Wednesday, 19th July 2017

ಮೇ ತಿಂಗಳಿನಲ್ಲಿ ಜಿಯೋದ ಡೌನ್‍ಲೋಡ್ ಸ್ಪೀಡ್ ಎಷ್ಟು ಇತ್ತು ಗೊತ್ತಾ?

ನವದೆಹಲಿ: ಜಿಯೋ 4ಜಿ ಸೇವೆ ಆರಂಭವಾದ ಬಳಿಕ ಮೇ ತಿಂಗಳಿನಲ್ಲಿ ಡೌನ್‍ಲೋಡ್ ಸ್ಪೀಡ್ ಸಾರ್ವಕಾಲಿಕ ಏರಿಕೆ ಕಂಡಿದೆ ಎಂದು ದೂರಸಂಪರ್ಕ ನಿಯಂತ್ರಣ ಪ್ರಾಧಿಕಾರ(ಟ್ರಾಯ್) ತಿಳಿಸಿದೆ.

ಮೇ ತಿಂಗಳಿನಲ್ಲಿ 19.123 ಎಂಬಿಪಿಎಸ್(ಮೆಗಾಬೈಟ್ಸ್ ಪರ್ ಸೆಕೆಂಡ್) ವೇಗದ ಡೌನ್‍ಲೋಡ್ ಸ್ಪೀಡ್ ದಾಖಲಾಗಿದೆ ಎಂದು ಟ್ರಾಯ್‍ನ ಮೈಸ್ಪೀಡ್ ಆಪ್ ತಿಳಿಸಿದೆ. 2016ರ ಡಿಸೆಂಬರ್ ನಲ್ಲಿ 18.146 ಎಂಬಿಪಿಎಸ್ ಡೌನ್‍ಲೋಡ್ ಸ್ಪೀಡ್ ದಾಖಲಾಗಿತ್ತು. ಡಿಸೆಂಬರ್ ಬಳಿಕ ನಂತರ ತಿಂಗಳಿನಲ್ಲಿ ಡೌನ್‍ಲೋಡ್ ಸ್ಪೀಡ್ ಕಡಿಮೆಯಾಗಿತ್ತು, ಈಗ ಏರಿಕೆ ಕಂಡಿದೆ.

ಫೆಬ್ರವರಿಯಲ್ಲಿ 17.427 ಎಂಬಿಪಿಎಸ್, ಮಾರ್ಚ್ ನಲ್ಲಿ 16.487 ಎಂಬಿಪಿಎಸ್, ಏಪ್ರಿಲ್ ನಲ್ಲಿ 18.487 ಎಂಬಿಪಿಎಸ್ ಡೌನ್‍ಲೋಡ್ ಸ್ಪೀಡನ್ನು ಜಿಯೋ ದಾಖಲಿಸಿತ್ತು.

ಯಾವುದು ಎಷ್ಟು?
ಮೇ ತಿಂಗಳಿನಲ್ಲಿ ಜಿಯೋ 18.4 ಎಂಬಿಪಿಎಸ್, ಐಡಿಯಾ 11.8 ಎಂಬಿಪಿಎಸ್, ವೊಡಾಫೋನ್ 11.5 ಎಂಬಿಪಿಎಸ್, ಏರ್‍ಟೆಲ್ 9.9 ಎಂಬಿಪಿಎಸ್ ಸರಾಸರಿ ಡೌನ್‍ಲೋಡ್ ಸ್ಪೀಡ್ ದಾಖಲಿಸಿದೆ.

ಅಪ್ಲೋಡ್ ಸ್ಪೀಡ್:
ಐಡಿಯಾ 7.2 ಎಂಬಿಪಿಎಸ್,ವೊಡಾಫೋನ್ 6.8 ಎಂಬಿಪಿಎಸ್, ಏರ್‍ಟೆಲ್ 4.4 ಎಂಬಿಪಿಎಸ್, ಜಿಯೋ 4.3 ಎಂಬಿಪಿಎಸ್ ಸರಾಸರಿ ಅಪ್ಲೋಡ್ ಸ್ಪೀಡ್ ದಾಖಲಿಸಿದೆ ಎಂದು ಟ್ರಾಯ್ ಆಪ್ ತಿಳಿಸಿದೆ.

Leave a Reply

Your email address will not be published. Required fields are marked *