ ಕಾಣಿಸಿದ್ದರು. ಏಕ್ ಥಾ ಟೈಗರ್ ಚಿತ್ರದ ಮುಂದುವರೆದ ಭಾಗ `ಟೈಗರ್ ಜಿಂದಾ ಹೈ’ ಸಿನಿಮಾದಲ್ಲಿ ಸಲ್ಮಾನ್ ಆಕ್ಷನ್ ಪಾತ್ರದಲ್ಲಿ ಕಾಣಿಸಿಕೊಳ್ಳಲಿದ್ದಾರೆ. ಹೀಗಾಗಿ ತೂಕ ಇಳಿಸುವುದು ಅನಿವಾರ್ಯ ಆದ್ರಿಂದ ದೇಹವನ್ನು ಮೊದಲಿನ ಹಾಗೆ ಸ್ಲಿಮ್ ಮತ್ತು ಫಿಟ್ ಮಾಡಿಕೊಂಡಿದ್ದಾರೆ.

ಸಿನಿಮಾಗಾಗಿ ತೂಕ ಇಳಿಸುವುದು ಮತ್ತು ಹೆಚ್ಚಿಸಿಕೊಳ್ಳುವದು ತುಂಬಾ ಕಷ್ಟವಾದದ್ದು. ಸುಲ್ತಾನ್ ಚಿತ್ರದಲ್ಲಿ 96 ಕೆಜಿಯಿದ್ದ ಸಲ್ಲು ಸದ್ಯ 18-20 ಕೆಜಿ ತೂಕ ಕಡಿಮೆ ಮಾಡಿಕೊಂಡಿದ್ದೆನೆ ಎಂದು ಹೇಳಿದ್ದಾರೆ.

ಸಲ್ಮಾನ್ ಖಾನ್ ಅಭಿನಯದ `ಟ್ಯೂಬ್ ಲೈಟ್’ ಇದೇ ವರ್ಷ ಜೂನ್ ತಿಂಗಳಲ್ಲಿ ಈದ್ ಹಬ್ಬದಂದು ತೆರೆಕಾಣಲಿದೆ. ಟೈಗರ್ ಜಿಂದಾ ಹೈ ವರ್ಷದ ಕೊನೆಯಲ್ಲಿ ತೆರೆಕಾಣುವ ನಿರೀಕ್ಷೆಯಿದೆ.

 

Leave a Reply

Your email address will not be published. Required fields are marked *